కుటుంబంతో సంబంధాలు మెరుగ‌య్యాయ‌న్న బాబి
శిక్కు కుటుంబంలో స్వ‌స్థిక్ వ్యాపార సామ్రాజ్యంలో త‌లెత్తిన గొడ‌వ‌లు చివ‌రికి వ‌రుస‌కు అన్న‌ద‌మ్ములు అయ్యేవారు కొట్టుకు చ‌చ్చే వ‌ర‌కూ తీసుకెళుతుంది.
ఎవ‌రు ఎన్ని ర‌కాలుగా విమ‌ర్శించినా `యానిమ‌ల్`లోని పాజిటివ్ కోణాన్ని కూడా గుర్తించాల్సి ఉంటుంది. తన తండ్రి ఎన్ని త‌ప్పులు చేసినా క్ష‌మించే కొడుకు.. ఎప్ప‌టికీ గొప్ప‌గా ప్రేమించే కొడుకు ఎలా ఉంటాడో సందీప్ వంగా మాత్ర‌మే చూపించ‌గ‌లిగాడు. తండ్రితో ఎన్ని గొడ‌వ‌లు ఉన్నా కానీ త‌న‌ని విప‌రీతంగా ప్రేమించే కొడుకుని త‌న‌దైన శైలిలో ఎలివేట్ చేసాడు అత‌డు. అంతేకాదు.. ప్ర‌తి ఇంట్లోను గొడ‌వ‌లు ఉంటాయి. అన్న‌ద‌మ్ముల మ‌ధ్య గొడ‌వ‌లు అయినా లేదా బావ బావ‌మ‌రుదుల మ‌ధ్య గొడ‌వ‌లు అయినా.. కానీ భ‌గ‌వ‌ద్గీత నియ‌మానుసారం శత్రువు బావ అయినా ఎలా మ‌ట్టు పెట్టాలో కూడా ఇందులో చూపించారు. శత్రువు బ‌లంగా ఉన్న‌ప్పుడు అత‌డిని ఢీకొనేందుకు అన్న‌ద‌మ్ముల సాయం కోరేందుకు వారి ఇంటికి వెళ్లి త‌గ్గి ఎలా ప్ర‌వ‌ర్తించాలో కూడా గీత ప్ర‌కార‌మే సందీప్ వంగా చూపించాడు. శిక్కు కుటుంబంలో స్వ‌స్థిక్ వ్యాపార సామ్రాజ్యంలో త‌లెత్తిన గొడ‌వ‌లు చివ‌రికి వ‌రుస‌కు అన్న‌ద‌మ్ములు అయ్యేవారు కొట్టుకు చ‌చ్చే వ‌ర‌కూ తీసుకెళుతుంది. ఓవ‌రాల్ గా ఇది మ‌రో మినీ మ‌హాభార‌తం క‌థ‌కు త‌క్కువేమీ కాదు.
అయితే ఈ సినిమాని ఆడ్ గా హింసాత్మ‌కంగా చూపించినందుకు సందీప్ వంగాను విమ‌ర్శిస్తున్నారు. కానీ ఇప్పుడు యానిమ‌ల్ సినిమా ఒక అగ్ర సినీకుటుంబంలోని క‌ల‌త‌ల‌ను తొల‌గించిందంటే అతిశ‌యోక్తి గా చూడ‌న‌వ‌స‌రం లేదు. ఈ సినిమా రిలీజ్ త‌ర్వాత బాబి డియోల్ కి మంచి పేరొచ్చింది. త‌క్కువ నిడివి ఉన్నా ప్ర‌భావ‌వంత‌మైన పాత్ర‌లో న‌టించిన అత‌డు ఇప్పుడు తన కుటుంబంతో బంధాల‌ను మెరుగు ప‌రుచుకున్నాన‌ని వ్యాఖ్యానించ‌డం ఆస‌క్తిని క‌లిగించింది.
తండ్రి ధర్మేంద్ర స‌హా ఇతర కుటుంబంతో సంబంధాలు మెరుగుపడ్డాయని, ఇప్పుడు ఇషా సంతోషంగా లేదని కూడా బాబి స‌ర‌దాగా వ్యాఖ్యానించాడు. ఇషా డియోల్ `జమాల్ కుడు...` పాటకు సవతి సోదరుడు బాబీ కంటే ఎక్కువ నృత్యం చేసింది. జమాల్ కుడు అసలైన ఇరానియన్ పాట. ఇది ప్రస్తుతం సోషల్ మీడియాలో ప్రకంపనలు సృష్టిస్తోంది. జమాల్ కుడుపై ఇప్పటి వరకు లక్షల రీళ్లు తయారై ఇవి కూడా వైరల్ అవుతున్నాయి. ఇప్పుడు బాబీ డియోల్ సవతి సోదరి.. నటి ఈషా డియోల్ కూడా అతని సోదరుడికి మద్దతుగా నిలిచింది.
ఇషా తన ఇన్‌స్టాగ్రామ్‌లో ఈ వీడియోను షేర్ చేసింది. అందులో ఆమె జమాల్ కుడుపై డ్యాన్స్ చేస్తూ క‌నిపించింది. వీడియోలో ఈషా డియోల్ తన డ్యాన్స్ రిహార్సల్స్ అద‌ర‌గొడుతోంది. ఇషా కొన్ని ఇతర పాటలపై డ్యాన్స్ రిహార్సల్స్ చేస్తున్నప్పటికీ నేపథ్యంలో సోదరుడు బాబీ డియోల్ `జమాల్ కుడు`ని ఉపయోగించింది. క్యాప్షన్‌లో తన సోదరుడిని కూడా ప్రశంసించింది. దీంతో పాటు తాను రిహార్సల్ చేస్తున్న పాటను గుర్తించాలని ఇషా అభిమానులకు ఛాలెంజ్ చేసింది.
సోదరి ఇషా తన వీడియో క్యాప్షన్‌లో ఇలా రాసింది. డ్యాన్స్ రిహార్సల్.. ఎందుకంటే ఇది షో టైమ్. హుక్ స్టెప్స్ ద్వారా నేను ఏ పాటకు డ్యాన్స్ చేస్తున్నానో తెలుసుకోండి.. అని కోరింది. ``బాబీ డియోల్.. యు ఆర్ ది బెస్ట్`` అని వ్యాఖ్యానించింది. ఈ వీడియోపై వ్యాఖ్యానిస్తూ చాలా మంది వినియోగదారులు ఇషా రిహార్సల్ చేస్తున్న పాట ఏమిట‌న్న‌ది రాసారు. `ధూమ్ మచాలే`కి రిహార్సల్ చేస్తోంద‌ని కొందరు `నికమ్మ కియా ఇస్ దిల్ నే` రిహార్సల్స్ అని మ‌రికొంద‌రు పేర్కొన్నారు. సోద‌ర‌సోద‌రీమ‌ణుల మ‌ధ్య అనుబంధం పెరిగింది. సవతి త‌ల్లి హేమ‌మాలినితోను ఇప్పుడు బాబీ సంబంధాలు మెరుగుప‌డ్డాయి.