డెమి గాడ్‌ ఫిరోషియ‌స్ లుక్ లో ఉపేంద్ర విశ్వ‌రూపం!

క‌న్న‌డ స్టార్ ఉపేంద్ర ప్ర‌ధాన పాత్ర‌లో స్వీయా ద‌ర్శ‌క‌త్వంలో `యూఐ` అనే చిత్రం తె ర‌కెక్కుతోన్న సంగ‌తి తెలిసిందే. దాదాపు ఏడేళ్ల గ్యాప్ అనంత‌రం ఉప్పీ ద‌ర్శ‌క‌త్వం వ‌హిస్తోన్న సినిమా ఇది. ఇప్ప‌టికే రిలీజ్ అయిన ఉపేంద్ర ఫ‌స్ట్ లుక్...ప్ర‌చార చిత్రాల‌తో సినిమాపై అంచ‌నాలు తారా స్థాయికి చేరాయి. ఉపేంద్ర మార్క్ చిత్రంగా నిలుస్తుంద‌నే అంచ‌నాలున్నాయి. టాలీవుడ్ లో మంచి కంబ్యాక్ మూవీ అవుతుంద‌ని ఆశిస్తున్నారు.

ఇందులో ఉపేంద్రకు జోడీగా రీష్మా నానయ్య న‌టిస్తోంది. ఈ చిత్రానికి `కాంతర` ఫేమ్‌ అజనీష్ లోకనాథ్ సంగీతం అందిస్తుండ‌టం మ‌రో విశేషం. ఇప్ప‌టికే రిలీజ్ అయిన గ్లింప్స్ తోనే అజ‌నీష్ లోక్ నాధ్ మ్యూజిక్ తో మ్యాజిక్ చేసిన‌ట్లే క‌నిపిస్తుంది. దీంతో సినిమా ఎప్పుడు రిలీజ్ అవుతుందా? అని ఆడియ‌న్స్ లో ఉత్కంఠ పెరిగిపోతుంది. ఈ నేప‌థ్యంలో తాజాగా రిలీజ్ అప్ డేట్ వ‌చ్చేసింది. ద‌స‌రా కానుక‌గా అక్టోబ‌ర్‌లో ప్రేక్ష‌కుల ముందుకు తీసుకురాబోతున్న‌ట్లు ప్ర‌క‌టించారు. ఈ సంద‌ర్భంగా ఓ స్పెష‌ల్ వీడియోను విడుద‌ల చేశారు.

ఈ వీడియోలో ‘UI’ అనే ఫిక్ష‌న‌ల్ ప్రపంచంలో ఉపేంద్ర‌ డెమి గాడ్‌గా ఫిరోషియ‌స్ లుక్‌లో అల‌రిస్తున్నాడు. ఉపేంద్ర ఆహార్యం..బ్యాక్ గ్రౌండ్ లోకేష‌న్ వ్య‌వ‌హర‌మంతా ఓ కొత్త వ‌ర‌ల్డ్ లోకి తీసుకెళ్తున్న‌ట్లే క‌నిపిస్తుంది. ఈ సినిమా క‌థ విషయానికి వ‌స్తే.. ‘యుఐ’ అనే ఫిక్ష‌న‌ల్ వ‌రల్డ్‌లో ఉండ‌నున్న‌ట్లు తెలుస్తుంది. యూఐ అనే వ‌రల్డ్‌ను ప‌రిపాలించే రాజుగా ఉప్పి క‌నిపించ‌నున్నాడు. ఆ వ‌ర‌ల్డ్ లో ఓ కొత్త క‌థ‌ని తెర‌పై ఆవిష్క‌రిం చిన‌ట్లు ఇప్ప‌టికే రివీల్ చేసారు.

ప్ర‌స్తుతం సినిమాల ట్రెండ్ మారింది. ప్రేక్ష‌కుల‌కు కొత్త ఫీల్ ని అందించే కంటెంట్ కోసం ర‌చ‌యిత‌లు మ‌రింత హార్డ్ వ‌ర్క్ చేస్తున్నారు. క‌న్న‌డ ప‌రిశ్ర‌మ మ‌రింత అప్ డేట్ గా క‌నిపిస్తుంది. కేజీఎఫ్‌, కాంతార లాంటి సినిమాలు క‌న్న‌డ ప‌రిశ్ర‌మ‌కి పాన్ ఇండియాలో మంచి పేరు తీసుకొచ్చిన సంగ‌తి తెలిసిందే. క‌బ్జా తోనూ ఉపేంద్ర ఓ ప్ర‌యోగం చేసాడు కానీ ప‌న‌వ్వ‌లేదు. ఈసారి మాత్రం ఉయ్ డోంట్ మిస్ అంటూ యూఐ తో వ‌స్తున్నారు.