ఈ అమ్మడు మరో రష్మిక అవ్వగలదా..?

కన్నడ భామ రష్మిక మందన్న తెలుగులో సూపర్ పాపులారిటీ తెచ్చుకుని ఆ క్రేజ్ తో బాలీవుడ్ ఛాన్సులు అందుకుంది. హిందీలో రష్మిక చేసిన మొదటి రెండు సినిమాలు పెద్దగా సక్సెస్ అవ్వకపోయినా లాస్ట్ ఇయర్ వచ్చిన యానిమల్ సినిమా అమ్మడికి మంచి బూస్టింగ్ ఇచ్చింది. యానిమల్ సినిమాతో బాలీవుడ్ లో కూడా టాపు లేపేస్తున్న రష్మిక అక్కడ కొన్నాళ్లు తిరుగు లేని విధంగా ఫాం కొనసాగిస్తుందని చెప్పొచ్చు. అంతకుముందు చాలా హీరోయిన్స్ సౌత్ లో టాప్ ప్లేస్ దక్కించుకుని బాలీవుడ్ షిఫ్ట్ అయ్యి అక్కడ మాత్రం డీలా పడిపోయే వారు.

సౌత్ లో స్టార్ హీరోయిన్ ఉన్న ప్రతి ఒక్కరికి బాలీవుడ్ లో కలిసి రాలేదు. కొందరైతే అక్కడ కెరీర్ ని సక్సెస్ ఫుల్ గా కొనసాగించలేకపోయారు. ఐతే రష్మిక మాత్రం ఇటు సౌత్ అటు నార్త్ రెండు చోట్ల అదరగొట్టేస్తుంది. రష్మికకు మాత్రం అక్కడ ఇక్కడ రెండు చోట్ల టైం కలిసి వచ్చిందని చెప్పొచ్చు. ఐతే రష్మిక దారిలోనే మరికొంతమంది హీరోయిన్స్ బాలీవుడ్ బాట పడుతున్నారు.

రష్మిక తర్వాత కీర్తి సురేష్ కూడా సౌత్ నుంచి బాలీవుడ్ కి షిఫ్ట్ అయ్యింది. మహానటితో సూపర్ క్రేజ్ తెచ్చుకున్న కీర్తి సురేష్ సౌత్ లో స్టార్ హీరోలతో జత కడుతూ వస్తుంది. బేబీ జాన్ సినిమాతో బాలీవుడ్ ఎంట్రీ ఇచ్చిన కీర్తి సురేష్ ఆ సినిమా తర్వాత మరో రెండు ఛాన్సులు అందుకుందని తెలుస్తుంది. బాలీవుడ్ కి వెళ్లగానే కీర్తి సురేష్ కూడా గ్లామర్ విషయంలో హద్ధులు చెరిపేస్తుందని అంటున్నారు.

రష్మిక తర్వాత సౌత్ నుంచి వచ్చి సక్సెస్ అయిన హీరోయిన్స్ లిస్ట్ లో కీర్తి సురేష్ ఉంటుందా అన్నది తెలియాల్సి ఉంది. ఐతే నేషనల్ క్రష్ రష్మిక బాలీవుడ్ లో సినిమాలు చేయకముందే నేషనల్ వైడ్ క్రేజ్ తెచ్చుకుంది. ఆ క్రేజ్ తోనే అమ్మడు అక్కడ సినిమాలు చేస్తుంటే అందుకు తగినట్టుగానే ఫలితాలు వచ్చాయి. ఇప్పుడు రష్మిక బాటలోనే కీర్తి సురేష్ కూడా బాలీవుడ్ లో వరుస సినిమాలతో అదరగొట్టాలని చూస్తుంది. కీర్తి సురేష్ కి అక్కడ లక్ కలిసి వస్తుందా లేదా అన్నది చూడాలి. తెలుగు సినిమాలు ఎలాగు పాన్ ఇండియా రిలీజ్ అవుతున్నాయి కాబట్టి కీర్తి సురేష్ అటు బాలీవుడ్ తో పాటుగా తెలుగు పాన్ ఇండియా సినిమాల మీద స్పెషల్ ఫోకస్ చేసిందని తెలుస్తుంది.