హనుమాన్.. యూఎస్ ఫైట్ కు రంగం సిద్ధం

టాలెంటెడ్ యువ దర్శకుడు ప్రశాంత్ వర్మ దర్శకత్వంలో రూపొందుతున్న చిత్రం హనుమాన్. 2024 సంక్రాంతి జనవరి 12 విడుదల కాబోతున్న విషయం తెలిసిందే. ఎప్పుడో విడుదల కావలసినవి సినిమా పర్ఫెక్ట్ ప్లానింగ్ తో పొంగల్ ఫెస్టివల్ను టార్గెట్ చేసింది. తప్పకుండా ఆ పోటీలో హనుమాన్ సెంటిమెంట్ బాగా కలిసి వస్తుంది అని చాలా నమ్మకంతో అయితే ఉన్నారు. ఇక ఈ సినిమాకు సంబంధించిన టీజర్ కూడా మంచి రెస్పాన్స్ వచ్చింది.

అలాగే ఇటీవల విడుదలైన సాంగ్స్ కూడా పాజిటివ్ వైబ్రేషన్స్ క్రియేట్ చేశాయి. ఫ్యామిలీ ఆడియన్స్ నుంచి కిడ్స్ వరకు అందరినీ ఆకట్టుకునేలా దర్శకుడు ప్రశాంత్ వర్మ ఈ సినిమాకు మంచి హైప్ అయితే క్రియేట్ చేస్తున్నాడు. అయితే ఈ సినిమాను ఇండియాలోనే కాకుండా వివిధ దేశాలలో కూడా విడుదల చేయడానికి నిర్మాతలు సిద్ధమయ్యారు. ఇక ఓవర్సీస్ లో జనవరి 11న ప్రీమియర్స్ హనుమాన్ సందడి స్టార్ట్ కానుంది.

అక్కడ కూడా హనుమాన్ సినిమాకు మంచి క్రేజ్ అయితే ఉంది. యూఎస్ తెలుగు ఆడియోన్స్ కూడా ప్రశాంత్ వర్మ సినిమాను చూసేందుకు ఆసక్తిని చూపిస్తున్నారు. గతంలో ఈ దర్శకుడు డైరెక్ట్ చేసిన సినిమాలు యూఎస్ మార్కెట్లో మంచి కలెక్షన్స్ అయితే అందుకున్నాయి. ఇక ఇప్పుడు హనుమాన్ సినిమాకు కూడా అదే తరహా రెస్పాన్స్ వస్తుంది అనే నిర్మాతలు నమ్ముతున్నారు.

ఇక యుఎస్ లో రెండు ప్రముఖ డిస్ట్రిబ్యూషన్ సంస్థలు ఈ సినిమా డిస్ట్రిబ్యూషన్ హక్కులను కొనుగోలు చేశాయి. ప్రైమ్ షోస్ ఎంటర్టైన్మెంట్ తో పాటు నిర్వాణ మూవీస్ రెండు సంస్థలు కలిసి ఈ సినిమాను యూఎస్లో విడుదల చేస్తున్నాయి. తప్పకుండా సినిమా సంక్రాంతి పోటీలో అక్కడ కూడా మంచి కలెక్షన్స్ అందుకుంటుంది అని నిర్మాతలు ఈ సినిమాను భారీగానే విడుదల చేయబోతున్నారు.

ఇక ఓవర్సీస్ ఆడియన్స్ కోసం కూడా ప్రమోషన్స్ డోస్ పెంచాలి అని చిత్ర యూనిట్ ఆలోచిస్తోంది. ఈ సినిమాతో తేజ సజ్జా కూడా మంచి సక్సెస్ అందుకొని తనకంటూ ఒక మార్కెట్ క్రియేట్ చేసుకోవాలని అనుకుంటున్నాడు. ఇదివరకే ప్రశాంత్ వర్మ దర్శకత్వంలో అతను చేసిన జాంబీ రెడ్డికి మంచి కలెక్షన్స్ వచ్చాయి. ఇక ఇప్పుడు ఈ సినిమా కూడా సక్సెస్ అవుతుంది అని నమ్ముతున్నారు. హనుమాన్ సినిమాను ప్రశాంత్ వర్మ తన సినిమాటిక్ యూనివర్స్ తరహాలో తీసుకు వస్తున్నాడు. భవిష్యత్తులో ఇలాంటి తరహా సూపర్ హీరో సినిమాలో మరిన్ని వస్తాయి అని కూడా చెబుతున్నాడు. మరి సంక్రాంతికి రాబోతున్న హనుమాన్ ఎలాంటి రెస్పాన్స్ అందుకుంటుందో చూడాలి.