స‌ర్కార్ వారితో సీనియ‌ర్ న‌టుడి సీన్స్ హైలైట్

సూప‌ర్ స్టార్ మ‌హ‌ష్ క‌థానాయ‌కుడిగా ప‌ర‌శురాం ద‌ర్శ‌క‌త్వంలో `స‌ర్కారు వారి పాట` తెర‌కెక్కుతున్న సంగ‌తి తెలిసిందే. ఇప్ప‌టికే మెజారిటీ భాగం షూటింగ్ పూర్త‌యింది. ప్ర‌స్తుతం హైద‌రాబాద్ లో చిత్రీక‌ర‌ణ జ‌రుగుతోంది. ఈ నేప‌థ్యంలో కోలీవుడ్ న‌టుడు స‌ముద్ర‌ఖ‌ని కూడా జాయిన్ అయిన‌ట్లు తెలుస్తోంది. ఇందులో స‌ముద్ర ఖ‌ని ప్ర‌తినాయ‌కుడి పాత్ర‌లో న‌టిస్తున్నారు. ఇటీవ‌లే మ‌హేష్‌-స‌ముద్ర ఖ‌ని మ‌ధ్య కొన్ని కీల‌క స‌న్నివేశాల్ని చిత్రీక‌రించారు. హైద‌రాబాద్ లో నిర్మించిన బ్యాంక్ సెట్ లో వీటి చిత్రీక‌ర‌ణ జ‌రిగింది.  ఈ స‌న్నివేశాలు సినిమాలో ప్ర‌త్యేక ఆక‌ర్ష‌ణ గా నిలుస్తాయ‌ని యూనిట్ తెలిపింది.

సినిమా మొత్తానికి ఇవే మేజ‌ర్ మైలైట్ అవుతాయ‌ని అంటున్నారు. ఇరువురి మ‌ధ్య వ‌చ్చే స‌న్నివేశాలు రియ‌లిస్టిక్ గా ఉంటాయ‌ని స‌మాచారం. ఇప్ప‌టివ‌ర‌కూ  జ‌రిగిన షూటింగ్ ఒక ఎత్తు అయితే.. ఇక‌పై మ‌హేష్‌-స‌ముద్ర‌ఖ‌ని మ‌ధ్య‌ జ‌రిగే  షూట్ ఎంతో ఆస‌క్తిని రేకెత్తిస్తుంద‌ని చెబుతున్నారు. స‌ముద్ర‌ఖ‌ని పాత్ర చాలా ఫ‌వ‌ర్ ఫుల్ గా సాగుతుంద‌ని స‌మాచారం. మ‌హేష్ ఇంట్రో సీన్స్ స‌హా హైలైట్ గానే ఉంటాయ‌ని యూనిట్ ధీమా వ్య‌క్తం  చేసింది. ఇందులో మ‌హేష్ స‌ర‌స‌న కీర్తి సురేష్ న‌టిస్తోంది. ఇద్ద‌రిపై వ‌చ్చే  రొమాంటిక్ స‌న్నివేశాల్లో ప‌ర‌శురాం మార్క్ క‌నిపిస్తుంద‌ని అంటున్నారు.

మ‌హేష్ పుట్టిన రోజు సంద‌ర్భంగా రిలీజ్ అయిన టీజ‌ర్ కి మంచి రెస్పాన్స్ వ‌చ్చిన సంగ‌తి తెలిసిందే. మ‌హేష్ లుక్ స‌హా ప్ర‌తిదీ ఈ సినిమాపై క్యూరియాసిటీని రెట్టింపు చేస్తున్నాయి. ఈ చిత్రాన్ని మైత్రీ మూవీ మేక‌ర్స్- 14 రీల్స్ - జీఎంబీ ఎంట‌ర్ టైన్ మెంట్స్ సంయుక్తంగా నిర్మిస్తున్నాయి. థ‌మ‌న్ సంగీతం అందిస్తున్నారు. సంక్రాంతి కానుక‌గా 2022 జ‌న‌వ‌రి 13న ఈ చిత్రాన్ని రిలీజ్ చేస్తున్న‌ట్లు యూనిట్ ఇప్ప‌టికే ప్ర‌క‌టించిన సంగ‌తి తెలిసిందే.