సింగం వ‌ర్సెస్ పుష్ప‌రాజ్.. ఎవ‌రిది పై చేయి?
పుష్ప - సింగం ఎగైన్ ఒకే రోజు రిలీజ‌వుతున్నాయి గ‌నుక ఉత్త‌రాదిన వ‌సూళ్ల ప‌రంగా ఆ మేర‌కు షేరింగ్ త‌ప్ప‌దు.
2024 స్వాతంత్య్ర దినోత్సవం సందర్భంగా అల్లు అర్జున్ 'పుష్ప 2' అజయ్ దేవగన్ 'సింగం ఎగైన్'తో ఢీకొననుంది. తాజాగా మోస్ట్ అవైటెడ్ 'పుష్ప 2' చిత్రాన్ని 2024 స్వాతంత్య్ర దినోత్సవం సందర్భంగా విడుదల చేయనున్నట్లు నిర్మాత‌లు ధృవీకరించడంతో స‌ర్వ‌త్రా ఉత్కంఠ నెల‌కొంది. రెండు భారీ చిత్రాలు ఒకే సీజ‌న్ లో ఢీకొట్ట‌నున్నాయి. చివ‌రికి బ‌రిలో ఎవ‌రు ఫేవరెట్‌..? అంటూ అభిమానుల్లో ఆస‌క్తిక‌ర చ‌ర్చ సాగుతోంది.
ప్రపంచవ్యాప్తంగా ప్రేక్షకుల్లో ఉత్కంఠ పెంచిన రెండు భారీ యాక్షన్ చిత్రాల వార్ కు 2024 స్వాతంత్య్ర దినోత్సవం సాక్ష్యంగా నిల‌వ‌నుంది. అల్లు అర్జున్ న‌టించిన 2021 బ్లాక్‌బస్టర్ పుష్ప: ది రైజ్‌కి సీక్వెల్ అయిన పుష్ప 2: ది రూల్ పై భారీ అంచ‌నాలున్నాయి. ఎంతో ఆసక్తిగా ఎదురుచూస్తున్న ఈ చిత్రం నేటి పాన్ ఇండియా ట్రెండ్ కి త‌గ్గ‌ట్టు భారీ కాన్వాస్ తో తెర‌కెక్కుతోంది. 15 ఆగస్ట్ 2024న పుష్ప 2 గ్రాండ్ రిలీజ్ కోసం అభిమానుల్లో ఉత్కంఠ నెల‌కొంది. పుష్ప: ది రైజ్ (పుష్ప 1 ) ఇటీవ‌ల 69వ జాతీయ అవార్డుల ఉత్స‌వాల్లో గొప్ప ప్రశంసలను అందుకుంది. ఈ చిత్రానికి ఉత్తమ నటుడు, ఉత్తమ సంగీత దర్శకుడు విభాగాల్లో జాతీయ అవార్డులు ద‌క్కాయి. ఈ శుభ‌వార్త‌తో సీక్వెల్ ని మ‌రో స్థాయిలో తెర‌కెక్కించేందుకు చిత్ర‌బృందం ప్ర‌య‌త్నిస్తోంది. మొద‌టి భాగంతో పోలిస్తే రెండో భాగం యాక్షన్ ప్యాక్డ్ ఎంట‌ర్ టైన‌ర్ గా అల‌రించ‌నుంది.
ఆస‌క్తిక‌రంగా 2024 ఆగ‌స్టు 15న బాలీవుడ్ నుంచి మ‌రో భారీ యాక్షన్ ఎంట‌ర్ టైన‌ర్ విడుదల కానుంది. అజయ్ దేవగన్ త‌న బ్లాక్ బ‌స్ట‌ర్ సింగం ఫ్రాంఛైజీ సినిమాతో మ‌రోసారి స‌త్తా చాటాల‌ని ఉవ్విళ్లూరుతున్నాడు. సింగం ఎగైన్‌తో దేవగన్ వెండితెరపై మళ్లీ గర్జించనున్నాడు. హై-ఆక్టేన్ యాక్షన్ ఎంటర్‌టైన‌ర్ కి రోహిత్ శెట్టి దర్శకత్వం వహిస్తున్నారు. తాజా చిత్రం బ్లాక్‌బస్టర్ సింగం ఫ్రాంచైజీలో మూడవ పార్ట్‌. ఈ చిత్రంలో దీపికా పదుకొణె అజయ్ దేవగన్ సోదరిగా కనిపించనుందని తెలుస్తోంది.
అయితే ఇరు సినిమాల‌కు ఫ్యాన్స్ స‌హా మార్కెట్ వ‌ర్గాల్లో ఉన్న క్రేజ్ ని ప‌రిశీలిస్తే.. పుష్ప 2 దే పైచేయిగా క‌నిపిస్తోంది. ముఖ్యంగా హిందీ భాష‌లో పుష్ప 2 పై భారీ అంచ‌నాలున్నాయి. 2023-24 సీజ‌న్ మోస్ట్ అవైటెడ్ హిందీ మూవీగా హైప్ ఇప్ప‌టికే ఉంది. ఇటీవ‌లి అన్ని స‌ర్వేలు పుష్ప2 కోసం ఉన్న బ‌జ్ నే హైలైట్ చేశాయి. నిజం చెప్పాలంటే అస‌లు సింగం సినిమా ప‌ట్టింపు అన్న‌దే లేదు. కానీ అజయ్ దేవగన్ లాంటి సీనియ‌ర్ హీరో సినిమా క‌నుక ఏ మేర‌కు పోటీనిస్తుందో చూడాలి.
పుష్ప - సింగం ఎగైన్ ఒకే రోజు రిలీజ‌వుతున్నాయి గ‌నుక ఉత్త‌రాదిన వ‌సూళ్ల ప‌రంగా ఆ మేర‌కు షేరింగ్ త‌ప్ప‌దు. సింగం ఎగైన్ కి టాప్ క్లాస్ టెక్నీషియ‌న్స్ ప‌ని చేస్తున్నారు కాబ‌ట్టి ఇది కూడా ఉత్త‌రాదిన భారీ వ‌సూళ్ల‌ను సాధిస్తుంద‌ని భావిస్తున్నారు. అయితే పుష్ప మానియా ముందు ఇంకేదీ నిల‌బ‌డ‌ద‌న్న కాన్ఫిడెన్స్ స‌ద‌రు చిత్ర‌బృందానికి ఉంది. సింగం రెగ్యుల‌ర్ కాప్ యాక్షన్ డ్రామా కాగా.. పుష్ప రాజ్ స్టోరి పూర్తిగా విభిన్న‌మైన‌ది. ఇది ఒక ఎర్ర‌చంద‌నం స్మ‌గ్ల‌ర్ ఫిక్ష‌న‌ల్ క‌థాంశం కావ‌డంతో స‌ర్వ‌త్రా ఉత్కంఠ నెల‌కొంది.