సాయి ప‌ల్ల‌వి ఆకాశంలో ఒక తార‌

సాయి ప‌ల్ల‌వి కెరీర్ జ‌ర్నీ గురించి చెప్పాల్సిన ప‌నిలేదు. హీరోయిన్లంద‌రిలో అమ్మ‌డు ఎప్పుడూ స్పెష‌ల్. ఎంపిక చేసుకునే పాత్ర‌ల నుంచి డ్రెస్సింగ్ సెన్స్ వ‌ర‌కూ ఎన్నో ప్ర‌త్యేక‌త‌లు ప‌ల్ల‌విలో ఇమిడి ఉన్నాయి. ఎంతో డౌన్ టూ ఎర్త్. న‌ట‌న స‌హా ఈ రేర్ క్వాలిటీలు సొగ‌స‌రికి ప్ర‌త్యేక‌మైన గుర్తింపును తీసుకొచ్చాయి. చివ‌రికి బాలీవుడ్ నే ఆమెను వెతుక్కుంటూ వ‌చ్చిందంటే? ఆమె ఎంత స్పెష‌ల్ అన్న‌ది అద్దం ప‌డుతుంది.

ఎంతో మంది హీరోయిన్లు ఉన్నా? రామాయ‌ణం కోసం ..ర‌ణ‌బీర్ క‌పూర్ స‌ర‌స‌న ఏరికోరి మ‌రీ ప‌ల్ల‌విని ఎంపిక చేసారు. అలాగే నాగ‌చైత‌న్య తొలి పాన్ ఇండియా చిత్రం తండేల్ లోనూ ఆమె న‌టిస్తోంది. ఈ రెండు చిత్రాల త‌ర్వాత ప‌ల్ల‌వి రేంజ్ అంత‌కంత‌కు రెట్టింపు అవుతుంద‌న‌డంలో ఎలాంటి సందేహం లేదు. రెండు భారీ బ‌డ్జెట్ స‌హా కాన్వాస్ పై తెర‌కెక్కుతోన్న చిత్రాలే. ఆమ‌ర‌న్ సినిమాతో మ‌రో స‌క్సెస్ ని ఖాతాలో వేసుకుంది.

`గార్గీ` త‌ర్వాత గ్యాప్ తీసుకున్నా? సాలిడ్ స‌క్సెస్ నే అందుకుంది. తాజాగా అమ్మ‌డు మ‌రో కొత్త చిత్రం లాక్ చేసిన‌ట్లు తెలుస్తోంది. ఇందులో దుల్క‌ర్ స‌ల్మాన్ స‌ర‌స‌న న‌టిస్తుంది. ఈ చిత్రానికి `ఆకాశంలో ఒక తార` అనే టైటిల్ ని పిక్స్ చేసారు. ఈ చిత్రానికి ప‌వ‌న్ సాధినేని ద‌ర్శ‌క‌త్వం వ‌హిస్తున్నాడు. స్వప్న సినిమాస్- గీతా ఆర్ట్స్- లైట్‌బాక్స్ సంస్థ‌లు సంయుక్తంగా నిర్మిస్తున్నాయి. అయితే ఈ సినిమా ఇప్ప‌టికే రెండు షెడ్యూళ్ల‌ను కూడా పూర్తి చేసుకుంది. సాయి ప‌ల్ల‌వి త్వ‌ర‌లోనే సెట్స్ కి వెళ్ల‌నుంది.

ఈ నేప‌థ్యంలో అమ్మ‌డు ఎంట్రీపై ఖ‌రారైన వార్త బ‌య‌ట‌కొచ్చింది. `ల‌క్కీ భాస్క‌ర్` తో దుల్క‌ర్ కూడా మ‌రో హిట్ అందుకున్నాడు. అటు సాయి ప‌ల్ల‌వి `అమ‌రన్` తో విజ‌యం అందుకుంది. ఇప్పుడీ స‌క్స‌స్ పుల్ కాంబినేష‌న్ లో ఓ చిత్రం షురూ అయింది. ప్ర‌స్తుతం సాయి ప‌ల్ల‌వి తండేల్, రామాయ‌ణ్ షూట్ లో పాల్గొంటుంది.