భ‌గ‌వ‌ద్గీత ఒక్క‌టే కాదు.. కాళిదాసు 'మేఘ‌దూత' చదివిన జ్ఞాని

అణుబాంబు పితామ‌హుడు.. సైద్ధాంతిక భౌతిక శాస్త్రవేత్త J రాబర్ట్ ఒపెన్ హైమర్ జీవితం ఆధారంగా క్రిస్టోఫర్ నోలన్ దర్శకత్వం వహించిన చిత్రం ఓపెన్ హైమర్‌. ఈనెల 21న ప్ర‌పంచ‌వ్యాప్తంగా విడుద‌ల‌వుతున్న ఈ సినిమా గురించి ఒక్కో అప్ డేట్ ఇండియాలో హీట్ పెంచుతున్నాయి. ఇప్ప‌టికే ఓపెన్ హైమ‌ర్ రాక కోసం నోలాన్ భార‌తీయ అభిమానులు ఎంతో ఉత్కంఠ‌గా వేచి చూస్తున్నారు. ఇలాంటి స‌మ‌యంలో హిందూ మ‌త‌గ్రంధం భ‌గ‌వ‌ద్గీత‌ను చ‌దివి ఎంతో ఇన్ స్ప‌యిర్ అయ్యాన‌ని న‌టుడు సిలియ‌న మ‌ర్ఫీ ప్ర‌క‌టించారు. సైంటిస్ట్ ఓపెన్ హైమ‌ర్ తాను చ‌దువుకునే రోజుల్లోనే భ‌గ‌వ‌ద్గీత స‌హా భార‌తీయ పురాణాల‌ను వేదాల‌ను పుక్కిట ప‌ట్టార‌ని ఆయ‌న వెల్ల‌డించారు. ఓపెన్ హైమ‌ర్ సినిమాని తెర‌కెక్కించే క్ర‌మంలో తాను కూడా వాటిని చ‌దివాన‌ని తెలిపారు.

నిజానికి హిందూ మతం భగవద్గీతపై ఒపెన్ హైమర్ కు ఉన్న మోహాన్ని సినిమా ప్రస్తావిస్తుందో లేదో అస్పష్టంగా ఉన్నప్పటికీ ఓపెన్ హైమర్ విడుదలకు ముందు రోజులలో అత‌డి వ్యక్తిత్వంలోని కోణాలపై ఆసక్తి పెరుగుతోంది. ఓపెన్ హైమ‌ర్ 1945 ట్రినిటీ పరీక్ష తర్వాత గీతను చ‌దివాన‌ని ఉటంకించాడు. ఆత‌ర్వాత అత‌డు ప్రపంచంలోని మొట్టమొదటి అణు బాంబును సృష్టించాడు. ఓపెన్ హైమర్ తాను చేసిన పని వ‌ల్ల‌ గురుత్వాకర్షణను అర్థం చేసుకున్నార‌ని అర్థ‌మ‌వుతోంది. అత‌డు తనలో తాను ఇలా అనుకున్నాడు. ``వెయ్యి సూర్యుల తేజస్సు ఆకాశంలో పగిలిపోతే అది మహాశక్తిమంతుడి వైభవంలా ఉంటుంది ... నేను మరణం అయ్యాను.. ప్రపంచాలను నాశనం చేస్తాను`` అని మ‌ద‌న‌ప‌డ్డాడు.

నిజానికి గీతాసారం మొదటి అణు పరీక్ష తర్వాత ఓపెన్ హైమర్ కు ఎలా ఓదార్పునిచ్చింది అనేది ఆస‌క్తిక‌రం.

1948 నాటి ఒక ప‌త్రిక క‌థ‌నం ప్ర‌కారం.. ఒపెన్ హైమర్ తన `వ్యక్తిగత ఆనందం` కోసం సాయంత్రాలలో భ‌గ‌వ‌ద్గీతను చదివాడు. కొన్నిసార్లు అతడు బర్కిలీలో స్నేహితులను గీతాసారం గురించి చెప్పేవాడు. అక్కడే అతను రెసిడెంట్ నిపుణుడు ఆర్థర్ W రైడర్ నుండి సంస్కృతంలో పాఠాలు నేర్చుకున్నాడు. ఇది అతని ఎనిమిదవ భాష. గీతా పుస్త‌కాన్ని గులాబీ రంగు స్కాచ్ టేప్ తో కలిపి దాచుకున్నాడు. ప్రిన్స్ టన్ లో ఉన్న‌పుడు అధ్యయనం కోసం గీత‌ను త‌న‌తోనే ప‌ట్టుకుని తిరిగాడు.

