కూల్ గానే కిక్కిచ్చేస్తున్న ఖుషి జంట

'ఆరా సే ప్యారు.. అందం తన ఊరు.. సారె హుషారు బేగం బేజారు... నా రోజా నువ్వే .. నా దిల్ సే నువ్వే తననననా.. నా అంజలి నువ్వే.. గీతాంజలి నువ్వే..' ఈ పాట విడుదలై రెండు నెలలు అవుతున్నా.. మ్యూజిక్ లవర్స్ మదిని విడిచిపోవట్లేదు. అలాగే ఈ లిరిక్స్ నాలుక మీదే తిరుగుతూనే ఉన్నాయి. ఖుషి సినిమా లో సమంత అందానికి మంత్రముగ్ధుదై విజయ్ దేవరకొండ ఈ పాట పాడుతుంటే.. రియల్ లైఫ్ లో కుర్రాళ్లు తమ ప్రేయసి ని ఊహించుకుంటూ డ్యూయెట్ లు వేసుకుంటున్నారు. అంతలా ఈ పాట అందరి హృదయాలను తాకేసింది.

ఇప్పుడీ సాంగ్ సోషల్ మీడియా ప్లాట్ ఫామ్ యూట్యూబ్ లో ఓ అరుదైన మార్క్ ను అందుకుంది. ఏకంగా వంద మిలియన్ల వ్యూస్ క్రాస్ మార్క్ ను దక్కించుకుని మరిన్ని రికార్డుల ను అందుకునే దిశగా దూసుకుపోతోంది. ఈ లిరిక్స్ ఓ ఎత్తైతే.. మళయాళం ఫేమ్ హేషమ్ అబ్దుల్ వహాబ్ అందించిన స్వరాలు మరింత హైలైట్. తన మ్యూజిక్ తో పాట కు మరింత అందాన్ని తీసుకొచ్చారు.

ఇంకా ఈ లిరికల్ వీడియో సాంగ్ లో చూపించే ఒక్కో ఫ్రేమ్.. కశ్మీర్ ప్రకృతి అందాల కు విజయ్-సమంత ప్రేమ ను జోడించి ఎంతో అద్భుతంగా చూపించారు. సమంత కోసం తన హృదయంలో గూడు కట్టుకున్న ప్రేమను వర్ణిస్తూ.. మంచు కొండల మధ్య ప్రకృతి ని ఆస్వాదిస్తూ..అలాగే ఆమెతో కలిసి చిరునవ్వులు చిందిస్తూ నడవటం.. అబ్బో ప్రతి ఫ్రేమ్ సూపర్. ఇక ఇద్దరి లుక్స్, ఎక్స్ ప్రెషన్స్ అన్నీ హైలైట్ గా నిలిచాయి. మొత్తంగా మెలోడియస్ సాగే ఈ పాట లిరిక్స్ మొత్తం లెజెండరీ డైరెక్టర్‌ మణిరత్నం సినిమాల పేర్లు కలిసి వచ్చేలా రాయడం మరో విశేషం.

ఈ పాటే కాదు.. ఈ సినిమా నుంచి విడుదలై మరో పాట ఆరాధ్య కూడా శ్రోతల ను మనసు ను బాగా తాకింది. మూవీటీమ్.. ఈ సినిమా ను మ్యూజికల్ హిట్ గా నిలిపేందుకు బాగానే శ్రమిస్తోంది. పాటల విషయం లో బాగా జాగ్రత్తలు తీసుకుంటోంది. ఇక ఇప్పుడు మూడో పాట టైటిల్ సాంగ్ ను కూడా విడుదల చేసేందుకు సిద్ధమైంది. జూలై 28న ఇది రిలీజ్ కానుంది. దీని కోసం కూడా మ్యూజిల్ లవర్స్ ఎంతో ఆసక్తిగా ఎదురచూస్తున్నారు.

మొత్తంగా మ్యూజికల్ ప్రమోషన్స్ ఫుల్ స్వింగ్ లో చేస్తోంది మూవీటీమ్. అందుకు తగ్గటే చిత్రంలోని ప్రతీ పాట యూట్యూబ్‌ లో ఇప్పటికీ ట్రెండ్ అవుతూ చార్ట్ బస్టర్‌లుగా నిలిచాయి. ఈ సినిమాను.. శివ నిర్వాణ తెరకెక్కిస్తున్నారు. ప్రేమ కథల ను భిన్నంగా చూపించడంలో ఆయన సిద్ధహస్తుడు. 'నిన్ను కోరి', 'మజిలీ' సినిమాలతో ఇప్పటికే తన టాలెంట్ ను ప్రూవ్ చేసుకున్నారు. ఈ రెండు చిత్రాలు బాక్సాఫీస్ వద్ద కాసుల వర్షం కురిపించాయి. ఇప్పుడు ఆయన నుంచి రానున్న మరో ప్రేమ కథే ఈ 'ఖుషీ'. సెప్టెంబరు 1న ఇది రిలీజ్ కానుంది. తెలుగు, తమిళ, కన్నడ, మళయాళ, హిందీ భాషల్లో తెరకెక్కిస్తున్నారు.