లవర్స్ డే స్పెషల్.. బ్యూటీకి బచ్చన్ స్ట్రాంగ్ హగ్

సినిమా మీద సినిమా చేసుకుంటూ జెట్‌ వేగంతో దూసుకుపోతున్నారు టాలీవుడ్ మాస్ మహారాజా రవితేజ. రీసెంట్‌‌‌‌ గా ఈగల్ చిత్రంతో ప్రేక్షకుల ముందుకొచ్చిన ఆయన.. మరోవైపు తన కొత్త మూవీ మిస్టర్‌‌‌‌‌‌‌‌ బచ్చన్‌‌‌‌ షూటింగ్‌‌‌‌ తో బిజీగా ఉన్నారు. హరీష్ శంకర్ దర్శకత్వంలో తెరకెక్కుతున్న ఈ చిత్రం షూటింగ్ శరవేగంగా జరుగుతోంది. ఇప్పటికే ఒక షెడ్యూల్ పూర్తి కాగా, ఇటీవలే మరో కీలక షెడ్యూల్‌‌‌‌ కూడా పూర్తయింది.

24 గంటలు కూడా పనిచేసినందుకు మాస్ మహారాజాకు మిలియన్ థ్యాంక్స్ అంటూ హరీష్ శంకర్ ఇటీవలే సోషల్ మీడియాలో పెట్టిన పోస్ట్ వైరల్ అయిన విషయం తెలిసిందే. ఈ సందర్భంగా సెట్‌‌‌‌ లో టీమ్ అంతా కలిసున్న ఫొటోలను కూడా షేర్ చేశారు. మొత్తానికి ఈ సినిమాను ఎంతో వేగంగా చేస్తున్నట్లు హరీశ్ శంకర్ వెల్లడించారు. దీంతో ఈ మూవీ అనుకున్న సమయానికే విడుదల అయ్యే అవకాశం కనిపిస్తోంది.

తాజాగా మేకర్స్ వాలెంటైన్స్ డే స్పెషల్ పోస్టర్ ను రిలీజ్ చేశారు. ఫుల్ మాస్ వ్యక్తులు కూడా అత్యంత మృదువైన మనుసులను కలిగి ఉంటారంటూ చిత్ర యూనిట్ ట్వీట్ చేసింది. అందరికీ వాలెంటైన్స్ డే విషెస్ చెప్పింది. మేకర్స్ రిలీజ్ చేసిన రొమాంటిక్ పోస్టర్ ప్రస్తుతం సోషల్ మీడియాలో వైరల్ గా మారింది. రవితేజ ఒడిలో హీరోయిన్ కూర్చోగా అప్యాయంగా హగ్ చేసుకుంటున్నట్లు ఉన్న పోస్టర్ అదిరిపోయింది.

డార్క్ గ్రీన్ కలర్ శారీలో హీరోయిన్ భాగ్యశ్రీ బొర్సే తన నవ్వుతోనే మాయ చేస్తోంది. మాస్ మహారాజా కలర్ ఫుల్ షర్ట్ లో బ్యూటీని హాగ్ చేసుకుంటూ క్లాసీగా కనిపించారు. మొత్తానికి సినిమాలో వీరిద్దరి కెమిస్ట్రీ అదిరిపోనుందని రవితేజ ఫ్యాన్స్ కామెంట్లు పెడుతున్నారు. సినిమాలో సూపర్ లవ్ ట్రాక్ ఉందని పోస్టర్ చూస్తే అర్ధమవుతోందని అంటున్నారు.

ఈ మూవీని పీపుల్స్ మీడియా ఫ్యాక్టరీ బ్యానర్‌ పై టీజీ విశ్వ ప్రసాద్, వివేక్ కూచిభొట్ల నిర్మిస్తున్నారు. మిక్కీ జే మేయర్ సంగీతాన్ని అందిస్తున్నారు. ఈ చిత్రానికి అవినాష్ కొల్లా ప్రొడక్షన్ డిజైనర్ గా వ్యవహరిస్తుండగా, ఎడిటర్ గా ఉజ్వల్ కులకర్ణి పనిచేస్తున్నారు. హిందీలో సూపర్ హిట్ అయిన అజయ్ దేవగణ్ రైడ్ మూవీకి రీమేక్‌ గా ఈ సినిమా తెరకెక్కుతోంది. ఈగల్ తో హిట్ కొట్టిన రవితేజ.. ఆ జోష్ ను కంటిన్యూ చేస్తారో లేదో చూడాలి.