500 కోట్ల‌తో విలాసాల విల్లా కొనుక్కున్న గాయ‌ని
భర్త బెన్ తో కలిసి జెన్నిఫర్ ఈ సంవత్సరం మేలో ఈ ఇంటిని కొనుగోలు చేసారు. అయితే తన సూపర్‌సైజ్డ్ నివాసంలో జెలో కనిపించడం ఇదే మొదటిసారి కాదు.
ప్ర‌ముఖ పాప్ గాయ‌ని జెన్నిఫర్ లోపెజ్ (జెలో) కొత్త ఇంటి ఖ‌రీదు ఆశ్చ‌ర్య‌ప‌రుస్తోంది. సుమారు 500 కోట్ల (60 మిలియన్ డాల‌ర్ల) ఖ‌రీదు చేసే ఈ భవనం లోపల నుండి అరుదైన ఫోటోలను జెన్నిఫర్ అభిమానుల కోసం సోష‌ల్ మీడియాల్లో షేర్ చేసింది. ఎట్టకేలకు తన భర్త బెన్ అఫ్లెక్‌తో నివ‌శించే మెగా మాన్షన్ లుక్ అభిమానల్లో వైర‌ల్ అయింది. శనివారం లాస్ ఏంజిల్స్‌లో స్ప్లాష్ లాక్మా గూచీ ఈవెంట్‌కు సిద్ధమవుతున్నప్పుడు జెన్నిఫర్ తన ఇంటి హాలులో పోజులిచ్చిన ఫోటోలు వైర‌ల్ అయ్యాయి. వీటిలో ఖ‌రీదైన ఇంటి తాలూకా పచ్చని ఇంటీరియర్ రూపం బ‌య‌ట‌ప‌డింది.
భర్త బెన్ తో కలిసి జెన్నిఫర్ ఈ సంవత్సరం మేలో ఈ ఇంటిని కొనుగోలు చేసారు. అయితే తన సూపర్‌సైజ్డ్ నివాసంలో జెలో కనిపించడం ఇదే మొదటిసారి కాదు. అక్క‌డి స్థానికులు కూడా ఆమె వంటగదిలో వీడియోలు తీసి షేర్ చేయ‌గా అవి వైర‌ల్ అయ్యాయి. ఆ స‌మ‌యంలో తన గదిలో డాబాపై ..ఇన్ఫినిటీ పూల్ వీక్షణలతో జెలో పోజులిచ్చారు. హాలీవుడ్ పవర్ క‌పుల్ జెలో-బెన్ ఈ సంవత్సరం ప్రారంభంలో ఇంటిని కొనుగోలు చేసారు. ఈ వేసవిలో JLo అన్ని అలంకరణలను పర్యవేక్షిస్తుంది.
ఆస‌క్తిక‌రంగా ఈ కొత్త ఇంటి ఫోటోలను జెలోతో పాటు బెన్ కూడా తన వారితో షేర్ చేస్తుంటారు. లోపెజ్ యుక్తవయస్సు కవలలు మాక్స్ -ఎమ్మెలు కూడా త‌మ తండ్రి (మాజీ భర్త మార్క్ ఆంథోనీ)తో కొత్త ఇంటి ఫోటోలను షేర్ చేసుకున్నారు. బెన్ తన ముగ్గురు పిల్లలు - వైలెట్, సెరాఫినా, శామ్యూల్‌లతో కస్టడీని విభజించాడు. త‌మ పిల్ల‌ల‌తో మంచి అనుబంధం కలిగి ఉన్నాడు.
TMZ వివ‌రాల ప్రకారం.. ఈ వేసవిలో 46,000 చదరపు అడుగుల భవనం కోసం 60.85 మిలియన్ డాల‌ర్ల‌ను చెల్లించారు. ఒప్పందం పూర్తి కావ‌డానికి కేవలం ఒక వారం మాత్రమే పట్టింది. ఈ జంట $75 మిలియన్ల రేటు చెప్ప‌గా, దాదాపు $15 మిలియన్లు చెల్లించి ఈ ఇంటిని కొనుగోలు చేసారు. నిజానికి ఈ ఇల్లు మొదటిసారిగా 2018లో $135 మిలియన్లకు మార్కెట్‌లోకి వచ్చింది. అయితే ఈ సంవత్సరం పునఃస‌మీక్ష అనంత‌రం ఆ ధర దాదాపు సగానికి తగ్గిపోయింది.
వాల్లింగ్‌ఫోర్డ్ ఎస్టేట్ పేరుతో నిర్మించిన ఈ ఇల్లు 5 ఎకరాల ప్రాంగణంలో ఉంది. ఇందులో 12 బెడ్‌రూమ్‌లు .. 24 బాత్‌రూమ్‌లు ఉన్నాయి. 12-కార్ల గ్యారేజీని .. 80 వ‌ర‌కూ కార్ల పార్కింగ్‌ను కలిగి ఉంది. మైదానంలో ఒక ఒక రకమైన ఇండోర్ స్పోర్ట్స్ కాంప్లెక్స్, 5,000 చదరపు అడుగుల గెస్ట్ పెంట్‌హౌస్, కేర్‌టేకర్ హౌస్, రెండు పడకగదుల గార్డు హౌస్ కూడా ఉన్నాయి. ఇండోర్ స్పోర్ట్స్ సౌకర్యం, వ్యాయామశాలతో పాటు బాస్కెట్‌బాల్, పికిల్‌బాల్ బాక్సింగ్ రింగ్ కోసం కోర్టులు ఉన్నాయి. ఇందులోనే పూర్తి హెయిర్ అండ్ నెయిల్ సెలూన్, హోమ్ థియేటర్, వైన్ సెల్లార్, విస్కీ లాంజ్, అలాగే ఆవిరి స్నానాల రూమ్, మసాజ్ గదులు కూడా ఉన్నాయని TMZ నివేదించింది.
జీరో ఎడ్జ్ పూల్ ప్రధాన ఇంటి వెనుక ఉంది. కాటి పెర్రీ - మడోన్నాతో కలిసి పనిచేసిన బ్రెట్ లాయర్ - ఈ సేల్‌లో జెన్నిఫర్ లోపేజ్ కి సాయం చేసారు. అక్టోబరులో బెన్- జెన్నిఫర్‌ల కొత్త నివాసంలోకి ఫర్నీచర్ నిల్వలు తరలించారు. వారు ఇంతకుముందు పసిఫిక్ పాలిసాడ్స్ ప్రాంతంలోని ఇతర ఇంటిని కొనుగోలు చేయాల‌ని అనుకున్నారు. దాని విలువ $34.5 మిలియన్లు. ఆ ఆస్తి ఏడు బెడ్‌రూమ్‌లు - 13 బాత్‌రూమ్‌లను కలిగి ఉంది.