సంక్రాంతి కానుకగా 'డార్లింగ్' ప్రభాస్ ఏదైనా అప్డేట్ ఇస్తాడా..??

బాహుబలి తర్వాత ప్రభాస్ సినిమాలన్నీ వరల్డ్ వైడ్ రిలీజ్ చేయడానికి సన్నాహాలు చేస్తున్నారు మేకర్స్. సాహో తర్వాత డార్లింగ్ ప్రస్తుతం పీరియాడిక్ లవ్ డ్రామా మూవీ 'రాధేశ్యామ్'లో నటిస్తున్నాడు. 'జిల్' ఫేమ్ రాధాకృష్ణ కుమార్ ఈ సినిమాకు దర్శకత్వం వహిస్తున్నాడు. ఈ సినిమాను యూవీ క్రియేషన్స్, గోపికృష్ణ మూవీస్ సంయుక్తంగా నిర్మిస్తున్నాయి. ఇప్పటికే ఈ సినిమా షూటింగ్ చివరి దశకు చేరుకుందని.. అంటే దాదాపు పూర్తి కాబోతుందని సమాచారం. ఈ సినిమా నుండి విడుదలైన టైటిల్, మోషన్ పోస్టర్స్ మంచి బజ్ క్రియేట్ చేసాయి. కానీ సినిమా గురించి కొత్త అప్డేట్స్ లేకపోవడంతో డార్లింగ్ అభిమానులు నిరుత్సాహంలో ఉన్నారు. ఇకనైనా టీజర్ రిలీజ్ చేసి ఫ్యాన్స్ ను ఖుషి చేయాలనీ అభిమాన సంఘాలు కోరుతున్నాయి.

అయితే అందరు హీరోల నుండి ఎప్పటికప్పుడు అప్డేట్స్ అందుతుంటే.. ప్రభాస్ మాత్రం స్పందించడం లేదని ఇండస్ట్రీ టాక్. అయితే రానున్న సంక్రాంతి పండుగ కైనా రాధేశ్యామ్ నుండి టీజర్ లాంటిది ఏదైనా విడుదల చేస్తారేమో అని ఆశగా ఎదురు చూస్తున్నారు ఫ్యాన్స్. ఇండస్ట్రీ వర్గాలలో కూడా రాధేశ్యామ్ నుండి ఏదొక అప్డేట్ వస్తుందని వినికిడి. అదే గనక నిజమైతే ప్రభాస్ ఫ్యాన్స్ హంగామా మాములుగా ఉండదు. అసలే పాన్ ఇండియా స్టార్.. అభిమాన హీరో నుండి ఎలాంటి అప్డేట్ వచ్చినా అది ఫ్యాన్స్ కి పండగే అవుతుంది. అయితే రాధేశ్యామ్ టీజర్ సంక్రాంతికి వస్తుందేమో.. అలాగే పొంగల్ తర్వాత తన సినిమా అప్డేట్ ఇస్తానన్నాడు నాగ్ అశ్విన్. ఇక కేజీఎఫ్ డైరెక్టర్ తో రూపొందనున్న సలార్ కూడా అదే రేంజిలో అంచనాలు క్రియేట్ చేసింది. చూడాలి మరి ప్రభాస్ నుండి కొత్త అప్డేట్స్ సంక్రాంతి కానుకగా రానున్నాయేమో..!!