సెప్టెంబర్ లో రాజా సాబ్.. క్లాష్ ఎవరితో..?

రెబల్ స్టార్ ప్రభాస్ మారుతి కాంబోలో వస్తున్న సినిమా రాజా సాబ్. పీపుల్ మీడియా ఫ్యాక్టరీ బ్యానర్ లో నిర్మిస్తున్న ఈ సినిమాలో మాళవిక మోహనన్, నిధి అగర్వాల్ హీరోయిన్స్ గా నటిస్తున్నారు. ఈ సినిమా నుంచి ఫస్ట్ లుక్ గ్లింప్స్ మాత్రమే వదిలిన మేకర్స్ ఫ్యాన్స్ ని ఇంకా వెయిటింగ్ లో పెడుతున్నారు. అసలైతే రాజా సాబ్ సినిమాను ఏప్రిల్ లో రిలీజ్ అనుకున్నారు. ఏప్రిల్ 10న సినిమా రిలీజ్ అని ప్రకటించారు. కానీ సినిమా ఆ టైం కు రావడం కష్టమని భావించి సైలెంట్ గా ఉన్నారు.

సినిమా రిలీట్ అయితే అయ్యింది కనీసం రాజా సాబ్ అప్డేట్స్ అయినా ఇస్తారా అంటే అవి కూడా ఇవ్వట్లేదు. అందుకే రాజా సాబ్ మేకర్స్ మీద రెబల్ స్టర్ ఫ్యాన్స్ గుర్రుగా ఉన్నారు. ఏప్రిల్ మిస్సైన రాజా సాబ్ ఇప్పుడు కొత్తగా సెప్టెంబర్ రిలీజ్ అవుతుందని అంటున్నారు. కొందరేమో సెప్టెంబర్ మొదటి వారం రిలీజ్ అని అంటుంటే మరికొందరు మాత్రం దసరాకి వస్తుందని చెబుతున్నారు.

సెప్టెంబర్ చివర్లో అంటే విజయదశమి వారాల్లో రాజా సాబ్ వస్తుందని అంటున్నారు. ఐతే ఆల్రెడీ దసరాకి బాలకృష్ణ అఖండ 2 ని దించుతున్నాడు. సూపర్ హిట్ సినిమా అఖండకు సీక్వెల్ గా వస్తున్న అఖండ 2 సినిమాపై అంచనాలు భారీగా ఉన్నాయి. అఖండ 2 ని పాన్ ఇండియా లెవెల్ లో ప్లాన్ చేస్తున్నారు. సో రాజా సాబ్, అఖండ 2 పోటీ పడితే మాత్రం మన రెండు సినిమాలు నేషనల్ లెవెల్ ఫైట్ కి సిద్ధమవుతున్నట్టే లెక్క.

రాజా సాబ్ సెప్టెంబర్ ఫస్ట్ వీక్ రాకపోతే మాత్రం కచ్చితంగా దసరాకే రిలీజ్ ప్లాన్ చేస్తారని అంటున్నారు. ఐతే అఖండ 2 ఒకవేళ రిలీజ్ వాయిదా పడితే చెప్పలేం కానీ ప్రభాస్, బాలయ్య మధ్య ఫైట్ రసవత్తరంగా ఉంటుందని చెప్పొచ్చు. రాజా సాబ్, అఖండ 2 రెండు సినిమాలకు థమన్ మ్యూజిక్ అందిస్తున్నాడు. సో దసరాకి రెండు ఒకేసారి రిలీజ్ ఐతే థమన్ సినిమా థమన్ కే పోటీ వస్తుందని చెప్పొచ్చు. ఐతే సెప్టెంబర్, అక్టోబర్ సినిమాల రిలీజ్ విషయంలో క్లారిటీ రావాల్సి ఉంది. మరి ఈ సినిమాల అఫీషియల్ రిలీజ్ డేట్లు ఎప్పుడొస్తాయన్నది తెలుసుకోవాలని ఫ్యాన్స్ ఆసక్తిగా ఉన్నారు. దసరాకి బాలయ్య అఖండ 2 మాత్రమే కాదు మెగా మేనల్లుడు సాయి తేజ్ సంబరాల ఏటిగట్టు సినిమా కూడా రిలీజ్ ఫిక్స్ చేశారు. మరి ఈ సినిమాల్లో ఏది రేసులో ఉంటుంది.. ఏది అవుట్ ఆఫ్ రేస్ అవుతుంది అన్నది ఆ డేట్ దగ్గరకు వస్తేనే తెలుస్తుంది.