మాస్ మ‌హారాజా డైరెక్ట‌ర్ ఆ న‌వ‌ల‌తో స‌క్సెస్ అయ్యేనా?

మాస్ మ‌హారాజా ర‌వితేజ న‌టించిన భారీ యాక్ష‌న్ ఎంట‌ర్ టైన‌ర్ 'రామారావు ఆన్ డ్యూటీ'. ఈ మూవీకి శ‌ర‌త్ మండ‌వ ద‌ర్శ‌క‌త్వం వ‌హించిన విష‌యం తెలిసిందే. దివ్యాంన్ష కౌశిక్‌, ర‌జీషా విజ‌య‌న్ హీరోయిన్ లుగా న‌టించిన ఈ మూవీ జూలై 29న భారీ అంచ‌నాల మ‌ధ్య విడుద‌లై డిజాస్ట‌ర్ గా నిలిచి భారీ షాకిచ్చింది. దీంతో సినిమా ఫ‌లితంపై ర‌వితేజ అభిమానులు నెట్టింట ద‌ర్శ‌కుడు శ‌ర‌త్ మండ‌వ‌ని దారుణంగా ట్రోల్ చేశారు.

ఈ నేప‌థ్యంలో ద‌ర్శ‌కుడు శ‌ర‌త్ మండ‌వ సోష‌ల్ మీడియా అకౌంట్ ని ఇనాక్టీవ్ చేసిన విష‌యం తెలిసిందే. అప్ప‌టి నుంచి సోష‌ల్ మీడియాతో పాటు మీడియాకు దూరంగా వుంటున్నారు. ద‌ర్శ‌కుడిగా భారీ విజ‌యాన్ని సొంతం చేసుకోవాల‌ని చేసిన ప్ర‌య‌త్నం ఫ‌లించ‌క‌పోవ‌డంతో తీవ్ర షాక్ కు గురైన ఆయ‌న క‌న్ను ఫేమ‌స్ న‌వ‌ల‌పై ప‌డింద‌ని తెలిసింది. తెలుగు నవ‌లా ప్రియులలో అత్యంత ప్రాచూర్యం పొందిన న‌వ‌ల 'షాడో'.

మ‌ధుబాబు ర‌చ‌నల్లో అత్యంత పాపుల‌ర్ న‌వ‌ల‌గా నేరున్న దీని హ‌క్కుల్ని ద‌ర్శ‌కుడు శ‌ర‌త్ మండ‌వ తాజాగా సొంతం చేసుకున్నార‌ట‌. మ‌ధుబాబు ర‌చ‌న‌లో వెలువ‌డిన 146 'షాడో'న‌వ‌లా హ‌క్కుల్ని శ‌ర‌త్ మండ‌వ ద‌క్కించుకున్నార‌ట‌.

వీటిలో అత్యంత పాపుల‌ర్ అయిన వాటిని వెబ్ సిరీస్ గా రూపొందించాల‌ని నిర్ణ‌యించుకున్నార‌ట‌. ఫ‌స్ట్ సీజ‌న్ కి సంబంధించిన ఒక్కో ఎపిసోడ్ ని ద‌క్షిణ భార‌త చ‌ల‌న చిత్ర ప‌రిశ్ర‌మ‌కు చెందిన ప్ర‌ముఖ ద‌ర్శ‌కులు డైరెక్ట్ చేయ‌నున్నార‌ని తెలుస్తోంది.

ఈ ప్రాజెక్ట్ కు సంబంధించిన మ‌రిన్ని వివ‌రాల్ని ద‌ర్శ‌కుడు శ‌ర‌త్ మండ‌వ త్వ‌ర‌లో అధికారికంగా ప్ర‌క‌టించ‌నున్నార‌ని చెబుతున్నారు. ద‌ర్శకుడిగా 'రామారావు ఆన్ డ్యూటీ' మూవీతో డిజాస్ట‌ర్ ని ద‌క్కించుకున్న శ‌ర‌త్ మండ‌వ .. మ‌ధుబాబు ఫేమ‌స్ న‌వ‌ల 'షాడో'తో అయినా స‌క్సెస్ అవుతాడేమో చూడాలి అని ఇన్ సైడ్ టాక్‌.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.