పుష్ప-2.. అసలైన ఈవెంట్ ఇంకా ఫిక్స్ అవ్వలేదా?

టాలీవుడ్ ఐకాన్ స్టార్ అల్లు అర్జున్, జీనియస్ డైరెక్టర్ సుకుమార్ కాంబోలో తెరకెక్కుతున్న పుష్ప-2 కోసం అంతా వేయికళ్లతో ఎదురుచూస్తున్నారు. ఎప్పుడెప్పుడు డిసెంబర్ 5వ తేదీ వస్తుందోనని వెయిట్ చేస్తున్నారు. సిల్వర్ స్క్రీన్ పై మరోసారి పుష్పరాజ్ మ్యాజిక్ చూడాలని అభిమానులు ఉవ్విళ్లూరుతున్నారు. సినిమాపై రోజురోజుకూ అంచనాలు పెంచుకుంటున్నారు.

అదే సమయంలో మేకర్స్ కూడా సినిమాపై వేరే లెవెల్ లో బజ్ క్రియేట్ చేస్తున్నారు. వరుస ఈవెంట్స్ తో మోత మోగిస్తున్నారు. పాన్ ఇండియా లెవెల్ లో సందడి చేస్తున్నారు. ఇప్పటికే రెండు ఈవెంట్స్ ను ఓ రేంజ్ లో నిర్వహించారు. పట్నాలో ట్రైలర్ రిలీజ్ ఈవెంట్ ను జరిపిన మేకర్స్.. చెన్నైలో రీసెంట్ గా వైల్డ్ ఫైర్ ఈవెంట్ ను కండక్ట్ చేశారు.

ఆ సమయంలో కిస్సిక్ సాంగ్ ను విడుదల చేశారు మేకర్స్. ఇప్పుడు ముందుగానే ప్రకటించినట్లు కలకత్తా, కొచ్చి, బెంగళూరు, ముంబై, హైదరాబాద్ లో ఈవెంట్స్ ను చేయనున్నారు మేకర్స్. డిసెంబర్ 1వ తేదీన బెంగళూరులో వేడుకలు నిర్వహించనున్నారని తెలుస్తోంది. అప్పుడు మరో ట్రైలర్ ను విడుదల చేయాలని ప్లాన్ చేస్తున్నట్లు సమాచారం.

ఇప్పటికే అందుకు సంబంధించిన ఏర్పాట్లు జరుగుతున్నట్లు వినికిడి. అదే సమయంలో హైదరాబాద్ లో ఈవెంట్ ఎక్కడ నిర్వహిస్తారోనని కొద్ది రోజులుగా అంతా మాట్లాడుకుంటున్నారు. వెన్యూ ఫిక్స్ అయిందని ఇటీవల వార్తలు వచ్చాయి. రామోజీ ఫిల్మ్ సిటీ లేదా యూసఫ్ గూడ పోలీస్ గ్రౌండ్ లో భారీ ఈవెంట్ ను నిర్వహిస్తారని టాక్ వినిపించింది.

దీంతో అల్లు అర్జున్ ఫ్యాన్స్ ఫుల్ ఖుషీ అయిపోయారు. కానీ ఇప్పుడు మరో వార్త నెట్టింట చక్కర్లు కొడుతోంది. హైదరాబాద్ లో జరగాల్సిన ఈవెంట్ ఇంకా ఫైనల్ అవ్వలేదని తెలుస్తోంది. భారీ ఈవెంట్ కనుక పర్మిషన్ కోసం మేకర్స్ ట్రై చేస్తున్నారని టాక్ వినిపిస్తోంది. ఎవరికీ ఎలాంటి ఇబ్బంది లేకుండా కార్యక్రమాన్ని మేకర్స్ జరపాలని అనుకుంటున్నారట.

అయితే మూడేళ్ల క్రితం రిలీజ్ అయిన పుష్ప ఎలాంటి హిట్ అయిందో అందరికీ తెలిసిందే. అప్పుడు పెద్దగా ప్రమోషన్స్ చేయని మేకర్స్.. ఇప్పుడు సీక్వెల్ విషయంలో మాత్రం పక్కా ప్లాన్ తో ముందుకు వెళ్తున్నారు. తమ కష్టానికి తగ్గ ప్రతిఫలం అందుకోవడానికి పట్టుదలతో ఉన్నారు. మరి చూడాలి.. మరో వారంలో రిలీజ్ అవ్వనున్న పుష్ప-2 ఎలా ఉంటుందో!!