పుష్ప2 - ఆ లోపు కంప్లీట్ చేస్తారా?

ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతోన్న మూవీ పుష్ప2. పుష్పకి సీక్వెల్ గా సిద్ధం అవుతోన్న ఈ సినిమాపై దేశ వ్యాప్తంగా ఆసక్తి నెలకొని ఉంది. రష్మిక మందన ఈ చిత్రంలో అల్లు అర్జున్ కి జోడీగా నటిస్తోంది. భారీ బడ్జెట్ తో మైత్రీ మూవీ మేకర్స్ ఈ సినిమాని నిర్మిస్తోన్న సంగతి తెలిసిందే. ఇప్పటికే పుష్ప 2 నుంచి ప్రేక్షకుల ముందుకి వచ్చిన టీజర్ కి మంచి రెస్పాన్స్ వచ్చింది.

ప్రస్తుతం ఈ మూవీ షూటింగ్ రామోజీ ఫిలిం సిటీలో జరుగుతున్నట్లు తెలుస్తోంది. ఇప్పటికే ఈ సినిమా బిజినెస్ డీల్స్ కూడా జరిగిపోతున్నాయని సమాచారం. నార్త్ ఇండియాలో పుష్ప 2 రైట్స్ ఈ సారి ఎక్కువ ధరకి అమ్ముడయ్యే అవకాశం ఉందంట. ఆగష్టు 15న ఈ చిత్రాన్ని రిలీజ్ చేయాలని సుకుమార్ ప్లాన్ చేశారు. ఇప్పటికే డేట్ కూడా అఫీషియల్ గా ఎనౌన్స్ చేశారు

అయితే మూవీ షూటింగ్ చాలా నెమ్మదిగా జరుగుతోంది. సుకుమార్ అంటే ప్రతి సీన్ లో, ఫ్రేమ్ లో పెర్ఫెక్షన్ చూస్తూ ఉంటారు. అందుకే షూటింగ్ లేట్ అవుతుంది. అయితే మెజారిటీ షూటింగ్ ఇప్పటికే కంప్లీట్ అయినట్లు తెలుస్తోంది. ఇక షూటింగ్ తో పాటు పోస్ట్ ప్రొడక్షన్ పనులు కూడా మే లోపు కంప్లీట్ చేయాలని సుకుమార్ టార్గెట్ పెట్టుకున్నారంట.

అప్పటికి కంప్లీట్ చేస్తే తరువాత మూడు నెలలు కంప్లీట్ గా సినిమా ప్రమోషన్స్, మార్కెట్ పై ఫోకస్ చేయడానికి అవుతుందని భావిస్తున్నారంట. అందుకే గ్యాప్ లేకుండా షూటింగ్ పెట్టాలని ఫిక్స్ అయ్యాడని తెలుస్తోంది. ఈ సినిమాలో కీలక పాత్ర చేస్తోన్న కేశవ అరెస్ట్ కావడంతో దానికోసం ప్రత్యామ్నాయం ఇప్పటికే సుకుమార్ ఆలోచించాడంట.

కథకి ఎలాంటి డిస్టర్బ్ లేకుండా కొన్ని చేంజ్ చేసి షూటింగ్ కొనసాగించే పనిలో ఉన్నారనే టాక్ నడుస్తోంది. ఏది ఏమైనా సుకుమార్ ఈ సారి పుష్ప2 తో టాలీవుడ్ కి మరో వెయ్యికోట్ల మూవీ ఇవ్వాలని బలంగా ఫిక్స్ అయినట్లు తెలుస్తోంది. మరి ఇది ఎంత వరకు సాధ్యం అవుతుందనేది చూడాలి.