నోరాతో న‌ర‌కం స్పెల్లింగ్ రాయించిన హీరో

రిస్కీ స్టెప్పులు వేయ‌డ‌మే కాదు.. రిస్కీ స్టంట్స్ చేయ‌డంలోను ముందుంటుంది నోరా ఫ‌తేహి. ఇప్పుడు అలాంటి స్టంట్ ఒక‌టి మిస్ ఫైరైంది. రోల‌ర్ స్కేటింగ్ చేస్తూ ఈ చ‌క్క‌న‌మ్మ జారి కింద ప‌డింది. ఆమె బ్యాక్ బోన్ నేల‌ను బ‌లంగానే తాకింద‌ని ఈ వీడియో చూస్తే అర్థ‌మ‌వుతుంది. అయితే ఈ ఎపిసోడ్ లో అప్ప‌టిక‌ప్పుడే చిత్ర‌యూనిట్ స్పందించి వెంట‌నే త‌న‌కు ప‌రిచ‌ర్య‌లు చేసింది. దీంతో ఉప‌శ‌మ‌నం పొందింది ఈ బ్యూటీ. అందుకు సంబంధించిన వీడియో ఒక‌టి ప్ర‌స్తుతం వైర‌ల్ గా మారింది. ఈ వీడియోలో నోరా ఫ‌తేహి - విద్యుత్ జ‌మ్వాల్ ఇద్ద‌రూ రోల‌ర్ స్కేటింగ్ చేస్తూ క‌నిపించారు. ముందు జ‌మ్వాల్ దూసుకెళుతుంటే అత‌డికి క‌ట్టేసిన తాడును అనుస‌రించిన నోరా ఫ‌తేహి స్కేటింగ్ చేసేప్పుడు ప‌ట్టు త‌ప్పి ద‌ఢేల్మ‌ని కింద ప‌డిపోయింది. ఇది ఒక పోరాట దృశ్యానికి సంబంధించిన‌ది అని అర్థ‌మ‌వుతోంది. ఈ వీడియోని నోరా స్వ‌యంగా ఇన్ స్టాలో షేర్ చేసి, నాలుగు రోజుల్లో తాము న‌టించిన‌ క్రాక్ చిత్రం థియేట‌ర్ల‌లోకి వ‌స్తోంద‌ని కూడా తెలిపింది.

విద్యుత్ జమ్వాల్- నోరా ఫ‌తేహి, అర్జున్ రాంపాల్, అమీ జాక్సన్ ప్ర‌ధాన పాత్ర‌లో న‌టిస్తున్న `క్రాక్`లోని దృశ్యం చిత్రీక‌ర‌ణ స‌మ‌యంలో ఈ ప్ర‌మాదం జ‌రిగింది. ఇటీవ‌లే రిలీజైన క్రాక్ ట్రైలర్ ఇది భారీ యాక్ష‌న్ చిత్ర‌మ‌ని రివీల్ చేస్తోంది. ఈ సినిమాలో యాక్షన్ టాప్-నాచ్‌గా ఉంటుందని ట్రైల‌ర్ ప్రామిస్ చేసింది. ఇటీవ‌ల ప్ర‌ధాన తార‌లు తమ సినిమాను ప్రమోట్ చేస్తూ బిజీగా ఉన్నారు.

ఓ ఇంట‌ర్వ్యూలో తాము ఎదుర్కొన్న అత్యంత క్రాక్ వ్యక్తి ఎవ‌రు? అని ప్ర‌శ్నించ‌గా.. అర్జున్ రాంపాల్ మాట్లాడుతూ..విద్యుత్ నేను చూసిన అత్యంత క్రాక్ ప‌ర్స‌నాలిటీ.. నిజంగా! ఎందుకంటే అతడు చాలా విచిత్రమైన పనులు చేస్తాడు. మీరు ఎందుకు అలా ఉన్నారు? అని అడుగుదామ‌నుకున్నా కానీ దానికి ఎప్పుడూ చాలా లోతైన అర్థం ఉంటుంది! అని అన్నారు. విద్యుత్ ఫిటెస్ట్ నటుల్లో ఒకడు అయితే, విద్యుత్ మిల్క్ కేక్ బాక్సులు లాగించేయ‌గ‌లడని, అయినా ఇంకా యాబ్స్ ను మెయింటెయిన్ చేస్తాడని అర్జున్ రాంపాల్ అన్నారు. ఎవరైనా ఎల్లప్పుడూ వారు కోరుకునే వాటిని తినాలని విద్యుత్ అంగీక‌రించాడు. ఎందుకంటే మన శరీరం దాని కోసం అడుగుతోంది. ఇది గర్భిణీ స్త్రీ కోరిక వంటిది.. తన శరీరానికి ఏమి అవసరమో ఆమెకు ఎప్పుడూ తెలుసు..మనమంతా కూడా దానినే అనుసరించాలి.. అంటూ ఫ‌న్ ని జోడించాడు జ‌మ్వాల్.

విద్యుత్ జ‌మ్వాల్ నోరా గురించి మాట్లాడుతూ `నోరా ఒక‌ నియంత` అని అన్నాడు. త‌ను ప్రధానోపాధ్యాయురాలు లాంటిది. ఆమె ప్రతిదీ పర్ఫెక్ట్‌గా కోరుకుంటుంది. మీరు దీనిని త‌న పనిలో చూస్తారు..పరిపూర్ణతను చూస్తారు. అది పిచ్చితో వస్తుంది. అమీ కూడా చాలా బాగా న‌టించింది అని అన్నాడు. క్రాక్ చిత్రంలో జ‌మ్వాల్ తో పోటీప‌డుతూ నోరా ఫ‌తేహి కూడా యాక్ష‌న్ క్వీన్ గా క‌నిపించ‌నుంద‌ని తాజా వీడియోలు స్టిల్స్ చెబుతున్నాయి.