ఫ్రెంచ్ రచయిత మార్సెల్ ప్రౌస్ట్ ర‌చ‌న‌లు.. కవి జాన్ డున్నె రచనలతో ప్ర‌భావిత‌మయ్యాడు. కళల పట్ల తనకున్న ఆకర్షణ గురించి ఓపెన్ హైమ‌ర్ తన సోదరుడు ఫ్రాంక్ కు క్రమం తప్పకుండా ఉత్త‌రాలు రాసేవాడు. ఒపెన్ హైమర్ సంస్కృతంలో తన అధ్యయనాల గురించి ఫ్రాంక్ కు అప్ డేట్ చేస్తూ ఉండేవాడు. ఈ లేఖల ద్వారా ప్రాచీన భారతీయ గ్రంథాల గురించి తనకున్న జ్ఞానం గీతకు మాత్రమే పరిమితం కాదని కాళిదాసు రాసిన మేఘదూత వేదాలకు కూడా విస్తరించింద‌ని తెలిపాడు. హిందూమతం పురాతన గ్రంథాలపై అవిభాజ్య‌మైన ప్రేమ‌ను క‌న‌బ‌రిచేవాడు. ``నేను రైడర్ తో క‌లిసి భగవద్గీత చదువుతున్నాను`` అని 1933లో అడాల్ఫ్ హిట్లర్ జర్మనీలో అధికారంలోకి వచ్చిన అదే సంవత్సరం లేఖ‌లో రాశాడు. ఒక సంవత్సరం తర్వాత త‌మ్ముడు ఫ్రాంక్ కి రాసిన మరో లేఖలో ఓపెన్ హైమర్ ఇలా రాశాడు. ``చాలా సుదీర్ఘమైన లేఖ మాత్రమే నా గొప్ప నిశ్శబ్దాన్ని భర్తీ చేయగలదు.. నేను మీకు కృతజ్ఞతలు చెప్పాల్సిన అనేక మధురమైన విషయాల కోసం చాలా నెలలుగా ఉత్తరాలు రాస్తున్నాను. అమూల్యమైన మేఘదూత(కాళిదాసు ర‌చ‌న‌)తో మొదలై చాలా వేదాల‌ను నేర్చుకున్నాను.. అని ఓపెన్ హైమ‌ర్ పేర్కొన్నాడు.

1932లో రాసిన ఒక లేఖలో ఒపెన్ హైమర్ భ‌గ‌వ‌ద్గీతను ప్రస్తావించాడు. గీత‌లోని తత్వాలు యుద్ధం మధ్య సంబంధాలను పోల్చాడు. క్రమశిక్షణ ద్వారా మనం ప్రశాంతతను పొందగలమని నేను నమ్ముతున్నాను... క్రమశిక్షణ ద్వారా మన ఆనందానికి అవసరమైన వాటిని మరింత ప్రతికూల పరిస్థితులలో సంరక్షించడం నేర్చుకుంటామని నేను నమ్ముతున్నాను... అందువల్ల క్రమశిక్షణను రేకెత్తించే అన్ని విషయాలను అధ్యయనం చేయ‌డానికి గీత‌ను చ‌దివాను. గీతాసారం ద్వారా మాత్రమే మనం శాంతిని తెలుసుకోగలం``అని రాశారు.

ఈ చిత్రంలో ఓపెన్ హైమర్ గా నటించిన నటుడు సిలియన్ మర్ఫీ ఈ పాత్ర కోసం సన్నాహకంగా భగవద్గీత చదివినట్లు ఇటీవల ఒక ఇంటర్వ్యూలో వెల్లడించాడు. పాత్రికేయుడు సుచరిత త్యాగితో క‌లిసి గీతాసారం చ‌దివాన‌ని చెప్పాడు. ఓపెన్ హైమ‌ర్ సినిమా శుక్రవారం థియేటర్లలో ప్రారంభమవుతుంది.