జవాన్ ఫస్ట్ డేట్ టార్గెట్.. బాక్సాఫీస్ షేక్ అవుతుందా..?

కొన్నాళ్లుగా సరైన సక్సెస్ లు లేక కెరీర్ లో డీలా పడ్డ బాలీవుడ్ బాద్షా షారుఖ్ ఖాన్ తను హిట్ కొడితే ఎలా ఉంటుందో పఠాన్ తో చూపించాడు. పఠాన్ తో సూపర్ కమ్ బ్యాక్ ఇచ్చిన షారుఖ్ ఆ జోష్ తోనే త్వరలో జవాన్ అంటూ రాబోతున్నాడు. సౌత్ స్టార్ డైరెక్టర్ అట్లీ దర్శకత్వంలో తెరకెక్కిన జవాన్ సినిమా పాన్ ఇండియా వైడ్ సెప్టెంబర్ 7న రిలీజ్ అవుతుంది. ఈ సినిమాతో సౌత్ లో కూడా తన సత్తా చాటాలని చూస్తున్నారు షారుఖ్. నయనతార, దీపికా పదుకొనే హీరోయిన్స్ గా నటిస్తున్న ఈ సినిమాకు అనిరుద్ రవిచందర్ మ్యూజిక్ అందించాడు.

సౌత్ సినిమాలు బాలీవుడ్ లో సత్తా చాటుతున్న ఈ టైం లో సౌత్ డైరెక్టర్ తో షారుఖ్ జవాన్ సినిమా చేయడం హాట్ టాపిక్ గా మారింది. ఇక టీజర్, ట్రైలర్ సినిమాపై భారీ అంచనాలు పెంచాయి. సెప్టెంబర్ 7న ప్రేక్షకుల ముందుకు వస్తున్న జవాన్ సినిమా ఫస్ట్ డేట్ టార్గెట్ చాలా పెద్దదిగానే ఉందని తెలుస్తుంది. హిందీ లోనే రిలీజ్ డేట్ 70 కోట్ల దాకా వచ్చే అవకాశాలు ఉన్నాయని చెప్పుకుంటున్నారు. సౌత్ లో కూడా షారుఖ్ సినిమా ఫస్ట్ డే 20 కోట్ల దాకా తెస్తుందని ట్రేడ్ టాక్. ఓవర్సీస్ లో కూడా జవాన్ సినిమాపై సూపర్ బజ్ ఉంది. సో ఎలా లేదన్నా షారుఖ్ జవాన్ ఫస్ట్ డే 120 నుంచి 130 కోట్ల దాకా మొదటి రోజు వసూళ్లను రాబడుతుందని అంచనా వేస్తున్నారు.

పఠాన్ తో 1000 కోట్లు కొల్లగొట్టిన షారుఖ్ ఆ సినిమా మొదటి రోజు బాలీవుడ్ లో 60 కోట్లు రాబట్టాడు. జవాన్ కి అక్కడ కూడా విపరీతమైన క్రేజ్ ఉంది కాబట్టి ఈ సినిమాకు ఆ లెక్క పెరిగే అవకాశం ఉంది. సౌత్ లో కూడా ఈ సినిమాను బాగానే ప్రమోట్ చేస్తున్నారు. అట్లీ తమిళ్ లో ఈ సినిమా స్ట్రైట్ తమిళ సినిమా అన్న రేంజ్ లో ప్రమోట్ చేయిస్తున్నారు. ఈమధ్య వరుస సక్సెస్ లతో దూసుకెళ్తున్న అనిరుధ్ మ్యూజిక్ కూడా జవాన్ కి ప్లస్ అయ్యేలా ఉంది.

జవాన్ సినిమాతో షారుఖ్ ఖాన్ సరికొత్త సంచలనాలు సృష్టించాలని చూస్తున్నాడు. అంతకుముందు విజయ్ తో వరుస విజయాలను అందుకున్న అట్లీ షారుఖ్ తో జవాన్ సినిమా చేశాడు. రీసెంట్ గా రిలీజైన ట్రైలర్ అయితే సినిమాపై అంచనాలు డబుల్ చేసింది. మరి జవాన్ అనుకున్న టార్గెట్ రీచ్ అవుతాడా లేదా అన్నది మరో 6 రోజుల్లో తెలుస్తుంది.