సందీప్ రెడ్డిని మిస్ చేసుకున్న వారిలో అతను కూడా..

అర్జున్ రెడ్డి సినిమాతో ఒక్కసారిగా అందరి దృష్టిని ఆకర్షించిన టాలెంటెడ్ డైరెక్టర్ సందీప్ రెడ్డి వంగా. ఈ సినిమాని హిందీలో కబీర్ సింగ్ గా తీసి బ్లాక్ బస్టర్ అందుకున్నారు. ఇప్పుడు రణబీర్ కపూర్ తో యానిమల్ సినిమా చేసి మరో సూపర్ హిట్ ని తన ఖాతాలో వేసుకున్నారు. స్టార్ హీరోలు, దర్శకులు సైతం యానిమల్ సినిమా చూసి సందీప్ రెడ్డి సక్సెస్ కి సెల్యూట్ చేస్తున్నారు.

కంటెంట్ బ్రిలియన్స్ అంటూ పొగిడేస్తున్నారు. మరో వైపు విమర్శలు చేసే వారు కూడా ఉన్నారు. ఎక్స్ ట్రీమ్ ఎమోషన్స్ ని హీరో క్యారెక్టర్ లో రిప్రజెంట్ చేస్తూ తండ్రి, కొడుకుల బంధాన్ని సందీప్ రెడ్డి వంగా తన స్టైల్ లో ఆవిష్కరించారు. యూత్ కి అయితే మూవీ విపరీతంగా నచ్చేసింది. అందుకే కలెక్షన్స్ సునామీ సృష్టిస్తోంది. ఇప్పటికే 500 కోట్ల కలెక్షన్స్ ని దాటేసింది.

బ్రేక్ ఈవెన్ ని కూడా క్రాస్ చేసి లాభాల బాటలో దూసుకుపోతోంది. అయితే సందీప్ రెడ్డి వంగా అర్జున్ రెడ్డి కంటే ముందుగానే అంతకు మించి బోల్డ్, రస్టింగ్ స్టొరీని నాగ చైతన్య కోసం సిద్ధం చేశారంట. అయితే ఒక స్టార్ ఫ్యామిలీ నుంచి వచ్చిన హీరో అలాంటి సబ్జెక్ట్ చేస్తే జనం యాక్సప్ట్ చేస్తారా లేదా అనే డౌట్ తో దానిని సందీప్ రెడ్డి హోల్డ్ లో పెట్టేసారంట.

తరువాత అర్జున్ రెడ్డి కథని సిద్ధం చేసుకొని శర్వానంద్ కి ముందుగా వినిపించారంట. అయితే కథ నచ్చిన అలాంటి కంటెంట్ తో సినిమా చేయడానికి శర్వానంద్ ధైర్యం చేయలేదు. అదే సమయంలో పెళ్లి చూపులుతో సక్సెస్ అందుకున్న విజయ్ దేవరకొండతో అర్జున్ రెడ్డిని సెట్స్ పైకి తీసుకెళ్లడం, సూపర్ హిట్ కొట్టడం జరిగిపోయాయి.

ఇప్పుడు ఇండియా మొత్తం చర్చించుకునే దర్శకుడిగా సందీప్ రెడ్డి మారిపోయారు. అతని నెక్స్ట్ సినిమాల లైన్ అప్ లో స్పిరిట్ తో ప్రభాస్, నెక్స్ట్ అల్లు అర్జున్, సూపర్ స్టార్ మహేష్ బాబు ఉన్నారు. వీరితో మూవీస్ చేసిన తర్వాత చైతూతో అనుకున్న ప్రాజెక్ట్ ని బయటకి తీసే అవకాశం ఉంటుందేమో చూడాలి.