బాలయ్య మూవీ కోసం పవర్ స్టార్!

బాలయ్య హీరోగా అనిల్ రావిపూడి దర్శకత్వంలో తెరకెక్కి ప్రేక్షకుల ముందుకి వచ్చిన చిత్రం భగవంత్ కేసరి. కమర్షియల్ యాక్షన్ ఎంటర్టైనర్ గా థియేటర్స్ లోకి వచ్చిన ఈ మూవీ సూపర్ హిట్ టాక్ తెచ్చుకొని కలెక్షన్స్ పరంగా దూసుకుపోతోంది. దసరా కానుకగా వచ్చిన భగవంత్ కేసరి బాలయ్య ఖాతాలో హ్యాట్రిక్ మూవీగా చేరింది.

అనిల్ రావిపూడికి డబుల్ హ్యాట్రిక్ సినిమాగా వచ్చింది. శ్రీలీలకి కూడా ఈ సినిమా మంచి జోష్ అందించింది. ఈ బ్యూటీ తన పెర్ఫార్మెన్స్ తో నటిగా మరో మెట్టు ఎక్కేసింది. తెలుగు రాష్ట్రాలలో భగవంత్ కేసరికి భీభత్సమైన కలెక్షన్స్ వస్తున్నాయి. ఇప్పటికే వంద కోట్ల క్లబ్ లో చేరిపోయినట్లు కనిపిస్తోంది. అయితే అధికారికంగా ఎనౌన్స్ చేయాల్సి ఉంది.

ఇందులో ఆడపిల్లలు ధైర్యంగా సమాజంలో ముందుకి వెళ్లాలనే ఇంటరెస్టింగ్ పాయింట్ ని అనిల్ రావిపూడి బాలయ్యతో చెప్పించారు. అలాగే చిన్న వయస్సులో అమ్మాయిలకి గుడ్ టచ్, బ్యాడ్ టచ్ అంటే ఏంటో మూవీలో బాలయ్య పాత్ర ద్వారా పరిచయం చేశారు. ఈ కారణంగా కుటుంబాలు కూడా తమ పిలల్లతో కలిసి ఈ సినిమా చూడటానికి థియేటర్స్ కి క్యూ కడుతున్నారు.

ఇదిలా ఉంటే ఈ సినిమాని ఇప్పుడు పవర్ స్టార్ పవన్ కళ్యాణ్ కూడా చూడబోతున్నట్లు టాక్ వినిపిస్తోంది. ఏపీ రాజకీయాలలో టీడీపీతో కలిసి పొత్తు పెట్టుకొని పవన్ కళ్యాణ్ ఎన్నికలకి వెళ్ళబోతున్నారు. అన్ స్టాపబుల్ టాక్ షో ద్వారా బాలయ్య, పవన్ కళ్యాణ్ మధ్య బాండింగ్ కూడా పెరిగింది.

ఈ నేపథ్యంలోనే బాలయ్య పవన్ కళ్యాణ్ కి భగవంత్ కేసరి మూవీ చూడమని చెప్పడం జరిగినట్లు టాక్. దీనికి పవన్ కళ్యాణ్ కూడా అంగీకరించి చూడటానికి సిద్ధం అయ్యారంట. పవన్ కళ్యాణ్ తన సినిమాలు కూడా రిలీజ్ తర్వాత చాలా వరకు చూసుకోడు. అయితే బాలయ్య మీద ఉన్న అభిమానంతో భగవంత్ కేసరి చూడటానికి సిద్ధం అవుతున్నట్లు టాక్. మరి పవన్ కళ్యాణ్ భగవంత్ కేసరి చూసిన తర్వాత ఎలాంటి రివ్యూ ఇస్తారనేది ఇప్పడు ఆసక్తికరంగా మారింది.