స్క్రిప్ట్ పై ప్రత్యేక శ్రద్ధపెడుతున్న యంగ్ హీరో..!

టాలీవుడ్ ఎనర్జిటిక్ హీరో రామ్ పోతినేని ఈ ఏడాది రెడ్ సినిమాతో ప్రేక్షకుల ముందుకొచ్చాడు. బాక్సాఫీస్ దగ్గర రెడ్ సినిమా మోస్తరు విజయాన్ని అందుకుంది. యాభైశాతం అక్యూపెన్సీ సమయంలో రెడ్ సినిమా విడుదలైంది. కానీ ఇప్పటికి రామ్ కెరీర్ లో హైయెస్ట్ కలెక్షన్స్ రాబట్టింది మాత్రం ఇస్మార్ట్ శంకర్ మూవీనే. ఆ సినిమా నుండి తన క్రేజ్ మెల్లగా ఇంప్రూవ్ చేసుకుంటున్నాడు రామ్. తాజాగా తదుపరి సినిమా తమిళ డైరెక్టర్ లింగుస్వామితో ప్రకటించాడు. పందెంకోడి, ఆవారా సినిమాలతో ఆకట్టుకున్న లింగుస్వామి ప్రస్తుతం ప్లాప్ లలో ఉన్నాడు. తమిళ హీరోలు కూడా లింగుస్వామితో సినిమాలు చేసేందుకు ఆసక్తిగా లేరని టాక్. అయితే రామ్ తో బైలింగువల్ సినిమాగా తెలుగు, తమిళంలో తెరకెక్కించనున్నారు.

రామ్ లాస్ట్ రెండు సినిమాల నుండే మెల్లగా కలెక్షన్స్ రాబట్టడం దృష్టిలో పెట్టుకొని ఈ సినిమాను భారీగా ప్లాన్ చేస్తున్నారట మేకర్స్. అయితే ఈసారి ఎలాంటి మిస్టేక్స్ జరగకూడదని రామ్ తన రైటర్స్ తో లింగుస్వామికి స్క్రిప్ట్ విషయంలో ఇంపుట్స్ ఇస్తున్నట్లు సమాచారం. ఎందుకంటే లింగుస్వామి గత సినిమాలు కథల విషయంలో బాగానే ఉన్నప్పటికీ స్క్రిప్ట్ దగ్గర ఫెయిల్ అయినట్లు ఇండస్ట్రీలో టాక్ నడుస్తుంది. అలాగే రామ్ చివరి సినిమా రెడ్ కూడా మోస్తారు వసూళ్లను మాత్రమే రాబట్టడంతో ఈసారి అలాంటి తప్పిదాలు జరగకుండా జాగ్రత్త పడుతున్నాడట ఈ యంగ్ హీరో. ఈ సినిమాలో రామ్ సరసన కృతిశెట్టి కథానాయికగా నటించనుంది.