అబ్ధుల్ ప‌ర్హాన్ ని వెంటాడుతోన్న సాయితేజ్ టీమ్!

మెగామేన‌ల్లుడు సాయితేజ్ నేడు ప్రాణాల‌తో ఉన్నాడు అంటే అందుకు కార‌ణం అబ్దుల్ ప‌ర్హాన్ అనే ఓ డెలివ‌రీ బోయ్. ప్లైఓవ‌ర్ పై ప్రమాదం జ‌రిగిన వెంట‌నే రోడ్డుపై ప‌డి ఉన్న తేజ్ కి ఫ‌స్ట్ ఎయిడ్ చేసి.. హుటాహుటిన ఆసుప‌త్రికి తీసుకొచ్చాడు. ఆ కీల‌క స‌మ‌య‌మే తేజ్ ని మ‌ళ్లీ మామూలు మ‌నిషిని చేసాయి. అక్క‌డ ఏమాత్రం ఆల‌స్యం జ‌రిగినా ప‌రిస్థితులు మ‌రోలా ఉండేవి. సాధార‌ణంగా సోసైటీ ఎలా ఉంది అన్న‌ది అందిరికీ తెలిసిందే. సేవాదృక్ఫ‌థం..మాన‌వ‌తా దృక్ఫ‌థందో స్పందించేది చాలా త‌క్కువ మంది మాత్ర‌మే.

ఆరోజు నాకెందుకేలే అని అబ్ధుల్ ప‌ర్హాన్ అనుకుని ఉంటే? తేజ్ ప‌రిస్థితి మ‌రోలా ఉండేది. ఆ స‌మ‌యంలో ప‌ర్భాన్ కి తేజ్ ఎవ‌రో తెలియ‌దు. చిరంజీవి మేన‌ల్లుడు అని గానీ...సినిమా న‌టుడు అని గానీ తెలియ‌దు. ఓ సాధార‌ణ వ్య‌క్తి గా భావించి ఆసుప‌త్రికి తీసుకెళ్లాడు. అందుకే అబ్ధుల్ ప‌ర్హానికి ఆ కుటుంబం ఎప్ప‌టికీ రుణ‌ప‌డే ఉంటుంది. తాజాగా ఓ ఇంటర్వూలో తేజ్ ముందుకి ఓ ఆస‌క్తిక‌ర ప్ర‌శ్న వేళ్లింది. అబ్ధుల్ ప‌ర్హానికి ఏమైనా సాయం చేసారా? అంటే చాలా విష‌యాలు చెప్పుకొచ్చాడు. సామాజిక మాధ్య‌మాల్లో దాని గురించి త‌ప్పుడు ప్ర‌చారం చేసారు.

'అత‌నికి కొంత డ‌బ్బు ఇచ్చి చేతులు దులుపుకునే ఆలోచ‌న నాకు లేదు. అత‌ను నా ప్రాణాన్ని కాపాడాడు. అందుకే ఎప్పుడు ఏ అవ‌స‌రం వ‌చ్చినా నేను ఉన్నాను అని చెప్పా. నెల రోజుల కింద‌టే అత‌న్ని క‌లిసాను. నా బృందం ఎప్పుడూ అత‌నికి అందుబాటులో ఉంటుంది. ఏమి ఇచ్చి అత‌ని రుణం తీర్చుకోగ‌ల‌ను. అత‌ను న‌న్ను వ‌దిలేసినా...నేను అత‌న్ని వ‌ద‌ల‌ను. అత‌న్ని ఎప్పుడూ అనుస‌రిస్తూనే ఉంటా' అని అన్నారు.

ఈ విష‌యంలో సాయితేజ్ ని గ్రేట్ అని మెచ్చుకోవాలి. అవ‌స‌రం తిరిపోయింద‌ని వ‌దిలిపెట్ట లేదు. ప‌ర్హాన్ అవ‌స‌రాలు కూడా గుర్తించి అత‌నికి అండ‌గా ఉండే ప్ర‌య‌త్నం చేస్తున్నాడు. గ‌త నెలలోనే క‌లిసాడంటే? ప‌ర్హాన్ ప‌ట్ల సాయితేజ్ దృక్ఫ‌థం ఎలాంటిద‌న్న‌ది అద్దం ప‌డుతుంది.