చిరు..బాల‌య్య ఏంటి సార్ ఈ జోరు?

మెగాస్టార్...న‌ట‌సింహం ఏమాత్రం త‌గ్గ‌డం లేదు. త‌ర్వాత త‌రం జూనియ‌ర్ హీరోలైనా ఆలోచిస్తున్నారు గానీ...ఈ సూప‌ర్ సీనియ‌ర్ లు మాత్రం త‌గ్గేది దేనికి? అంటున్నారు. స్టోరీ డిమాండ్ చేస్తే ఎంత మంది హీరోయిన్ల‌తోనైనా న‌టిస్తాం..అందులో మాకెందుకు మెహ‌మాటం అనేస్తున్నారు. అవును స‌న్నివేశం స‌రిగ్గా ఇలాగే ఉందిప్పుడు. ప్రస్తుతం మెగ‌స్టార్ చిరంజీవి 156వ సినిమా వశిష్ట ద‌ర్శ‌క‌త్వంలో సెట్స్ కి వెళ్లిన సంగ‌తి తెలిసిందే.

చిరంజీవి లేకుండానే షూటింగ్ నిర్వ‌హిస్తున్నారు. ఇందులో తొలుత ముగ్గురు హీరోయిన్లు ఎంపిక చేస్తున్న ట్లు ప్ర‌చారం సాగింది. దీనిలో భాగంగా వాళ్లంతా సీనియ‌ర్ భామ‌లే అవుతార‌ని అంతా అనుకున్నారు. ఈ నేప‌థ్యంలో త్రిష‌..న‌య‌న‌తార‌..త‌మ‌న్నా... కాజల్ అగ‌ర్వాల్..అనుష్క శెట్టి లాంటి భామ‌ల పేర్లు తెర‌పైకి వ‌చ్చాయి. తాజాగా ఇప్పుడా నెంబ‌ర్ పెరుగుతుంది. ముగ్గురు కాదు ఐదుగురు హీరోయిన్ల‌ను ఎంపిక చేసినా ఆశ్చ‌ర్య‌పోవాల్సిన ప‌నిలేద‌ని వినిపిస్తుంది.

సీనియ‌ర్..జూనియ‌ర్ భామ‌ల్ని అంద‌ర్నీ క‌లిపి ఎంపిక చేసుకున్నా షాక్ అవ్వాల్సిన ప‌నిలేదనిపిస్తుంది. స్టోరీ డిమాండ్ మేర‌కు ఈ ర‌కంగా మేక‌ర్స్ ముందుకెళ్తున్న‌ట్లు తెలుస్తోంది. ఆ కార‌ణంగా హీరోయిన్ల‌గా ఇంకా ఎవ‌ర్నీ ఫైన‌ల్ చేయ‌లేద‌న్న‌ది తాజా అప్ డేట్. ఇక న‌ట‌సింహ బాల‌య్య క‌థానాయ‌కుడిగా బాబి ద‌ర్శ‌క త్వంలో ఓమాస్ యాక్ష‌న్ చిత్రం తెర‌కెక్కుతున్న సంగ‌తి తెలిసిందే. ఇందులో బాల‌య్య‌కి ఏకంగా ముగ్గురు భామ‌ల్ని ఎంపిక చేస్తున్నారుట‌. ఇప్ప‌టికే ఊర్వ‌శి రౌతేలా ఎంట్రీ కన్ప‌మ్ అయింది.

ఆమె షూటింగ్ లో పాల్గొంటుంది. మ‌రో నాయిక‌గా మీనాక్షి చౌద‌రిని తీసుకుంటున్న‌ట్లు ప్ర‌చారం సాగు తోంది. ఇప్పుడా భామ‌తో పాటు మ‌రో యువ నాయిక‌ని ఎంపిక చేయాల‌ని బాబి భావిస్తున్నాడుట‌. స్టోరీ డిమాండ్ చేయ‌డంతో ఇంత మందికి ఛాన్స్ ఇస్తున్న‌ట్లు తెలుస్తోంది. ఏది ఏమైనా 60 దాటినా హీరోలిద్ద‌రు మాత్రం త‌గ్గ‌డం లేదు సుమీ.