మ్యూజిక్ పరంగా పుష్ప మ్యాజిక్ చేయనుందా..??

స్టైలిష్ స్టార్ అల్లు అర్జున్.. ప్ర‌స్తుతం డైరెక్ట‌ర్ సుకుమార్ రూపొందించనున్న పుష్ప సినిమాలో నటిస్తున్నాడు. మైత్రి మూవీ మేకర్స్ నిర్మిస్తున్న ఈ సినిమాకు దేవి శ్రీ ప్రసాద్ సంగీతం అందిస్తున్న విషయం తెలిసిందే. ఈ సినిమాలో అల్లు అర్జున్ స‌ర‌స‌న కుర్రభామ రష్మిక మంద‌న హీరోయిన్‌గా కనిపించనుంది. అయితే ఇదివరకే విడుదల చేసిన పుష్ప టైటిల్‌ పోస్టర్‌, ఫస్ట్‌లుక్‌ పోస్టర్ ప్రేక్ష‌కుల‌ను విప‌రీతంగా ఆక‌ట్టుకున్నాయి. ఊరమాస్‌ రఫ్ లుక్కులో బ‌న్నీ క‌నిపించి ఫ్యాన్స్ అందరికి ట్రీట్ ఇచ్చాడు. అంతేకాదు ఈ సినిమాను పాన్‌ ఇండియా లెవల్‌లో రూపొందిస్తున్నారు మేకర్స్. అందుకు తగ్గట్టుగానే ఐదు భాషల్లో ఫస్ట్ లుక్‌ పోస్టర్ విడుద‌ల చేయ‌గా మంచి రెస్పాన్స్ వ‌చ్చింది. అలాగే ఆగష్టు 13న సినిమా విడుదల చేయనున్నట్లు ప్రకటించేసారు నిర్మాతలు.

అడవుల్లో జరిగే ఎర్రచందనం స్మగ్లింగ్ నేపథ్యంలో సాగే ఈ మూవీలో బ‌న్నీ లారీడ్రైవరుగా కనిపించనున్నాడు. అయితే క‌థ‌, క‌థనం గురించి ప‌క్క‌న పెడితే డైరెక్టర్ సుకుమార్ - దేవిశ్రీప్రసాద్- బన్నీ కాంబినేషన్ అంటే ఆడియో ఆల్బమ్ పై విపరీతమైన అంచనాలు నెలకొన్నాయి. ఎందుకంటే వీరి కాంబినేషన్ లో వచ్చిన ఆర్య, ఆర్య-2 సినిమాల ఆల్బమ్స్ ఏ రేంజిలో మోత మోగించాయో తెలిసిందే. అయితే ఇప్పుడు పుష్ప మూవీ వీరి కలయికలో మూడో సినిమాగా రాబోతుంది. ఈ సినిమాతో మ్యూజిక్ పరంగా హ్యాట్రిక్ హిట్టు కొడతారని ఫ్యాన్స్ ఎక్సపెక్ట్ చేస్తున్నారు. అదేవిధంగా ఆ మధ్య దేవి కూడా ఈ సినిమా ఆల్బమ్ ఓ రేంజిలో ఉండబోతుందని చెప్పేసరికి ఫ్యాన్స్ సైలెంట్ గా ఉండలేకపోతున్నారు. అలాగే మాస్ సాంగ్స్ తో పాటు ఓ మాంచి మసాలా సాంగ్ కూడా ఉందని చెప్పాడు దేవి. మరి ప్రతిసారిలాగే సుక్కు ఈసారి కూడా చాలా సర్ప్రైజ్ లు ప్లాన్ చేసినట్లు తెలుస్తుంది. మొత్తానికి దేవి మ్యాజిక్ మరోసారి చూడబోతున్నారని సినీవర్గాలు చెబుతున్నాయి.