బేబీ రీమేక్.. స్టార్ కిడ్స్ అనుకుంటే వీళ్ళు సెట్టయ్యారు

వైష్ణవి చైతన్య లీడ్ రోల్ లో సాయి రాజేష్ దర్శకత్వంలో వచ్చిన ‘బేబీ’ మూవీ ఎంత పెద్ద హిట్ అయ్యిందో అందరికి తెలిసిందే. క్యారెక్టర్ ఆర్టిస్ట్ గా చాలా సినిమాలలో నటించిన వైష్ణవికి ‘బేబీ’తో హీరోయిన్ గా బ్రేక్ వచ్చింది. ఒక్కసారిగా ఆమె పేరు టాలీవుడ్ లో పాపులర్ అయిపొయింది. ప్రస్తుతం ఎమర్జింగ్ హీరోయిన్స్ జాబితాలో వైష్ణవి చైతన్య ఉంది. ఆమె చేతిలో రెండు, మూడు సినిమాలు ఉన్నాయి.

ఆనంద్ దేవరకొండ ఈ సినిమాలో ఒక హీరోగా నటించాడు. అతనికి కూడా ఈ సినిమాతో మంచి పేరు వచ్చింది. వరల్డ్ వైడ్ గా 100 కోట్ల వరకు కలెక్షన్స్ ని రాబట్టింది. ఇక ఈ సినిమాను సాయి రాజేష్ దర్శకత్వంలో SKN నిర్మించిన విషయం తెలిసిందే. ఇదిలా ఉంటే ఈ సినిమాని హిందీలో రీమేక్ చేయాలని చాలా కాలం నుంచి ప్రయత్నాలు చేస్తున్నారు.

ఎస్ కె ఇన్ నిర్మాతగా సాయి రాజేష్ దర్శకత్వంలోనే హిందీ బేబీ మూవీ కూడా తెరకెక్కనుంది. ఇదిలా ఉంటే ఈ సినిమాలో హీరో పాత్ర బాలీవుడ్ స్టార్ కిడ్స్ ఇషాన్ కట్టర్, బాబీ డియోల్ కొడుకు ఆర్యమన్ డియోల్, అమితాబ్ బచ్చన్ మనవడు అగస్త్య నంద పేర్లు వినిపించాయి. అయితే ఫైనల్ గా ఈ ఛాన్స్ ఇర్ఫాన్ ఖాన్ తనయుడు బబిల్ ఖాన్ కన్ఫామ్ అయ్యాడంట. తండ్రి తరహాలో విలక్షణ నటుడిగా గుర్తింపు తెచ్చుకోవాలని బబిల్ ఖాన్ అనుకుంటున్నాడు. త్వరలో ఈ మూవీకి సంబందించిన అఫీషియల్ ప్రకటన రానున్నట్లు తెలుస్తోంది.

ఇక ఇందులో మొదట హీరోయిన్ రోల్ కోసం ఖుషి కపూర్ ని అనుకున్నారు. అయితే ఇప్పుడు కృతి శెట్టితో సంప్రదింపులు జరుపుతున్నారంట. ఆమె ఆల్ మోస్ట్ కన్ఫర్మ్ అవ్వొచ్చనే టాక్ వినిపిస్తోంది. బాలీవుడ్ ప్రొడక్షన్ హౌస్ తో కలిసి ఎస్ కె ఎన్ ఈ చిత్రాన్ని హిందీలో నిర్మించబోతున్నట్లు ప్రచారం జరుగుతోంది. త్వరలో ఈ మూవీకి సంబందించిన అన్ని వివరాలు బయటకొచ్చే అవకాశం ఉందంట. ఈ సినిమాతో మరో తెలుగు దర్శకుడిగా సాయి రాజేష్ బాలీవుడ్ ఇండస్ట్రీకి వెళ్లబోతున్నాడు.

సందీప్ రెడ్డి వంగా అయితే ప్రస్తుతం బాలీవుడ్ ఇండస్ట్రీలో టాప్ డైరెక్టర్స్ లలో ఒకడిగా ఉన్నాడు. మరి సాయి రాజేష్ కూడా అలాంటి పేరు ఏమైనా తెచ్చుకుంటాడా అనేది చూడాలి. అయితే తెలుగులో వైష్ణవి చైతన్య పెర్ఫార్మెన్స్ కారణంగా బేబీ సినిమాకి మంచి రెస్పాన్స్ వచ్చింది. మెజారిటీ ఆడియన్స్ ఆమెని చూడటానికి సినిమాకి వెళ్లారు. అంతగా అందరిని ఆకట్టుకుంది. అలాగే యూత్ కి ఈ మూవీ బాగా కనెక్ట్ అయ్యింది. మరి కృతిశెట్టి ఆ రేంజ్ లో ఆకట్టుకుంటుందా అనేది చూడాలి.