పండగ వేళ.. అప్డేట్ ఇవ్వరా?

ఏదైనా ఫెస్టివల్ వచ్చిందంటే స్టార్ హీరోల చిత్రాల నుంచి ఏదో ఒక అప్డేట్ ప్రేక్షకులకి అందుతుంది. ఫ్యాన్స్ కూడా ఇలాంటి అప్డేట్స్ కోసం వెయిట్ చేస్తూ ఉంటారు. తమ అభిమాన హీరో కొత్త సినిమాకి సంబందించిన పోస్టర్, టీజర్, గ్లింప్స్ లాంటివి వస్తే వాటిని క్షణాల్లో వైరల్ చేయాలని వేయి కళ్ళతో ఎదురుచూస్తూ ఉంటారు. అలాగే ఇండియన్ హిందూ క్యాలెండర్ ప్రకారం మొట్టమొదటి పండుగ వినాయకచవితి.

విఘ్నేశ్వర పూజతోనే ఎలాంటి పనులైన మొదలు పెడతారు. అలాంటి వినాయకచవితి పండుగ నాడు మన హీరోల సినిమాలకి సంబంధించిన అప్డేట్స్ ఉండాలని అభిమానులు కోరుకుంటారు. కాని తాజాగా వినాయకచవితి రోజున టైర్ 1 హీరోల నుంచి ఒక్క మూవీ అప్డేట్ కూడా రాలేదు. కొంతమంది ఏదో విషెస్ ట్వీట్ లు వేసి సరిపెట్టేశారు. టైర్ 2 హీరోలలో కొంతమంది సినిమాలకి సంబందించిన అప్డేట్స్ వచ్చాయి.

స్కంద మూవీ నుంచి సాంగ్ రిలీజ్ అయ్యింది. హనుమాన్ మూవీ పోస్టర్ రిలీజ్ చేశారు. ప్రస్తుతం స్టార్ హీరోలు అందరూ పాన్ ఇండియా ప్రాజెక్ట్స్ తో బిజీగా ఉన్నారు. ప్రభాస్ నుంచి సలార్, కల్కి 2898 ఏడీ, మారుతి దర్శకత్వంలో చేస్తోన్న సినిమాలున్నాయి. పవన్ కళ్యాణ్ ఉస్తాద్ భగత్ సింగ్, OG, హరిహర వీరమల్లు మూవీస్ సెట్స్ పైన ఉన్నాయి. మహేష్ బాబు గుంటూరు కారం షూటింగ్ దశలో ఉంది.

రామ్ చరణ్ గేమ్ చేంజర్, ఎన్టీఆర్ దేవర, అల్లు అర్జున్ పుష్ప 2 సినిమాలు అన్ని షూటింగ్ దశలోనే ఉన్నాయి. ఈ సినిమాలకి సంబందించిన అప్డేట్స్ వస్తే మొత్తం సందడిగా ఉండేది. అయితే వినాయకచవితి ఫెస్టివల్ రోజున టాలీవుడ్ మూవీ అప్డేట్స్ తో ఎలాంటి వైబ్ క్రియేట్ చేయలేకపోయారు.

కేవలం టాలీవుడ్ సినిమాలకి సంబంధించి మాత్రమే కాకుండా బాలీవుడ్ స్టార్స్ నుంచి కూడా సినిమా అప్డేట్స్ లాంటివి రాకపోవడం విశేషం. దీంతో వినాయకచవితి ఎన్నడూ లేని విధంగా సోషల్ మీడియాలో సైలెంట్ గా జరిగిపోయింది. మూవీ అప్డేట్స్ ఏమైనా ఉండి ఉంటే ఫ్యాన్స్ నుంచి కొంత హడావిడి, సందడి ఉండేది.