హిట్టు కాంబినేషన్ లో గుంటూరు పిల్ల

మీనాక్షి చౌదరి ప్రస్తుతం టాలీవుడ్ లో గట్టిగా వినిపిస్తోన్న పేరు. ఈ బ్యూటీ బ్యాక్ టూ బ్యాక్ మూవీస్ చేసుకుంటూ స్టార్ హీరోయిన్ గా రేసులోకి వస్తోంది. గుంటూరు కారం సినిమాలో మీనాక్షి చౌదరి నటించింది. అయితే ఆమె పాత్రకి పెద్ద ప్రాధాన్యత లేదు. కానీ ఇప్పుడు ఇటు తెలుగు, అటు తమిళ భాషలలో మీనాక్షి చౌదరికి ఆఫర్స్ క్యూ కడుతున్నాయి.

ప్రస్తుతం ఇళయదళపతి విజయ్ GOAT సినిమాలో హీరోయిన్ గా నటిస్తోంది. విజయ్ ఆంటోనీ హీరోగా తెరకెక్కిన కొలై అనే సినిమాతో కోలీవుడ్ లోకి మీనాక్షి చౌదరి ఎంట్రీ ఇచ్చింది. తరువాత సింగపూర్ సెలూన్ అనే చిత్రంతో నటించింది. ఇప్పుడు ఏకంగా విజయ్ కి జోడీగా నటిస్తోంది. తెలుగులో గుంటూరు కారం సినిమాలో ఆమె గెస్ట్ రోల్ కి పరిమితం అయిన కూడా అవకాశాలు మాత్రం బాగానే వస్తున్నాయి.

విశ్వక్ సేన్ కి జోడీగా రామ్ తాళ్ళూరి నిర్మిస్తోన్న సినిమా ఇప్పటికే సెట్స్ పైన ఉంది. విజయ్ దేవరకొండ హీరోగా గౌతమ్ తిన్ననూరి పాన్ ఇండియా మూవీ చేస్తోన్న సంగతి తెలిసిందే. ఈ సినిమాలో మీనాక్షి చౌదరిని హీరోయిన్ గా కన్ఫర్మ్ చేశారు. వరుణ్ తేజ్ కరుణ కుమార్ దర్శకత్వంలో చేస్తోన్న మట్కా సినిమాలో మీనాక్షినే లీడ్ రోల్ చేస్తోంది.

దుల్కర్ సల్మాన్ హీరోగా వెంకీ అట్లూరి దర్శకత్వంలో తెరకెక్కుతోన్న లక్కీ భాస్కర్ మూవీలో మీనాక్షి చౌదరి హీరోయిన్ గా నటిస్తోంది. ఇలా బ్యాక్ టూ బ్యాక్ సినిమాలు ప్రస్తుతం ఈమె ఖాతాలో ఉన్నాయి. ఇప్పుడు మరో క్రేజీ ఛాన్స్ ని మీనాక్షి సొంతం చేసుకుందని తెలుస్తోంది. అనిల్ రావిపూడి దర్శకత్వంలో విక్టరీ వెంకటేష్ ఒక మూవీ చేయబోతున్నారు. ఈ సినిమాలో హీరోయిన్ గా మీనాక్షి చౌదరిని ఖరారు చేసినట్లు తెలుస్తోంది

అనిల్ రావిపూడి సినిమా అంటే గ్యారెంటీ హిట్ అనే అభిప్రాయం పబ్లిక్ లో ఉంది. దీంతో మీనాక్షి ఖాతాలో ఈ చిత్రంతో సక్సెస్ చేరే అవకాశం ఉందనే మాట వినిపిస్తోంది. ప్రస్తుతం ఈ బ్యూటీ చేతిలో ఉన్న సినిమాలు అన్ని కూడా క్రేజీ కాంబినేషన్ కావడం విశేషం. అలాగే ప్రతి సినిమాపైనే ఎంతో కొత్త పాజిటివ్ బజ్ నడుస్తోంది. దీంతో టాలీవుడ్ నెక్స్ట్ స్టార్ హీరోయిన్ రేసులో శ్రీలీల, మీనాక్షి చౌదరి పోటీ పడే అవకాశం ఉందనే మాట వినిపిస్తోంది .