ఇక మోత మోగాల్సిందే..

అక్కినేని నాగ చైతన్య పాన్ ఇండియా రేంజ్ లో చేస్తోన్న మొదటి సినిమా ‘తండేల్’. ఈ సినిమా కోసం చైతన్య తనని తాను పూర్తిగా మార్చుకొని సరికొత్త మేకోవర్ తో ప్రేక్షకులకి కనిపించబోతున్నాడు. శ్రీకాకుళం బ్యాక్ డ్రాప్ లో ఈ మూవీ కథ ఉండబోతోంది. చందూ మొండేటి దర్శకత్వంలో సిద్ధమవుతోన్న ఈ సినిమాని గీతా ఆర్ట్స్ 2 బ్యానర్ పై బన్నీ వాస్ నిర్మిస్తున్నారు.

అలాగే బన్నీ వాస్ కెరీర్ లో కూడా ఇదే భారీ బడ్జెట్ తో చేస్తోన్న సినిమా ఇదే కావడం విశేషం. సముద్రంపై వేటకి వెళ్లి పాకిస్థాన్ నేవీకి చిక్కిన ఒక మత్స్యకారుడి కథతో ఈ మూవీ ఉండబోతోందంట. రాజు అనే రియల్ లైఫ్ ఫిషర్ మెన్ క్యారెక్టర్ లో నాగ చైతన్య ఈ చిత్రంలో కనిపించబోతున్నాడు. అతని ప్రియురాలిగా సాయి పల్లవి చేస్తోంది.

ఆమె పాత్ర కూడా సినిమాలో చాలా బలంగా ఉంటుందంట. ఎమోషనల్ లవ్ కంటెంట్ ను రియాలిటీ కి దగ్గరగా ‘తండేల్’ మూవీలో చూపించబోతున్నారంట. ఇక సినిమాని ఫిబ్రవరిలో రిలీజ్ చేస్తామని మేకర్స్ రీసెంట్ గా కన్ఫర్మ్ చేశారు. ఇదిలా ఉంటే ఈ సినిమా పైన అక్కినేని ఫ్యాన్స్ చాలా హోప్స్ పెట్టుకున్నారు. కచ్చితంగా ఈ మూవీతో చైతన్య గట్టిగా హిట్ కొడతాడని నమ్ముతున్నారు.

ఈ నేపథ్యంలో మూవీ అప్డేట్స్ కోసం కూడా ఎక్స్ పెక్ట్ చేస్తున్నారు. ‘తండేల్’ సినిమాపై పబ్లిక్ లో కూడా మంచి బజ్ ఉంది. దీనికి మరింత హైప్ తీసుకొని రావాలని అనుకుంటున్నారు. అందుకే మూవీ నుంచి అప్డేట్స్ ప్లాన్ చేస్తున్నట్లు టాక్ వినిపిస్తోంది. అందులో భాగంగా ముందుగా ‘తండేల్’ నుంచి మ్యూజికల్ ట్రీట్ ఇవ్వబోతున్నారని ప్రచారం జరుగుతోంది.

దేవిశ్రీ ప్రసాద్ ఈ సినిమాకి సంగీతం అందిస్తున్న విషయం తెలిసిందే. శ్రీకాకుళం బ్యాక్ డ్రాప్ కావడంతో కచ్చితంగా మంచి ఫోక్స్ బీట్స్ ఈ చిత్రంలో ఉంటాయని నమ్ముతున్నారు. ‘రంగస్థలం’ లో జిగేలు రాణి తరహాలో కచ్చితంగా ఒక సాంగ్ అయిన పెట్టి ఉంటాడని అనుకుంటున్నారు.

ఈ నేపథ్యంలో సాంగ్స్ కోసం ప్రేక్షకులు వెయిట్ చేస్తున్నారు. మోత మోగాలి అని సోషల్ మీడియాలో కామెంట్స్ చేస్తున్నారు. ఇక త్వరలో మూవీ సాంగ్స్ కి సంబంధించి ఏదో ఒక ప్రకటన వచ్చే అవకాశం ఉందనే ప్రచారం జరుగుతోంది. సాంగ్స్ పరంగా ఈ మధ్యకాలంలో దేవిశ్రీ ప్రసాద్ పెద్దగా ఫెయిల్ కాలేదు. కచ్చితంగా ‘తండేల్’ కి బెస్ట్ సాంగ్స్ ఇచ్చి ఉంటాడని ఫ్యాన్స్ భావిస్తున్నారు.