దేవ‌ర‌కొండ స‌ర్ ప్రైజ్..అభిమానుల‌కు ఇదో కూల్ ట్రీట్!
తాజాగా బాలీవుడ్ సింగ‌ర్ జస్లీన్ రాయల్ తో ఓ ప్రయివేట్ ఆల్బం చేసాడు.
నెటి జ‌న‌రేష‌న్ హీరోల్లో న‌టుడు అంటే కేవ‌లం సినిమాల‌కే ప‌రిమిత‌మైతే స‌రిపోదు. మార్కెట్ లో ఇంకా ర‌క‌ర‌కాల సాధ‌నాలున్నాయి. ఆ అవ‌కాశాల్ని సైతం స‌ద్వినియోగం చేసుకునే ముందుకెళ్తేనే ప‌న‌వుతుంది. అందుకే సీనియ‌ర్ హీరోలు సైతం జూనియ‌ర్ల‌కు పోటీగా ఎంతో అడ్వాన్స్ గా ఉంటున్నారు. ట్రెండ్ ని పాలో అవుతూ ముందుకె ళ్తున్నారు. అలా చేయ‌క‌పోతే రేసులో వెనుక‌బ‌డ‌టం త‌ప్ప‌నిస‌రి.
అందుకే ఎండార్స్ మెంట్స్ విష‌యంలోనూ ఏ హీరో వెన‌క్కి త‌గ్గ‌డం లేదు. ప్ర‌చారంతో పాటు కోట్ల రూపాయ‌ల రెండ‌వ ఆదాయంగానూ క‌నిపిస్తుంది. ముఖ్యంగా పాన్ ఇండియా మార్కెట్ లో ఫేమ‌స్ అవ్వాల‌నుకున్న హీరోల‌కు ఇది ఎంతో కీల‌క‌మైన‌ది. స‌రిగ్గా ఇదే స్ట్రాటజీతో యంగ్ హీరో విజ‌య్ దేవ‌ర‌కొండ ముందుకెళ్తున్నాడు. ఎండార్స్ మెంట్స్ విష‌యంలో ఏమాత్రం త‌గ్గ‌లేదు. తాజాగా బాలీవుడ్ సింగ‌ర్ జస్లీన్ రాయల్ తో ఓ ప్రయివేట్ ఆల్బం చేసాడు.
ఇందులో విజ‌య్-రాధికా మ‌ద‌న్ మెయిన్ లీడ్స్ పోషించారు. పీరియాడిక్ లవ్ స్టోరీతో `సాహిబా` అనే సాంగ్ ని కంపోజ్ చేసారు. ఇప్ప‌టికే రిలీజ్ అయిన పాట ప్రోమోకి మంచి రెస్పాన్స్ వ‌చ్చింది. తాజాగా పుల్ వీడియో సాంగ్ రిలీజ్ అయింది. పాట‌లో..పాత్ర‌ల్లో ఎంతో ఎమోష‌న్ క‌నిపిస్తుంది. మెలోడీ బీట్ క్లాసిక్ ఆడియ‌న్స్ ఆక‌ట్టుకునేలా ఉంది. పాట‌లో ఎంతో క‌ళాత్మ‌క‌త కొట్టొచ్చింది. సెట్.. పాత్ర ధారుల కాస్ట్యూమ్స్, ఆహార్యం ఎంతో వైవిధ్య‌త క‌నిపిస్తుంది. విజ‌య్ ఎంతో సెటిల్డ్ పెర్పార్మెన్స్ ఇచ్చాడు. ఇందులో రాధికా మ‌ద‌న్ ప్రిన్సెస్ లుక్ బాగుంది. క‌ళ్ల‌లో భావాలాను పెదాల‌పై ఒలికించింది.
ఇది పూర్తిగా నార్త్ కి క‌నెక్టింగ్ సాంగ్. దానికి సంబంధించిన వీడియో నెట్టింట వైర‌ల్ అవుతోంది. జ‌స్లిన్ రాయల్ ప్రైవేట్ సాంగ్స్ కంపోజ్ చేస్తూ ఉంటుంది. ప్రైవేట్ సాంగ్స్ తో పాటు సినిమాలకు కూడా పాట‌లు రాయడం, పాడటం చేస్తుంది. ఇప్ప‌టికే జస్లీన్ ప్రైవేట్ ఆల్బమ్స్ లో చాలా మంది స్టార్ సెలబ్రిటీలు న‌టించారు. ఈమ‌ధ్య‌నే మ‌ల‌యాళ న‌టుడు దుల్కర్ స‌ల్మాన్ తో `హీరియే` అనే ఆల్బ‌మ్ ని కూడా కంపోజ్ చేసి రిలీజ్ చేసారు.