మ‌హాత్మ గాంధీని అవ‌మానించిన గాయ‌కుడికి శిక్ష
త‌న వివాదాస్ప‌ద వైఖ‌రితో ఇటీవ‌ల మ‌రోసారి మీడియా హెడ్ లైన్స్ లో కొచ్చారు ప్ర‌ముఖ గాయకుడు అభిజీత్ భట్టాచార్య.
త‌న వివాదాస్ప‌ద వైఖ‌రితో ఇటీవ‌ల మ‌రోసారి మీడియా హెడ్ లైన్స్ లో కొచ్చారు ప్ర‌ముఖ గాయకుడు అభిజీత్ భట్టాచార్య. షారూఖ్, స‌ల్మాన్ ఖాన్ సహా ప‌రిశ్ర‌మ అగ్ర హీరోలంద‌రి సినిమాల్లో ఆయ‌న చార్ట్ బ‌స్ట‌ర్ పాట‌లు పాడారు. వంద‌లాది పాట‌లతో గాయ‌కుడిగా అత్యున్న‌త శిఖ‌రాన్ని అధిరోహించిన అభిజీత్ త‌న వివాదాల కార‌ణంగా కెరీర్ ప‌రంగా జీరో అయ్యారు. షారూఖ్, స‌ల్మాన్ ల‌తో అత‌డి స‌మ‌స్య‌లు ఇప్ప‌టికీ అప‌రిష్కృతంగా మిగిలిపోయాయి.
ఇటీవ‌ల ఆయ‌న ఓ సంద‌ర్భంలో మ‌హాత్మ గాంధీజీపై తీవ్ర వ్యాఖ్యలు చేసారు. ఇప్పుడు అది స‌మ‌స్యాత్మ‌కంగా మారింది. మహాత్మా గాంధీ గురించి అవమానకరమైన వ్యాఖ్యలు చేసినందుకు గాయకుడు అభిజీత్ భట్టాచార్యపై ఫస్ట్ ఇన్ఫర్మేషన్ రిపోర్ట్ (ఎఫ్ఐఆర్) దాఖలు చేయాలని పూణేకు చెందిన సామాజిక కార్యకర్త దేశ్ పాండే డిమాండ్ చేశారు. పిటిఐ క‌థ‌నం ప్ర‌కారం... అభిజీత్ పై ఎఫ్ఐఆర్ నమోదు చేయాలని పూణే పోలీసులను అత‌డు ఆశ్రయించారు.
``గాంధీ భారత జాతిపిత కాదు.. పాకిస్తాన్ జాతిపిత`` అని వ్యాఖ్యానించి గాంధీజీని అవ‌మానించాడ‌ని ఫిర్యాదుదారుడి ఆరోప‌ణ. అత‌డి మూర్ఖ‌త్వం అంటూ ఫిర్యాదులో కొట్టి పారేసాడు. ఇది స్వాతంత్య్ర సమరయోధుడిపై ఆయనకున్న ద్వేషాన్ని చూపిస్తుందని వాదించారు. గాంధీజీని అవ‌మానించ‌డమే కాదు స‌మాజంలో చీలిక తెస్తున్నాడ‌ని అభిజీత్ పై స‌ద‌రు వ్య‌క్తి ఫిర్యాదు చేసాడు. ద‌క్క‌న్ జింఖానా పీఎస్‌కు ఫిర్యాదు అందించాడ‌ని దేశ్ ముఖ్ న్యాయవాది కూడా పేర్కొన్నారు. అయితే ఫిర్యాదు ఇంకా త‌మ‌కు చేరలేదని ఒక పోలీసు అధికారి పేర్కొన్న‌ట్టు క‌థ‌నాలొస్తున్నాయి.
ఈస‌లు వివాదం వివ‌రాల్లోకి వెళిత.. కొత్త సంవ‌త్స‌రం ప్రారంభంలో అభిజీత్ భట్టాచార్య ఓ ఇంట‌ర్వ్యూలో మాట్లాడుతూ.. గాంధీజీని పాకిస్తాన్ పితామహుడు అని కామెంట్ చేసారు. ఇది పెద్ద వివాదాన్ని రేకెత్తించింది. స్వ‌ర‌క‌ర్త ఆర్డి బ‌ర్మ‌న్ సంగీత ప్ర‌పంచంలో జాతిపిత.. మ‌హాత్మాగాంధీలాగేన‌ని వ్యాఖ్యానించాడు. మహాత్మా గాంధీ భారతదేశానికి కాదు, పాకిస్తాన్‌కు జాతిపిత. భారతదేశం అప్పటికే స్థిర‌ప‌డి ఉంది. తరువాత పాకిస్తాన్ భారతదేశం నుండి వేరు అయింది. గాంధీని భారతదేశానికి జాతిపిత అని తప్పుగా పిలుస్తారు. పాకిస్తాన్ ఉనికికి ఆయనే కారణమని అభిజీత్ వివ‌ర‌ణ ఇచ్చారు.
ఇటీవ‌ల ముంబైలో `లెవిటేటింగ్ x వో లడ్కీ జో` రీమిక్స్ ప్రదర్శ‌న‌కు దువా లిపా తనకు క్రెడిట్స్ ఇవ్వకపోవడంతో భట్టాచార్య చేసిన కామెంట్లు వైర‌ల్ అయిన సంగ‌తి తెలిసిందే.