మెగాస్టార్ బ‌ర్త్ డే ట్రీట్ స్పెష‌ల్ ఏంట‌బ్బా?

మెగాస్టార్ చిరంజీవి బ‌ర్త్ డే అంటే అభిమానుల్లో హంగామా ఎలా ఉంటుందో చెప్పాల్సిన ప‌నిలేదు. ఆగ‌స్టు 22 స‌మీపిస్తుందంటే? సోష‌ల్ మీడియా ఠారెత్తిపోతుంది. చిరంజీవి నుంచి ఎలాంటి అప్ డేట్ వ‌స్తుందా? అని ఎంతో ఎగ్జైట్ మెంట్ తో ఎదురు చూస్తుంటారు. కొత్త సినిమాలు లైన్ లో ఉంటే? అభిమానుల్లో ఉత్సాహం రెట్టింపు అవుతుంది. అయితే ఆగ‌స్టు 22కి ఇంకా రెండు రోజులే స‌మ‌యం ఉన్నా? సోష‌ల్ మీడియాలో గానీ.. మెగా క్యాంప్ లోగానీ...మెగా అభిమానుల్లోగానీ ఎలాంటి జోష్ క‌నిపించ‌లేదు.

తాజా స‌న్నివేశం అంతా చ‌ప్ప‌గానే ఉంది. `భోళా శంక‌ర్` దెబ్బ‌కి మెగా అభిమానులెవ్వ‌రిలో సౌండ్ లేదు. సినిమాపై అభిమానులే విమ‌ర్శ‌లు గుప్పించ‌డంతో? మెగా క్యాంప్ అంతా సైలెంట్ అయిపోయింది. ఇంత వ‌ర‌కూ సెల‌బ్రేష‌న్స్ ఎక్క‌డ నిర్వ‌హిస్తున్నారు? ఎలాంటి ట్రీట్ ఇవ్వ‌బోతున్నారు? వంటి వాటి గురించి ఎలాంటి క్లారిటీ లేదు. క‌నీసం ఏదో ఒక సినిమా సెట్స్ లో ఉన్నా ఆ సినిమా అప్ డేట్స్ రివీల్ చేసేవారు. చిరుకి ఆ ఛాన్స్ కూడా లేక‌పోవ‌డంతో వాతావ‌ర‌ణమంతా చ‌ల్ల‌గా ఉంది.

భోళా శంక‌ర్ పై వ‌చ్చిన విమ‌ర్శ‌ల నేప‌థ్యంలో అభిమానులు కూడా కామ్ అయిపోయారు. అన్న‌య్య‌ని అప్ డేట్ ఏంటి? అని అడ‌గ‌లేక పోతున్నారు. స్పందిస్తే ట్రోల‌ర్స్ నుంచి ఎలాంటి రిప్లై వ‌స్తుందో? అర్దం కాని స‌న్నివేశం ఉంది. దీంతో మెగా క్యాంప్ తో పాటు..మెగా అభిమానులు మౌనం వ‌హిస్తున్నారు. మ‌రి ఈ సైలెన్స్ మెగాస్టార్ ఎలాంటి బ్రేక్ వేస్తారు? అన్న‌ది చూడాలి. మెగాస్టార్ త‌దుప‌రి సినిమాలో భాగంగా కొంత మంది ద‌ర్శ‌కులు క్యూ లో ఉన్నారు. ఇప్ప‌టికే కొన్ని స్టోరీలు లాక్ అయ్యాయి.

అయితే తాజా స‌న్నివేశం నేప‌థ్యంలో ఎవ‌ర్నీ ముందుకు తీసుకురావాలో? అర్దం కాని డైల‌మా కొన‌సాగు తుంది. కొత్త ద‌ర్శ‌కుల పేర్లు కూడా తెర‌పైకి వ‌స్తున్నాయి. చిరంజీవి మురుగ‌దాస్ ని దించుతున్నారు అంట అని ఇప్ప‌టికే ప్ర‌చారం సాగుతోంది. మ‌రి ఈ ర‌క‌మైన సందేహాల‌కు.. సంశ‌యాల‌కు మెగాస్టార్ 22న ఎలాంటి బ్రేక్ వేస్తారో చూడాలి. మెగాస్టార్ కి ఇలాంటి ఫేజ్ కొత్తేం కాదు. ఎన్నో ఒడిదుడుకులు చూసిన లెజెండ్ ఆయ‌న‌.