మృణాల్ లో ఈ టాలెంట్ కూడానా..?

ఇటు తెలుగు, అటు హిందీ రెండు భాషలను కవర్ చేస్తూ సత్తా చాటున్న హీరోయిన్ మృణాల్ ఠాకూర్ తెలుగులో నెక్స్ట్ సినిమాపై క్లారిటీ రాలేదు. అంతకుముందు రెండు హిట్లు పడగా విజయ్ దేవరకొండతో ఫ్యామిలీ స్టార్ ఫ్లాప్ పడగానే అమ్మడిని పక్కన పెట్టారు. ఐతే నెక్స్ట్ సినిమా విషయంలో మృణాల్ కావాలనే టైం తీసుకుందని ఫిల్మ్ నగర్ టాక్. ఇదిలా ఉంటే మృణాల్ బాలీవుడ్ కెరీర్ కూడా బాగానే సాగుతుంది. అక్కడ ఇక్కడ అమ్మడి పాపులారిటీ అదిరిపోతుంది.

ఇక సినిమాల గ్యాప్ లో అమ్మడు కొత్తగా ఏదైనా నేర్చుకుంటుంది. లేటెస్ట్ గా మృణాల్ ఒక కొత్త హాబీ ని ప్రేక్షకులకు పరిచయం చేసింది. తను చేసిన త్రెడ్ వర్క్ ని చూపించి హలో మై న్యూ బేబీ అంటూ అనౌన్స్ చేసింది. మన దేశంలో ఎక్కువమంది ఇంట్లో ఉండే మహిళలు చాలా ఇష్టంగా చేసేది కుట్లు అల్లికలే. అదే ఆదాయ మార్గంగా చేసుకున్న వారు ఉన్నారు.

ఐతే మృణాల్ కూడా ఈమధ్యనే తన త్రెడ్ వర్క్ ని నేర్చుకున్నట్టు ఉంది. తను సొంతంగా పూర్తి చేసిన త్రెడ్ వర్క్ ని సోషల్ మీడియా స్టేటస్ లో పెడుతూ తన సంతోషాన్ని వెల్లడించింది. స్టార్ హీరోయిన్ గా ఈ పని మనం చేయడం ఎందుకులే అన్నట్టు కాకుండా మృణాల్ కొత్త హాబీని నేర్చుకోవడం ఆమె ఫ్యాన్స్ కి కూడా థ్రిల్ కలిగిస్తుంది. చేస్తే సినిమాలు లేకపోతే ఇలా తన సోషల్ మీడియా అప్డేట్స్ తో అమ్మడు అలరిస్తుంది.

మృణాల్ ఠాకూర్ కెరీర్ విషయానికి వస్తే.. అడివి శేష్ తో డెకాయిట్ సినిమా ఛాన్స్ అందుకుంది. రీసెంట్ గా బాలీవుడ్ లో సన్ ఆఫ్ సర్దార్ 2 సినిమాలో కూడా అవకాశం దక్కించుకుంది. సినిమాలో తనకు ఇచ్చిన పాత్రకు పూర్తి స్థాయిలో న్యాయం చేస్తూ ఆడియన్స్ ని అలరిస్తున్న అమ్మడు కెరీర్ ని ఇంకా స్ట్రాంగ్ చేసుకోవాలని చూస్తుంది. ఐతే రీసెంట్ గా అమ్మడికి కోలీవుడ్ నుంచి కూడా పిలుపు వచ్చినట్టు టాక్. ఐతే అది ఏ సినిమా ఏంటన్న డీటైల్స్ ఇంకా బయటకు రాలేదు. మృణాల్ ఖాతాలో మరో హిట్ సినిమా పడితే మాత్రం అమ్మడికి మళ్లీ ఫుల్ డిమాండ్ పెరిగే ఛాన్స్ ఉంటుందని చెప్పొచ్చు.