'కంగువ' కి టాలీవుడ్‌ సినిమాల అడ్డు..!
తమిళ స్టార్‌ హీరో కంగువ షూటింగ్‌ పూర్తి చేసుకుని నిర్మాణానంతర పనులు జరుపుకుంటున్న విషయం తెల్సిందే.
తమిళ స్టార్‌ హీరో కంగువ షూటింగ్‌ పూర్తి చేసుకుని నిర్మాణానంతర పనులు జరుపుకుంటున్న విషయం తెల్సిందే. ఇప్పటికే ఈ సినిమాను విడుదల చేయాలని భావించినా కూడా అది సాధ్యం కావడం లేదు. ఈ ఏడాదిలో కంగువ ఉంటుందా లేదా అనే అనుమానాలు కూడా వ్యక్తం అవుతున్నాయి.
ఇలాంటి సమయంలో కంగువ నిర్మాతలు సినిమా విడుదల విషయంలో ఫ్యాన్స్ కంటే మాకు ఎక్కువ శ్రద్ద ఉంటుంది. ప్రతి విషయాన్ని కూడా బేరీజు వేసుకుని, ఆర్థిక పరమైన విషయాలను దృష్టిలో పెట్టుకుని సినిమాను విడుదల చేయాల్సి ఉంటుంది. ఫ్యాన్స్ కోరినప్పుడు మేము సినిమాను విడుదల చేయలేమని అన్నారు.
భారీ బడ్జెట్ సినిమా అవ్వడంతో పాటు తెలుగు మరియు హిందీలో కూడా కంగువ భారీ వసూళ్లను రాబట్టాల్సి ఉంది కనుక పోటీ లేని సమయంలో విడుదల చేయాలని భావిస్తున్నట్లుగా తెలుస్తోంది. ఈ ఏడాది మొత్తం కూడా కంగువ కి టాలీవుడ్‌ సినిమాలతో పోటీ తప్పేలా లేదు.
ఆగస్టు నుంచి మొదలుకుని డిసెంబర్‌ వరకు టాలీవుడ్‌ కు చెందిన పెద్ద సినిమాలు దేవర, పుష్ప 2, గేమ్‌ ఛేంజర్‌ మరి కొన్ని మీడియం రేంజ్ క్రేజీ సినిమాలు కూడా విడుదల అవ్వబోతున్నాయి. ఆ సినిమాలకు పోటీ గా రావడం కంగువ మేకర్స్ కి ఇష్టం లేనట్లు తెలుస్తోంది.
టాలీవుడ్‌ లో కూడా భారీగా విడుదల చేయాలి కనుక కంగువ సినిమాను ఇక్కడ పోటీ లేని సమయంలో విడుదల చేయాల్సి ఉంటుంది. అందుకే కంగువ సినిమా విడుదల విషయంలో నిర్మాతలు జుట్టు పీక్కుంటున్నారు. టాలీవుడ్‌ నిర్మాతలు అయిన అల్లు అరవింద్‌, మైత్రి మూవీ మేకర్స్ వారితో కంగువ నిర్మాత జ్ఞానవేల్ రాజా సంప్రదింపులు జరుపుతున్నారనే సమాచారం అందుతోంది.
డిసెంబర్‌ లో కంగువా విడుదల చేయాలని భావిస్తున్నప్పటికి పుష్ప 2 వల్ల ఆ ఆలోచనతో ముందుకు వెళ్లలేక పోతున్నట్లుగా సమాచారం అందుతోంది. అంతకు ముందు రావాలి అంటే గేమ్‌ ఛేంజర్‌ తో సమస్య. మరి ఈ సమస్యను కంగువ మేకర్స్ ఎలా అధిగమిస్తారో చూడాలి.