ఇండస్ట్రీలో విజయానికి ఉన్న ప్రాధాన్యం మరో విషయానికి ఉండదు. యువహీరోల విషయానికి వస్తే ఈ ప్రాధాన్యత మరింత ఎక్కువగా ఉంటుంది. అందుకే ఫ్లాపుల్లో ఉన్న హీరోలు హిట్లకోసం విశ్వప్రయత్నం చేస్తుంటారు. ప్రస్తుతం ఇద్దరు యువ హీరోలు ప్రస్తుతం అదే పనిలో ఉన్నారట. ఆ హీరోలు ఎవరో కాదు.. ఒకరు ఆది సాయి కుమార్ కాగా మరొకరు ఆది పినిశెట్టి.
ఆది సాయికుమార్ తన కెరీర్ ఆరంభంలో ఒకటి రెండు హిట్ సినిమాలతో ఫరాలేదనిపించుకున్నాడు. ఇక ఆది కెరీర్ సెట్ అవుతుంది అనుకునేలోపు వరస ఫ్లాపులతో డీలా పడ్డాడు. ఇతర యువ హీరోలతో కలిసి నటించిన 'శమంతకమణి' తప్ప ఆదికి ఈమద్య హిట్ అన్నదే లేదు. ఈమధ్య నటించిన 'నెక్స్ట్ నువ్వే'.. 'బుర్రకథ'.. 'జోడి'.. 'ఆపరేషన్ గోల్డ్ ఫిష్' ఇలా ఒక్కటి కూడా హిట్ కాలేదు. దీంతో ఈసారి ఒక డిఫరెంట్ సినిమాతో ప్రేక్షకులను మెప్పించేందుకు ప్లాన్ చేస్తున్నాడట. గత ఫ్లాపులన్నీ మర్చిపోయే రీతిలో కొత్తదనం ఉండే కథతో ఈసారి తప్పకుండా హిట్ సాధించేలా ప్లాన్ చేసుకుంటున్నాడట. త్వరలోనే ఈ సినిమా వివరాలు బయటకు రానున్నాయి.
ఇదిలా ఉంటే మరో ఆది పినిశెట్టి కూడా హీరోగా తన సత్తా చాటేందుకు ఒక డిఫరెంట్ సినిమాతో రాబోతున్నాడు. హీరోగా ఆది పినిశెట్టికి టాలీవుడ్ లో ఇప్పటివరకూ అదృష్టం దక్కలేదు.మధ్యలో రూటు మార్చి 'సరైనోడు' సినిమాలో విలన్ పాత్రలో నటించి ప్రేక్షకుల మెప్పు పొందాడు. ఆ సినిమా తర్వాత మరోసారి హీరోగా 'నీవెవరో' తో అదృష్టం పరీక్షించుకున్నాడు. కానీ ఆ సినిమా నిరాశపరిచింది. 'రంగస్థలం' లాంటి సూపర్ హిట్ సినిమాల్లో కీలక పాత్రలు పోషించాడు కానీ హీరోగా మాత్రం ఆదికి హిట్ దక్కడం లేదు. తాజాగా 'పార్టనర్' టైటిల్ తో తెరకెక్కుతున్న ఒక సైఫై కామెడీ ఫిలిం తో ఆది పినిశెట్టి ఈ సారి హిట్ సాధించే ప్రయత్నాల్లో ఉన్నాడు. మరి ఈ యువహీరోలు తమ ప్రయత్నాలలో ఎంతమాత్రం విజయం సాధిస్తారో వేచి చూడాలి.
ఆది సాయికుమార్ తన కెరీర్ ఆరంభంలో ఒకటి రెండు హిట్ సినిమాలతో ఫరాలేదనిపించుకున్నాడు. ఇక ఆది కెరీర్ సెట్ అవుతుంది అనుకునేలోపు వరస ఫ్లాపులతో డీలా పడ్డాడు. ఇతర యువ హీరోలతో కలిసి నటించిన 'శమంతకమణి' తప్ప ఆదికి ఈమద్య హిట్ అన్నదే లేదు. ఈమధ్య నటించిన 'నెక్స్ట్ నువ్వే'.. 'బుర్రకథ'.. 'జోడి'.. 'ఆపరేషన్ గోల్డ్ ఫిష్' ఇలా ఒక్కటి కూడా హిట్ కాలేదు. దీంతో ఈసారి ఒక డిఫరెంట్ సినిమాతో ప్రేక్షకులను మెప్పించేందుకు ప్లాన్ చేస్తున్నాడట. గత ఫ్లాపులన్నీ మర్చిపోయే రీతిలో కొత్తదనం ఉండే కథతో ఈసారి తప్పకుండా హిట్ సాధించేలా ప్లాన్ చేసుకుంటున్నాడట. త్వరలోనే ఈ సినిమా వివరాలు బయటకు రానున్నాయి.
ఇదిలా ఉంటే మరో ఆది పినిశెట్టి కూడా హీరోగా తన సత్తా చాటేందుకు ఒక డిఫరెంట్ సినిమాతో రాబోతున్నాడు. హీరోగా ఆది పినిశెట్టికి టాలీవుడ్ లో ఇప్పటివరకూ అదృష్టం దక్కలేదు.మధ్యలో రూటు మార్చి 'సరైనోడు' సినిమాలో విలన్ పాత్రలో నటించి ప్రేక్షకుల మెప్పు పొందాడు. ఆ సినిమా తర్వాత మరోసారి హీరోగా 'నీవెవరో' తో అదృష్టం పరీక్షించుకున్నాడు. కానీ ఆ సినిమా నిరాశపరిచింది. 'రంగస్థలం' లాంటి సూపర్ హిట్ సినిమాల్లో కీలక పాత్రలు పోషించాడు కానీ హీరోగా మాత్రం ఆదికి హిట్ దక్కడం లేదు. తాజాగా 'పార్టనర్' టైటిల్ తో తెరకెక్కుతున్న ఒక సైఫై కామెడీ ఫిలిం తో ఆది పినిశెట్టి ఈ సారి హిట్ సాధించే ప్రయత్నాల్లో ఉన్నాడు. మరి ఈ యువహీరోలు తమ ప్రయత్నాలలో ఎంతమాత్రం విజయం సాధిస్తారో వేచి చూడాలి.