మరోసారి బేబీ కాంబో.. ఒక్కటే చేంజ్

ఆనంద్ దేవరకొండ, వైష్ణవి చైతన్య కాంబినేషన్ లో వచ్చిన బేబీ సినిమా ఎంత పెద్ద హిట్ అయిందో అందరికీ తెలిసిందే. చిన్న సినిమాగా వచ్చిన ఈ మూవీ బ్లాక్ బస్టర్ టాక్ సొంతం చేసుకుని నిర్మాత ఎస్కేఎన్ కి భారీ లాభాలు తీసుకొచ్చింది. ఏకంగా ఈ మూవీ 100 కోట్ల గ్రాస్ కలెక్ట్ చేసి రికార్డులు సృష్టించింది.

షార్ట్ ఫిలిమ్స్, వెబ్ సిరీస్ తో నటిగా కెరియర్ స్టార్ట్ చేసిన వైష్ణవి చైతన్యకి హీరోయిన్ గా బేబీ సినిమా స్టార్ ఇమేజ్ ని అందించింది. మోస్ట్ వాంటెడ్ హీరోయిన్ గా టాలీవుడ్ లో వైష్ణవి చైతన్య పేరు వినిపిస్తోంది. ఆనంద్ దేవరకొండ కెరియర్ లో కూడా ఇది బిగ్గెస్ట్ హిట్ అని చెప్పాలి. మరల వీరిద్దరి కాంబినేషన్ లో సెకండ్ మూవీ రాబోతుంది.

బేబీ సినిమాకి దర్శకత్వం వహించిన సాయి రాజేష్ నిర్మాణంలో ఈ మూవీ తెరకెక్కబోతూ ఉండటం విశేషం. బేబీ మూవీ ప్రొడ్యూసర్ ఎస్కేఎన్ కూడా నిర్మాణ భాగస్వామిగా ఉన్నారు. కథ, మాటలు, స్క్రీన్ ప్లే సాయి రాజేష్ అందిస్తున్నారు. ఈ చిత్రంతో రవి నంబూరి దర్శకుడిగా పరిచయం అవుతున్నాడు. ఈ సినిమాకి సంబంధించిన ఫస్ట్ లుక్ పోస్టర్ ను తాజాగా ఆవిష్కరించి అఫీషియల్ అనౌన్స్ చేశారు.

కలర్ ఫోటో చిత్రాన్ని నిర్మించిన అమృత ప్రొడక్షన్స్, బేబీ సినిమా నిర్మించిన మాస్ మూవీ మేకర్స్ సంయుక్త నిర్మాణంలో ఈ చిత్రం తెరకెక్కబోతోంది. వచ్చే ఏడాది సమ్మర్ సీజన్ కి ఈ మూవీని థియేటర్స్ లోకి తీసుకురాబోతున్నట్లుగా చిత్ర యూనిట్ కన్ఫర్మ్ చేసింది. ఈ మూవీకి కూడా బేబీ సినిమాకి సంగీతం అందించిన విజయ్ బుల్గానిన్ మ్యూజిక్ డైరెక్టర్ గా చేస్తున్నారు.

బేబీ కాంబినేషన్ లో తెరకెక్కుతున్న ఈ చిత్రం కూడా ప్యూర్ లవ్ స్టోరీ గానే ఉండబోతున్నట్లుగా టాక్ వినిపిస్తోంది. మరి సినిమా వైష్ణవి ఎల్కి ఎలాంటి సక్సెస్ ఇస్తుంది అనేది చూడాలి. అలాగే ఆనంద్ దేవరకొండకి కూడా ఈ చిత్రంతో మరో సక్సెస్ వస్తుందేమో చూడాలి.