ఫోటో స్టోరి: హేట్ స్టోరీ కోసం హాట్ గా..

అచ్చం ఐశ్వ‌ర్యారాయ్ లాంటి అంద‌గ‌త్తెను వెతికి మ‌రీ ప‌ట్టుకున్నాడు స‌ల్మాన్‌ ఖాన్‌. స్నేహా ఉల్లాల్ రూపంలో ఓ బుల్లి ఐష్ ద‌శాబ్ధం కింద‌టే వెండితెర‌కి ప‌రిచ‌యం అయ్యింది. అవే నీలిక‌ళ్లు - ముక్కు తీరు .. రూప‌ లావ‌ణ్యంతో ఈ అమ్మ‌డు తెరపై క‌నిపించిన‌ప్పుడు ఔరా ! అని ముక్కున వేలేసుకున్నారంతా. ఐష్‌ తో చెడిపోయాక ..క‌త్రిన‌తో ప్రేమాయ‌ణం న‌డిపించిన స‌ల్మాన్ ఖాన్ మ‌రోసారి ఊహించ‌ని ఝ‌ల‌క్ తిన్నాడు.

క్యాట్‌ తోనూ విర‌హ‌యోగిలా విల‌యంలో ప‌డిపోయాక మ‌రో క‌త్రిన‌ని తెర‌కి తేవాల్సి ఉంద‌ని భావించి బుల్లి క‌త్రిన లాంటి జ‌రైన్‌ ఖాన్ ని వెతికి ప‌ట్టుకున్నాడు. ఈ అమ్మ‌డు క‌థానాయిక‌గా ప్రిన్స్ అనే భారీ చిత్రం తెర‌కెక్కించాడు. కానీ ఆ సినిమా అట్ట‌ర్‌ ఫ్లాప‌వ్వ‌డంతో జ‌రైన‌ని అంతా ఐరెన్ లెగ్ అని తీసిపారేశారు. కార‌ణం ఏదైనా జ‌రైన్‌కి అది కెరీర్ ప‌రంగా అశ‌నిపాత‌మైంది. ఆ త‌ర్వాత అడ‌పాద‌డ‌పా సినిమాలు చేసింది త‌ప్ప స్టార్‌ గా త‌న‌ని తాను ఆవిష్క‌రించుకోలేక‌ పోయింది. లేటెస్టుగా హేట్‌ స్టోరి 3 చిత్రంలో న‌టిస్తూ సెన్సేషన్‌ కి కేరాఫ్ అడ్ర‌స్ అయ్యింది. ఇదే చిత్రంలో ఓ ఇంట్రెస్టింగ్ ఐటెమ్‌ లోనూ జ‌రైన్ ఆడిపాడ‌నుంది.

తుమ్హే ఆప్నా బ‌నానా కి క‌స‌మ్ ...అమాన్ మ‌ల్లిక్ కంపోజింగ్‌ లోని సూప‌ర్ పాపుల‌ర్ సాంగ్ ఇది. అర్మాన్ మాలిక్‌-నీతు మోహ‌న్ జంట‌గా పాడారు. 1991లో రిలీజైన క్లాసిక్ హిట్ సాధ‌ర్ చిత్రంలోనిది. ఇప్పుడు జూనియ‌ర్ క‌త్రిన జరైన్‌ ఖాన్‌ పై తెర‌కెక్కిస్తున్నారు. ఇదో రీమిక్స్ సాంగ్‌. ఈ సాంగ్ క్లిక్క‌యితే జ‌రైన్ జాత‌కం మారిపోయిన‌ట్టేన‌న్న‌మాట!