24 విక్రం తో నాని 24

ప్రస్తుతం జెర్సి షూటింగ్ లో బిజీగా ఉన్న న్యాచురల్ స్టార్ నాని దాని తర్వాత చేయబోయే మూవీ గురించి పూర్తి క్లారిటీ ఇచ్చేసాడు. అది కూడా అధికారిక ప్రకటన రూపంలో. విక్రం కుమార్ దర్శకత్వంలో మైత్రి మూవీ మేకర్స్ నిర్మించబోయే మూవీ వచ్చే ఏడాది ఫిబ్రవరిలో షూటింగ్ మొదలుపెట్టబోతున్నట్టు అందులో చెప్పేసారు. సో ఆ టైం కంతా జెర్సి పూర్తైపోయి ఉంటుంది కాబట్టి డేట్ అలా సెట్ చేసుకున్నట్టు తెలిసింది. హీరొయిన్ టెక్నికల్ టీం లాంటి వివరాలు అందులో పొందుపరచలేదు. అభిమానులు మాత్రం ఈ క్రేజీ కాంబో పట్ల ఆసక్తి చూపుతున్నారు.

ఇక్కడ మరో ఆసక్తికరమైన విషయం ఉంది. నానికి ఇది 24వ సినిమా. విక్రం కుమార్ గతంలో సూర్య డ్యూయల్ రోల్ లో 24 అనే సినిమా తీసాడు. అందుకే 24 విక్రం తో నాని 24 ఉండటం అనే వార్త ఆసక్తికరంగా మారింది. ఇది ఏ జానర్ అనే వివరాలు ఇంకా తెలియాల్సి ఉంది. అల్లు అర్జున్ తో ప్రాజెక్ట్ కోసం విశ్వప్రయత్నం చేసిన విక్రం కుమార్ ఫైనల్ గా నానికి లాక్ అయిపోయాడు. గత చిత్రం హలో ఆశించిన విజయం సాధించకపోయినా విక్రం ట్రాక్ రికార్డు కు వచ్చిన నష్టం పెద్దగా లేదు. మనం-24 లాంటి టిపికల్ సబ్జెక్ట్స్ ని డీల్ చేసిన తీరు తెలుగు ప్రేక్షకులను కూడా బాగా ఆకట్టుకుంది. నితిన్ కు మంచి బ్రేక్ గా నిలిచిన ఇష్క్ తీసింది విక్రం కుమారే.

నానితో సినిమా గురించి వచ్చిన ప్రకటన పోస్టర్లో ఇద్దరు ఏదో టీ తాగుతూ సీరియస్ గా చర్చించుకుంటున్నట్టు ఉంది తప్ప అంతకు మించి ఏ క్లూ ఇవ్వలేదు. సో న్యాచురల్ స్టార్ తో నాని తో క్లాసీ డైరెక్టర్ అఫీషియల్ కన్ఫర్మేషన్ వచ్చేసింది కాబట్టి ఇక వెయిట్ చేయడమే మిగులుంది. జెర్సి ఏప్రిల్ లో విక్రం కుమార్ మూవీ నవంబర్ ప్రాంతంలో విడుదల చేసేందుకు ప్లానింగ్ జరుగుతున్నట్టు సమాచారం