ఫోటో స్టోరి: సీతా పాప దీపావ‌ళి ముగ్గు

మహేష్ బాబు కూతురు సితార ఘట్టమనేనికి సామాజిక మాధ్య‌మాల్లో ఉన్న ఫాలోయింగ్ గురించి తెలిసిందే. సితార‌ యాక్టివ్ కిడ్. న‌మ్ర‌త శిరోద్క‌ర్ నిరంత‌రం సీతా పాప ప్ర‌తిభ, అల్ల‌రి గురించిన ఫోటోలు, వీడియోల‌ను కూడా షేర్ చేస్తారు. సితార కూడా ఇన్ స్టాలో త‌న‌కు సంబంధించిన అరుదైన ఫోటోలు వీడియోల‌ను షేర్ చేస్తుంటే అభిమానుల్లో అవి వైర‌ల్ అవుతున్నాయి.

ఇది దీపావ‌ళి సీజ‌న్. అన్ని ఇండ్ల‌లో ప్ర‌త్యేకించి దీపారాధ‌న‌లు, ఉత్స‌వాలు జ‌రుగుతున్నాయి. దివ్వెలు వెలిగించి దేవాధిదేవ‌త‌ల‌కు మొక్కుతున్నారు. ఇంటి ముందు ముగ్గుల కొలువులు అందంగా ముస్తాబ‌వుతున్నాయి. సితార ఘ‌ట్ట‌మ‌నేని ఇప్పుడు త‌న ఇంటి ముందు ఒక అంద‌మైన ముగ్గు వేస్తూ క‌నిపించింది. ప‌రిశీల‌న‌గా చూస్తే.. ఇది దీపావ‌ళి స్పెష‌ల్ ముగ్గు. సితార‌కు ఇత‌రులు కూడా ఈ ముగ్గు వేయ‌డానికి స‌హ‌క‌రించ‌డం ఈ ఫోటోగ్రాఫ్ లో క‌నిపిస్తోంది.

సితార ఘట్టమనేని న‌ట‌వృత్తిలోకి ప్ర‌వేశిస్తారా? అంటే దానికి ఇటీవ‌ల త‌నే స్వ‌యంగా జ‌వాబిచ్చింది.

``సినిమా- నా జీవితంలో నా పెంపకంలో చాలా ప్రత్యేక స్థానాన్ని కలిగి ఉంది. ఇది నాకు పరిశ్రమ కాదు. ఇది నా DNA లో భాగం. మా నాన్న వెండితెర టైటాన్. తన తండ్రి(కృష్ణ‌) ఆయనకు ఎలా ఉండేవారో, అలాగే నాకు ఎప్పుడూ స్ఫూర్తి. అతడు నా తండ్రి. నా సోదరుడి కోసం.. నా కోసం (బ్లాక్ హార్ట్ ఎమోజీలు) అందించిన‌ ఈ వారసత్వంలో భాగమైనందుకు చాలా గర్వంగా ఉంది..వారికి కృత‌జ్ఞ‌త‌లు`` అని రాసారు.

మహేష్, నమ్రత గురించి

మహేష్ బాబు -నమ్రత 10 ఫిబ్రవరి 2005న వివాహం చేసుకున్నారు. వారికి 17 ఏళ్ల కుమారుడు గౌతమ్ ఘట్టమనేని, కుమార్తె సితార ఘట్టమనేని ఉన్నారు.

ప్ర‌స్తుతం త్రివిక్రమ్ శ్రీనివాస్ దర్శకత్వం వ‌హిస్తున్న `గుంటూరు కారం`లో మహేష్ న‌టిస్తున్నారు. మహేష్‌తో పాటు రమ్యకృష్ణ, మీనాక్షి చౌదరి, శ్రీలీల, జగపతిబాబు ప్రధాన పాత్రల్లో నటిస్తున్నారు. ఈ చిత్రం 2024 జనవరి 13న థియేటర్లలోకి రానుంది. త‌దుప‌రి రాజ‌మౌళి ద‌ర్శ‌క‌త్వంలోను మ‌హేష్ భారీ పాన్ ఇండియా చిత్రంలో నటిస్తారు.