యాక్షన్ సీన్స్ అన్నీ పవన్ డూప్ తోనే షూట్ చేస్తారా..?

పవర్ స్టార్ పవన్ కళ్యాణ్ లైన్ లో పెట్టిన సినిమాలలో మలయాళ మూవీ 'అయ్యప్పనుమ్ కోశీయుమ్' రీమేక్ ఒకటి. త్రివిక్రమ్ శ్రీనివాస్ స్క్రీన్ ప్లే-డైలాగ్స్ అందిస్తున్న ఈ చిత్రానికి సాగర్ కె చంద్ర దర్శకత్వం వహిస్తున్నారు. సితార ఎంటర్టైన్మెంట్స్ బ్యానర్ పై నాగవంశీ ఈ చిత్రాన్ని నిర్మిస్తున్నాడు. ఇటీవలే ఈ సినిమా రెగ్యులర్ షూటింగ్ ప్రారంభమైంది. ముందుగా సెకండాఫ్ లో వచ్చే యాక్షన్ సీన్స్ తీయడానికి చిత్ర యూనిట్ సన్నాహాలు చేస్తోందని తెలుస్తోంది. ఆ త‌రువాతి షెడ్యూల్ లో పవన్ కళ్యాణ్ బ్యాక్ షాట్స్ అన్నీ డూప్ ని పెట్టి తీయనున్నారని ఇండస్ట్రీ వర్గాల్లో అనుకుంటున్నారు.

ఇకపోతే పవన్ కళ్యాణ్ ఇటీవలే షూటింగ్ పూర్తి చేసిన 'వకీల్ సాబ్' సినిమా షూటింగ్ లో చాలా వరకు యాక్షన్ సన్నివేశాలను పవన్ డూప్ తోనే షూట్ చేసారని ఫిలిం సర్కిల్స్ లో టాక్ వినిపిస్తోంది. ఆ మధ్య 'వకీల్ సాబ్' లో ఫైటింగ్ సీన్స్ పవన్ డూప్ తో చేయిస్తున్న ఫోటోలు సోషల్ మీడియాలో వైరల్ అయిన సంగతి తెలిసిందే. దీనిపై యాంటీ పవర్ స్టార్ పెద్ద ఎత్తున ట్రోలింగ్ చేశారు కూడా. ఈ నేపథ్యంలో రేపు సిల్వర్ స్క్రీన్ పై 'వకీల్ సాబ్' లో పవన్ బ్యాక్ సైడ్ షాట్స్ లో కనిపించేది పవన్ కాదని.. అది ఆయన డూప్ అని చాలామందికి తెలియదని కామెంట్స్ వచ్చాయి. అయితే పవర్ స్టార్ ఫ్యాన్స్ మాత్రం స్టార్ హీరోలందరి సినిమాల్లో యాక్షన్ సన్నివేశాలు డూప్ లతోనే షూట్ చేస్తారని విమర్శలను ధీటుగా సమాధానం ఇచ్చారు. ఇప్పుడు 'ఏకే' రీమేక్ లో కూడా పవన్ డూప్ తోనే యాక్షన్ సీన్స్ చేయనున్నారని సినీ వర్గాల్లో అనుకుంటున్నారు.