రామోజీకి మలేషియాను తెచ్చిన పుష్ప..!

తెలుగు ప్రేక్షకులు మాత్రమే కాకుండా హిందీ, తమిళ ఇతర భాషల సినీ ప్రేక్షకులు సైతం ఎంతో ఆసక్తిగా ఎదురు చూస్తున్న క్రేజీ సీక్వెల్‌ పుష్ప 2. అల్లు అర్జున్‌ హీరోగా సుకుమార్‌ దర్శకత్వంలో రూపొందుతున్న ఈ సినిమాలో నేషనల్‌ క్రష్‌ రష్మిక మందన్న హీరోయిన్ గా నటిస్తున్న విషయం తెల్సిందే.

రెండేళ్లుగా పుష్ప 2 సినిమా కోసం ప్రేక్షకులు ఎదురు చూస్తున్న నేపథ్యంలో ఆగస్టు లో ప్రేక్షకుల ముందుకు వచ్చేందుకు రెడీ అవుతోంది. ఇప్పటికే షూటింగ్‌ ముగింపు దశకు చేరుకుంది. జూన్ పూర్తి అయ్యే లోపు పుష్ప 2 కూడా పూర్తి అయ్యే విధంగా ప్లాన్‌ చేస్తున్నారట.

ఒక వైపు అల్లు అర్జున్‌ వ్యక్తిగత పనులతో బిజీగా ఉన్నా కూడా మరో వైపు పుష్ప 2 సినిమా షూటింగ్‌ కు మాత్రం అంతరాయం లేకుండా కొనసాగిస్తున్నారు. పుష్ప 2 సినిమా షూటింగ్‌ ప్రస్తుతం రామోజీ ఫిల్మ్‌ సిటీలో ప్రత్యేకంగా వేసిన సెట్టింగ్‌ లో జరుగుతున్నట్లుగా సమాచారం అందుతోంది.

చిత్ర యూనిట్‌ సభ్యుల ద్వారా అందుతున్న సమాచారం ప్రకారం రామోజీ ఫిల్మ్‌ సిటీలో అత్యంత ఖరీదైన మలేషియా థీమ్‌ సెట్‌ ను నిర్మించారు. అక్కడ యాక్షన్‌ సన్నివేశాలతో పాటు కొన్ని ముఖ్యమైన బ్లాక్‌ మాఫియా కి సంబంధించిన సన్నివేశాలను చిత్రీకరిస్తున్నారట.

సినిమాలో వచ్చే మలేషియన్‌ బ్యాక్ డ్రాప్‌ సన్నివేశాలు అత్యంత కీలకంగా ఉంటాయట. అందుకే సెట్ కోసం భారీగా ఖర్చు చేసి రామోజీ ఫిల్మ్ సిటీలో వేయించారు. నేచురాలిటీకి బాగా దగ్గరగా ఉండే విధంగా సెట్‌ నిర్మాణం జరిగినట్లుగా యూనిట్‌ సభ్యులు ఆఫ్‌ ది రికార్డ్‌ అంటున్నారు.

ప్రస్తుత షెడ్యూల్‌ పూర్తి అయితే ఇప్పటికే రికార్డింగ్‌ పూర్తి చేసిన ఐటెం సాంగ్‌ చిత్రీకరణ మొదలు పెట్టబోతున్నారు. బాలీవుడ్‌ కు చెందిన అందాల స్టార్‌ హీరోయిన్‌ ను ఇప్పటికే ఐటెం సాంగ్‌ కు సంప్రదించడం, ఆమె ఓకే చెప్పడం జరిగిందట. షూటింగ్‌ సమయంలో అధికారిక ప్రకటన చేసే అవకాశాలు ఉన్నాయి.