'సలార్‌' వరద కొత్త కారు రేటుకి షాక్‌ అవుతారు..!
మలయాళ స్టార్‌ నటుడు పృథ్వీరాజ్ సుకుమారన్‌ పాన్ ఇండియా స్టార్‌ నటుడిగా అన్ని భాషల్లో నటిస్తూ దూసుకు పోతున్నాడు.
మలయాళ స్టార్‌ నటుడు పృథ్వీరాజ్ సుకుమారన్‌ పాన్ ఇండియా స్టార్‌ నటుడిగా అన్ని భాషల్లో నటిస్తూ దూసుకు పోతున్నాడు. ఒక వైపు నటనతో పాటు మరో వైపు దర్శకత్వం పై కూడా దృష్టి పెడుతున్న పృథ్వీరాజ్ సుకుమారన్‌ ఇటీవల ప్రభాస్ తో కలిసి 'సలార్‌' లో నటించిన విషయం తెల్సిందే.
ప్రభాస్ తర్వాత ఆ స్థాయి లో పథ్వీరాజ్ సలార్‌ లో కనిపించిన విషయం తెల్సిందే. టాలీవుడ్‌ లో స్టార్‌ హీరోల సినిమాల్లో నటిస్తున్న పృథ్వీరాజ్ కి ఆటోమొబైల్స్ అంటే విపరీతమైన అభిమానం. ఆ అభిమానంతో తన గ్యారేజ్ నిండా ఎన్నో మోడల్స్ కారులను చేర్చి పెట్టాడు.
తాజాగా అత్యంత ఖరీదైన కారు 911GT3 పోర్షే ని కొనుగోలు చేశాడు. ఈ లగ్జరీ కారును దాదాపుగా రూ.3.25 కోట్ల కు పృథ్వీరాజ్ సుకుమారన్‌ కొనుగోలు చేయడం జరిగిందని మలయాళ మీడియా వర్గాల ద్వారా సమాచారం అందుతోంది. ఈయన వద్ద ఉన్న కార్ల విలువ దాదాపుగా పాతిక కోట్ల వరకు ఉంటుందని అంటున్నారు.
కొన్నాళ్ల క్రితమే అత్యంత ఖరీదైన లంబోర్గినీ కారును కొనుగోలు చేసిన పృథ్వీరాజ్ సుకుమారన్‌ ఇప్పుడు 911GT3 పోర్షే కారును కొనుగోలు చేయడం ద్వారా తన గ్యారేజ్ ను మరింతగా పెంచుకున్నాడు. ఇప్పుడు మలయాళ హీరోల్లో ఈ నటుడి వద్దే అత్యధిక ఖరీదైన కార్లు ఉన్నట్లయ్యిందని మీడియా వర్గాల వారు కామెంట్స్ చేస్తున్నారు.
ఇక ఈయన సినిమాల విషయానికి వస్తే ఇటీవల వచ్చిన గోట్‌ లైఫ్‌ సినిమాకు మంచి ఆధరణ లభించింది. వంద కోట్లకు పైగా వసూళ్లను సాధించిన ఆ సినిమా తర్వాత పృథ్వీరాజ్ వరుసగా సినిమాలు చేస్తూనే ఉన్నాడు. ఏడాదికి పదికి పైగా సినిమాలు చేస్తూ భారీ పారితోషికం అందుకుంటున్న ఈ నటుడు ఆ స్థాయి కారు కొనుగోలు చేయడం విచిత్రం ఏమీ కాదేమో..!