యానిమాల్.. మహేష్ తో జాక్ పాటే..

సందీప్ రెడ్డి వంగా దర్శకత్వంలో తెరకెక్కిన యానిమాల్ సినిమా డిసెంబర్ 1వ తేదీన వరల్డ్ వైడ్ గా విడుదల కాబోతోంది. రణబీర్ రష్మిక మందన్న జంటగా నటించిన ఈ సినిమాలో అనిల్ కపూర్, బాబీ డియోల్ లాంటి స్టార్స్ కూడా ముఖ్యమైన పాత్రలలో నటించడంతో అంచనాలు ఇదివరకే కాస్త పెరిగాయి. ఇక ట్రైలర్ వచ్చిన అనంతరం సినిమాకు దాదాపు అన్ని భాషల్లో కూడా హైప్ డోస్ మరింత ఎక్కువైంది. ముఖ్యంగా తెలుగులో ఈ సినిమా ఎలాంటి కలెక్షన్స్ అందుకుంటుందా అని అందరు ఎంతో ఆతృతగా ఎదురుచూస్తున్నారు.

ఇక సినిమా రేంజ్ కు తగ్గట్టుగా దర్శకుడు సందీప్ తెలుగు ప్రమోషన్స్ కూడా పర్ఫెక్ట్ గా ప్లాన్ చేస్తున్నాడు. సినిమాకు సంబంధించిన ప్రీ రిలీజ్ ఈవెంట్ ఈవెంట్ కూడా గట్టిగానే ప్లాన్ చేస్తున్నట్లు ముందుగానే టాక్ వచ్చింది. ఇక ఇప్పుడు ఈవెంట్ కు ప్రత్యేక అతిథులు ఎవరు అనేది కూడా ఫిక్స్ అయ్యారు. హైదరాబాద్ మల్లారెడ్డి యూనివర్సిటీలో జనవరి 26 సోమవారం రోజు సాయంత్రం 5 గంటలకు ఈవెంట్ స్టార్ట్ కానుంది.

ఇక తెలుగు నుంచి ప్రముఖ స్టార్ హీరో హాజరు కాబోతున్నట్లు ముందుగానే Tupaki.com అంచనా వేసింది. ముఖ్యంగా ముగ్గురు హీరోల పేర్లు అయితే చర్చల్లోకి వచ్చాయి. అల్లు అర్జున్, రామ్ చరణ్ ఇద్దరిలో ఎవరైనా రావచ్చు. లేదంటే సర్ ప్రైజ్ ఇచ్చేలా మహేష్ బాబు కూడా రావచ్చని ముందుగానే తుపాకీలో క్లారిటీ వచ్చిన విషయం తెలిసిందే. అయితే అల్లు అర్జున్ ప్రస్తుతం ఫ్యామిలీ వెకేషన్ లో ఉన్నాడు. ఒకవేళ హాలిడే ట్రిప్ ను ముగించుకుంటే బన్నీ ముందే ఈవెంట్ కు వచ్చే అవకాశం కూడా ఉండేది.

ఇక రామ్ చరణ్ గేమ్ ఛేంజర్ ను ఫినిష్ చేసే పనిలో మరింత బిజీ అయ్యాడు. అతని విషయంలో రెండు రకాల అభిప్రాయాలు వచ్చాయి. ఒకవేళ ఈ ఇద్దరు రాకపోతే మహేష్ బాబుతో యానిమాల్ ఈవెంట్ కు వచ్చి ట్విస్ట్ ఇవ్వొచ్చు అని అనుకున్నాం. అయితే ఇప్పుడు అదే నిజమైంది. యానిమాల్ ఈవెంట్ కోసం రాజమౌళితో పాటు మహేష్ బాబు కూడా రాబోతున్నాడు. అసలే యానిమాల్ సినిమా రిజెక్ట్ చేశాడు అనే వార్తలతో ఓ వర్గం మహేష్ ఫ్యాన్స్ చాలా అప్సెట్ అయ్యారు.

యానిమాల్ ట్రైలర్ వచ్చాక ఇలాంటి సినిమా మహేష్ కు పడి ఉంటే మరో లెవెల్లో ఉండేదని కూడా వివిధ రకాల షేడ్స్ లో రియాక్ట్ అయ్యారు. ఇక అలాంటప్పుడు మహేష్ నిజంగా యానిమాల్ ఈవెంట్ కు వస్తాడో రాడో అనే కామెంట్స్ కూడా వచ్చాయి. ఇక మొత్తానికి ఒక ఊహకు తగ్గట్టుగా మహేష్ యానిమాల్ ఈవెంట్ కు గ్రీన్ సిగ్నల్ ఇచ్చాడు. ఇక మహేష్ హాజరవ్వడం ఒక సర్ ప్రైజ్ అయితే అతను ఈవెంట్ లో ఏ విధంగా మాట్లాడతాడు అనేది మరింత క్యూరియసిటీని క్రియేట్ చేస్తోంది.

రణబీర్ లాంటి బాలీవుడ్ హీరోకు ఒక విధంగా ఇది మంచి జాక్ పాట్ లాంటి మూమెంట్ అని చెప్పవచ్చు. బాలీవుడ్ కు ఏ మాత్రం తీసిపోని విధంగా టాలీవుడ్ మార్కెట్ కు డిమాండ్ ఉంది. ఇక అలాంటి మార్కెట్ లో సూపర్ స్టార్ మహేష్ బాబు, పాన్ ఇండియా నెంబర్ వన్ దర్శకుడు రాజమౌళి అతని సినిమాకు రావడం గొప్పే. ట్రైలర్ తో ఉన్న బజ్ కు ఇది డబుల్ బోనస్ లాంటిది. మరి ఈ ఈవెంట్ తో అంచనాల డోస్ ఇంకెంత పెరుగుతుందో చూడాలి.