టాలీవుడ్ లో షారుక్ ఖాన్ కి ప్రెండ్స్ ఉన్నారా?

కోలీవుడ్ తో బాద్ షా షారుక్ ఖాన్ రిలేష‌న్ ఎలాంటిద‌న్న‌ది తెలిసిందే. `జ‌వాన్` ప్రీరిలీజ్ వేడుక సంద‌ర్భం గా బాద్ షా ఆ విష‌యాన్ని రివీల్ చేసారు. మ‌ణిర‌త్నం.. క‌మ‌ల్ హాసన్..సంతోష్ శివ‌న్..ర‌జ‌నీకాంత్ లతో త‌నకున్న అనుబంధం గురించి చెప్పుకొచ్చారు. `జ‌వాన్` సంద‌ర్భంగా అట్లీ..న‌య‌న‌తార‌..విజ‌య్ సేతుప‌తి లాంటి మంచి స్నేహితులు దొరికారు. త‌ల‌ప‌తి విజ‌య్ ఎప్ప‌టి నుంచో షారుక్ ఖాన్ కి మంచి స్నేహితుడు.

షారుక్ సినిమాలు కోలీవుడ్ లో రిలీజ్ అవుతున్నాయంటే? భాయ్ ప్ర‌మేయం లేకుండానే ఆయ‌న సినిమా ప్ర‌చార బాద్య‌త‌లు తీసుకుంటారు. ఇద్ద‌రి మ‌ధ్య అంత ర్యాపో మంది. మ‌రి టాలీవుడ్ లో షారుక్ ప్రెండ్స్ ఉన్నారా? లేరా? జ‌వాన్ తెలుగులో కూడా భారీ ఎత్తున రిలీజ్ అవుతుంది. ఇక్క‌డ కూడా ప్ర‌చారం చేసే అవ‌కాశం ఉంది. ఈ నేప‌థ్యంలో భాయ్ ఇక్క‌డ నుంచి ఏ సెల‌బ్రిటీని రంగంలోకి దించుతారు? అన్న‌ది ఆస‌క్తిక‌రంగా మారింది.

షారుక్ ఖాన్ ఇప్ప‌టివ‌ర‌కూ త‌న సినిమా ప్రచారం కోసం ఎన్న‌డు టాలీవుడ్ సెల‌బ్రిటీల్ని దించింది లేదు. హిందీలో రిలీజ్ అవుతుంటే తూతూ మంత్రంగా హైద‌రాబాద్ లో ఆయ‌నొక్క‌డే ప్ర‌చారం ముగించి వెళ్లిపోయేవారు. కానీ జ‌వాన్ తో సౌత్ మార్కెట్ ని టార్గెట్ చేయ‌డంతో తెలుగులో ఆయ‌న‌కు ఎలాంటి స‌హ‌కారం ల‌భిస్తుంది? అన్న‌ది చూడాలి. స‌ల్మాన్ ఖాన్ కి..అమితా బ‌చ్చ‌న్..అమీర్ ఖాన్..ర‌ణ‌బీర్ క‌పూర్ ల‌కు మెగా ఫ్యామిలీతో మంచి ప్రెండ్ షిప్ ఉంది.

ఈ నేప‌థ్యంలో వాళ్ల సినిమాల‌కు ఇక్క‌డ చిరంజీవి..నాగార్జున..రామ్ చ‌ర‌ణ్‌ లాంటి వారు స‌హ‌క‌రించారు. జ‌వాన్ వ‌చ్చే వార‌మే రిలీజ్ అవుతుంది. ఈ నేప‌థ్యంలో హైద‌రాబాద్ లో ఏదైనా ఈవెంట్ నిర్వ‌హిస్తే టాలీవుడ్ నుంచి ఎవ‌రైనా వ‌స్తారా? లేక ఖాన్ భాయ్ సోలోగా ముగించికుని వెళ్లిపోతారా? అన్న‌ది చూడాలి. ఇప్ప‌టివ‌ర‌కూ షారుక్ ఇక్క‌డి సెల‌బ్రిటీల తో మూవ్ అయిన సంద‌ర్భం లేదు. కోలీవుడ్ ని ప్రోత్స‌హించి నంత‌గా టాలీవుడ్ ని ఎంక‌రేజ్ చేసిన సంద‌ర్భం లేదు. తెలుగు సినిమాకి ఆస్కార్ అవార్డు వ‌చ్చినా? ఇంకేదైనా అవార్డు వ‌చ్చినా ఆయ‌న నుంచి ఎలాంటి ట్వీట్ కూడా లేదు. ఈ నేప‌థ్యంలో షారుక్ ఖాన్ కి టాలీవుడ్ నుంచి ఎలాంటి స‌హ‌కారం ఉంటుంది? అన్న‌ది చూడాలి.