తెలుగు సినిమాల్లో రెహమాన్ బాణీలు..!

అకాడమీ అవార్డు మ్యూజిక్ డైరెక్టర్ ఏ.ఆర్.రెహమాన్ తన మార్క్ మ్యూజిక్ తో ఇండియన్ మ్యూజిక్ లవర్స్ ని అలరిస్తున్నారు. రోజా సినిమాతో మొదలైన ఆయన సినీ ప్రయాణం రెండు దశాబ్దాలుగా కొనసాగుతూ వస్తుంది. తమిళ సినిమాలకే కాదు తెలుగులో కూడా అద్భుతమైన బాణీలు అందించారు రెహమాన్. 20వ దశాబ్ధంలో యువతని మెప్పించే ప్రణయ గీతాలతో సంగీతానికి సరికొత్త అర్థం చెప్పారు రెహమాన్.

తెలుగు, తమిళ, హిందీ లాంటి భాషల్లో ఎన్నో సూపర్ హిట్ సినిమాలకు మ్యూజిక్ అందించారు రెహమాన్. అయితే తెలుగు సినిమాల కన్నా రెహమాన్ తమిళ, హిందీ సినిమాలకే ఎక్కువ ప్రాధాన్యత ఇస్తున్నారు.

వీటితో పాటుగా హాలీవుడ్ సినిమాలకు కూడా రెహమాన్ సంగీతం అందించారు. రెహమాన్ తెలుగులో చివరి సారిగా నాగ చైతన్య నటించిన సాహసం శ్వాసగా సాగిపో సినిమాకు మ్యూజిక్ అందించారు. గౌతం మీనన్ డైరెక్ట్ చేసిన ఈ సినిమా మ్యూజిక్ పరంగా సూపర్ హిట్ అయ్యింది. ఇక ఆ తర్వాత చాలా సినిమాలకు రెహమాన్ ని మ్యూజిక్ అందించాలని కోరినా ఆయన ఎందుకో చేయలేదు. ఫైనల్ గా మళ్లీ తెలుగులో రెహమాన్ సంగీతం వినిపిస్తుంది.

రీసెంట్ గా గ్లోబల్ స్టార్ రాం చరణ్, బుచ్చి బాబు డైరెక్షన్ లో వస్తున్న సినిమాకు రెహమాన్ మ్యూజిక్ అందిస్తున్నాడని తెలుస్తుంది. చరణ్ సినిమా అంటే ఇప్పుడు పాన్ వరల్డ్ రేంజ్ ఇంప్యాక్ట్ ఏర్పడుతుంది.

బుచ్చి బాబు చరణ్ తో చేసే సినిమా కూడా యూనివర్సల్ స్టోరీతో వస్తున్నాడని తెలుస్తుంది. అందుకే ఈ సినిమాకు సంగీతం కూడా ప్రాధాన్యత ఉంటుందని రెహమాన్ ని ఫిక్స్ చేశారు. ఇక ఈ సినిమా తర్వాత రెహమాన్ మరో క్రేజీ ప్రాజెక్ట్ కి సైన్ చేశారు.

అక్కినేని హీరో నాగ చైతన్య చందు మొండేటి కాంబినేషన్ లో వస్తున్న పీరియాడికల్ మూవీకి కూడా రెహమాన్ మ్యూజిక్ అందిస్తున్నారు. ఈ సినిమాకు కూడా రెహమాన్ మ్యూజిక్ స్పెషల్ ఎట్రాక్షన్ కానుందని తెలుస్తుంది.

కార్తికేయ 2 తో పాన్ ఇండియా హిట్ కొట్టిన చందు మొండేటి ఈ సినిమాతో మరోసారి తన డైరెక్షన్ టాలెంట్ చూపించాలని చూస్తున్నాడు. ఈ రెండు సినిమాలకు రెహమాన్ మ్యూజిక్ అందించడం రెహమాన్ తెలుగు మ్యూజిక్ లవర్స్ ని ఫుల్ ఖుషి చేస్తుంది. కొద్దిపాటి గ్యాప్ తర్వాత రెహమాన్ ఇక మీదట తెలుగులో కూడా వరుస సినిమాలు చేసేందుకు ఆసక్తి చూపిస్తున్నాడని తెలుస్తుంది.