OG భామ టైమ్ మామూలుగా లేదు

ఇప్పుడు టాలీవుడ్ ఇండస్ట్రీలో హీరోయిన్ల కొరత కాస్త ఎక్కువగానే ఉంది. మంచి ఫామ్ లో ఉన్న స్టార్ బ్యూటీలు పాన్ ఇండియా అంటూ బాలీవుడ్ అంటూ బిగ్ స్టార్స్ తో బిజీ అయ్యారు. ఇక శ్రీలీల లాంటి బ్యూటీలు కూడా వరుస సినిమాలతో మరింత బిజీ అయ్యారు. మీనాక్షి చౌదరి కూడా బిజీ అవుతోంది. వీళ్ళు తప్ప మరో అప్షన్ లేదనుకునే వాళ్లకు బెస్ట్ అప్షన్ గా మారుతున్న వారిలో ప్రియాంక అరుల్ మోహన్ టాప్ లిస్ట్ లో ఉందని చెప్పవచ్చు.

ప్రియాంక అరుల్ మోహన్ మొదటి నుంచి హోమ్లీ టైప్ క్యారెక్టర్లు ఎక్కువగా చేస్తోంది. గ్యాంగ్ లీడర్ సినిమాలో పక్కింటి అమ్మాయిలా చాలా అందంగా కనిపించిన అమ్మడు ఆ తరువాత పెద్దగా సక్సెస్ లు ఏమి అందుకోలేదు. ఇక ఇటీవల మాత్రం ఆమె టైమ్ గట్టిగానే నడుస్తోంది.

ముఖ్యంగా పవన్ కళ్యాణ్ OG సినిమాలో ఎప్పుడైతే ఛాన్స్ అందుకుందో అప్పటి నుంచి ఆఫర్లు పెరుగుతున్నాయి. ఇక ప్రియాంక తొందరపడకుండా మంచి కంటెంట్ ఉన్న సినిమాలను చేసే ప్రయత్నం అయితే చేస్తోంది. నానితో అమ్మడు మరో ఛాన్స్ అందుకుంది. ఇదివరకే వీరి కలయికలో గ్యాంగ్ లీడర్ అనే సినిమా వచ్చింది. ఇక ఇప్పుడు సరిపోదా శనివారం అనే సినిమా చేస్తోంది.

యువ దర్శకుడు వివేక్ ఆత్రేయా డైరెక్ట్ చేస్తున్న ఈ సినిమాలో యాక్షన్ డోస్ గట్టిగానే ఉండబోతోంది. ఇక ఆ సినిమాతో పాటు రవితేజతో కూడా మంచి ఛాన్స్ అందుకుంది. గోపిచంద్ మలినేని దర్శకత్వంలో రవితేజతో మరో యాక్షన్ సినిమా చేస్తున్నాడు. ఇంతవరకు ఫ్లాప్ చూడాని ఆ కాంబినేషన్ అంటే సినిమాపై అంచనాలు గట్టిగానే ఉంటాయి. వీటితో పాటు ప్రియాంక మరో రెండు పెద్ద బ్యానర్ లలో ఛాన్స్ అందుకునే అవకాశం ఉన్నట్లు తెలుస్తోంది.

ఏది ఏమైనప్పటికీ ప్రియాంక జాతకం ఇప్పుడు గట్టిగానే నడుస్తోంది. చేతిలో ఉన్న సినిమాలలో ఒక్కటి క్లిక్ అయినా కూడా అమ్మడి రేంజ్ అమాంతం పెరిగిపోవడం పక్కా. ఇక పోటీగా శ్రీలీల మీనాక్షి చౌదరి లాంటి వాళ్ళు మాత్రమే ఉన్నారు. అగ్ర హీరోలు సెకండ్ టైమ్ వాళ్ళతో చేయరు కాబట్టి రాబోయే రోజుల్లో అగ్ర హీరోల ప్రియాంక వైపు చూడవచ్చు. మరి ఆ లోపు అమ్మడు ఎలాంటి అవకాశాలు అందుకుంటుందో చూడాలి.