నేచురల్ స్టార్ నాని సినిమా సినిమాకు సరికొత్త తరహా కథలో తెరపైకి తీసుకువచ్చే ప్రయత్నం చేస్తూ ఉన్నాడు. ప్రతి సినిమాలో ఏదో ఒక కొత్త తరహా క్యారెక్టర్ తో కనిపించాలి అని అతడు సెలెక్ట్ చేసుకుంటున్న కథలు మిగతా నటీనటులకు కూడా ఒక ప్రేరణగా నిలుస్తున్నాయి అని చెప్పవచ్చు. ఇక నాని లైనఫ్ చూస్తూ ఉంటే ప్రస్తుతం ఇండస్ట్రీలో చాలా వేగంగా సినిమాలను పూర్తి చేస్తున్న బెస్ట్ హీరోల్లో ఒకరని చెప్పుకోవచ్చు.
నాని బలగం దర్శకుడు వేణుతో ఒక సినిమా చేయబోతున్నట్లు చాలా రోజులుగా మీడియాలో నానుతున్న విషయం తెలిసిందే. దిల్ రాజు నిర్మాణంలో ఆ ప్రాజెక్టు ఉండబోతుంది అని ఇప్పటికే కథ వినిపించిన వేణు ఫైనల్ స్క్రిప్ట్ సిద్ధం చేసిన తర్వాత ప్రాజెక్టుపై అఫీషియల్ క్లారిటీ ఇస్తాడు అని చాలా రోజులుగా కథనాలు వస్తూ ఉన్నాయి. అయితే నేడు నాని పుట్టినరోజు సందర్భంగా దర్శకుడు వేణు ప్రత్యేకంగా కలిసి శుభాకాంక్షలు తెలియజేశాడు.
అంతేకాకుండా ఆయనతోపాటు దిల్ రాజు సోదరుడు శిరీష్ కూడా ఉండడంతో ఈ కాంబినేషన్ దాదాపు ఫైనల్ అయిపోయినట్లుగానే క్లారిటీ వచ్చేసింది. అంతేకాకుండా ఇంతకుముందు నాని కూడా సోషల్ మీడియాలో నెటిజన్స్ అడిగిన ప్రశ్నకు వేణుతో సినిమా చేయడానికి ఇష్టమే అని ముందుగానే ఒక హింట్ అయితే ఇచ్చాడు.
ఇక ఎప్పుడెప్పుడు అని ఎదురు చూస్తూ ఉన్నా ఈ కాంబినేషన్ పై మొత్తానికి ఒక క్లారిటీ అయితే వచ్చేసింది. త్వరలోనే సినిమా స్క్రిప్ట్ పనులు మొత్తం పూర్తి చేసుకుని దర్శకుడు సినిమాను సెట్స్ పైకి తీసుకువచ్చే అవకాశం ఉంది. ఈ ప్రాజెక్టు టైటిల్ పై కూడా ఇదివరకే ఒక టాక్ వచ్చింది. నిర్మాత 'ఎల్లమ్మ' అనే టైటిల్ రిజిస్ట్రేషన్ చేయించారట.
తెలంగాణ 1980 బ్యాక్ డ్రాప్ లో సినిమా కథ ఉంటుందట. లవ్, ఫ్యామిలీ ఎమోషన్స్, కక్ష్యల నేపథ్యంలో దాదాపు బలగం ఎలిమెంట్స్ ఉండబోతున్నట్లు టాక్. అయితే ఒకే తరహాలో ఉండకుండా వేణు ట్రీట్మెంట్ ఈసారి వేరేలా ఉంటుందట. పూర్తిస్థాయిలో తెలంగాణ నేపథ్యం ఇంకా చాలా బలంగా చూపించే అవకాశం ఉన్నట్లు టాక్. ఇక నాని ప్రస్తుతం నాని సరిపోదా శనివారం అనే సినిమా చేస్తున్నాడు. ఆ సినిమా షూటింగ్ అనంతరం ఈ ప్రాజెక్టు పట్టాలు ఎక్కే అవకాశం ఉంది.