గుంటూరు కారం.. రాగం సాగుతూనే ఉంది

సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో తెరకెక్కుతోన్న మూవీ గుంటూరు కారం. హారిక అండ్ హాసినీ క్రియేషన్స్ ఈ చిత్రాన్ని భారీ బడ్జెట్ తో నిర్మిస్తోంది. ఈ సినిమా ఎప్పుడో స్టార్ట్ అయిన కొన్ని అవాంతరాల మధ్య స్క్రిప్ట్ లో మార్పులు జరిగాయి. తరువాత హీరోయిన్ పూజా హెగ్డేని తప్పించారు. ఆమె స్థానంలోకి శ్రీలీల వచ్చింది. ప్రస్తుతం ఈ మూవీ రెగ్యులర్ షూటింగ్ జరుగుతోంది.

మీనాక్షి చౌదరి సెకండ్ హీరోయిన్ గా ఈ చిత్రంలో నటిస్తోంది. ఇదిలా ఉంటే ఈ సినిమా కథాంశం అంతా గుంటూరు నేపథ్యంలోనే ఉండబోతోందని తెలుస్తోంది. అలాగే పక్కా మాస్ రోల్ లో మహేష్ బాబు సినిమాలో కనిపించబోతున్నారు. ఇప్పటికే అతని లుక్ కి సంబందించిన పిక్స్ ని చిత్ర యూనిట్ పంచుకుంది. ఈ సినిమాకి తమన్ సంగీతం అందిస్తోన్న సంగతి తెలిసిందే.

గుంటూరు కారం నుంచి ఫస్ట్ సింగిల్ రిలీజ్ చేయాలని చాలా రోజుల నుంచి ప్రయత్నం చేస్తున్నారు. అయితే రిలీజ్ అవుతోందనే ప్రచారం మాత్రమే నడుస్తోంది. మూవీ నుంచి ఎలాంటి అప్డేట్ కూడా సాంగ్ పైన రావడం లేదు. సోలో సాంగ్ ఒకటి రెడీ అయిపోయింది. రిలీజ్ చేస్తారని అందరూ అనుకున్నారు. దసరా కానుకగా రావడం ఖాయం అనే వార్తలు వచ్చాయి.

అయితే దసరాకి ఒక పోస్టర్ తో సరిపెట్టేసారు. త్రివిక్రమ్ బర్త్ డే అయిన నవంబర్ 7న ఫస్ట్ సింగిల్ ని లాంచ్ చేయనున్నారంట. ఆ రోజుకి ఫస్ట్ సింగిల్ రెడీ కాకుంటే, కనీసం సాంగ్ లాంచ్ డేట్ అయిన అఫీషియల్ గా కన్ఫర్మ్ చేసే అవకాశం ఉందని ప్రచారం జరుగుతోంది. ఓ మెలోడీ సాంగ్ ని ఫస్ట్ సింగిల్ గా రిలీజ్ చేయాలనే ఆలోచనతో చిత్ర యూనిట్ ఉందంట.

సూపర్ స్టార్ అభిమానులు కూడా తమ హీరో మూవీకి సంబందించిన అప్డేట్ రావాలని ఎక్స్ పెక్ట్ చేస్తున్నారు. ఫస్ట్ సింగిల్ గురించి మూడు నెలలుగా వెయిట్ చేస్తున్నారు. ఫైనల్ గా రాబోతోంది అనే న్యూస్ కాస్తా సంతోషాన్ని ఇచ్చే విధంగా ఉంది నాగవంశీ కూడా తాజాగా ఓ ఇంటర్వ్యూలో ఫస్ట్ వీక్ లో గుంటూరు కారం నుంచి ఫస్ట్ సింగిల్ రిలీజ్ చేసే ప్రయత్నం చేస్తున్నట్లు చెప్పడం విశేషం.