రజినీకాంత్.. నాగార్జున ప్లేస్ లో ఆ హీరో?
హీరోలు కూడా సోలో ఇమేజ్ ని పక్కన పెట్టి ఇతర స్టార్ హీరోల సినిమాలలో నటించడానికి ముందుకొస్తున్నారు.
ప్రస్తుతం సౌత్ ఇండస్ట్రీలో పాన్ ఇండియా ట్రెండ్ నడుస్తోంది. దర్శకులు అందరూ యూనివర్సల్ కథలతో సినిమాలు చేస్తున్నారు. అలాగే మల్టీ స్టారర్ కథలకి పెద్దపీట వేస్తున్నారు. ఈ నేపథ్యంలో ఇతర భాషలలో స్టార్స్ గా ఉన్నవారిని కూడా తమ సినిమాలలో కీలక పాత్రల కోసం ఎంపిక చేస్తున్నారు. హీరోలు కూడా సోలో ఇమేజ్ ని పక్కన పెట్టి ఇతర స్టార్ హీరోల సినిమాలలో నటించడానికి ముందుకొస్తున్నారు. అందుకే మల్టీ స్టారర్ కథలని ఎక్కువగా చూడగలుగుతున్నాం.
కింగ్ నాగార్జున హిందీలో రణబీర్ కపూర్ బ్రహ్మాస్త్ర మూవీలో కనిపించారు. ప్రస్తుతం శేఖర్ కమ్ముల దర్శకత్వంలో తెరకెక్కుతోన్న కుభేర సినిమాలో ధనుష్ తో కలిసి స్క్రీన్ షేర్ చేసుకుంటున్నారు. లోకేష్ కనగరాజ్ దర్శకత్వంలో సూపర్ స్టార్ రజినీకాంత్ హీరోగా తెరకెక్కుతోన్న చిత్రంలో కూడా కింగ్ నాగార్జున కీలక పాత్రలో నటించడానికి గ్రీన్ సిగ్నల్ ఇచ్చినట్లు టాక్ వచ్చింది. అయితే మరల ఏమైందో ఇప్పుడు ఆ క్యారెక్టర్ కోసం లోకేష్ కనగరాజ్ కన్నడ స్టార్ ఉపేంద్రని ఎంపిక చేశారంట.
ఉపేంద్ర కన్నడంలో డిఫరెంట్ కథలతో మూవీస్ చేస్తూనే ఇతర భాషలలో కూడా స్టార్ హీరోల చిత్రాలలో నటిస్తున్నారు. ఇప్పటికే తెలుగులో ఉపేంద్ర చాలా మూవీస్ లో నటించాడు. తమిళంలో H20 సినిమాలో ఉపేంద్ర గతంలో నటించారు . తరువాత విశాల్ సెల్యూట్ సినిమాలో కీలక పాత్రలో ఉపేంద్ర కనిపించారు. మరల 16 ఏళ్ళ తర్వాత తమిళ్ సినిమా ఇండస్ట్రీలో సూపర్ స్టార్ రజినీకాంత్ తో కలిసి ఉపేంద్ర నటించబోతున్నాడు. ఈ మూవీలో అతని పాత్ర చాలా పవర్ ఫుల్ గా ఉండబోతోందని టాక్.
అతను ఈ చిత్రంలో విలన్ గా కనిపిస్తాడనే మాట వినిపిస్తోంది. ఇప్పటికే మూవీ షూటింగ్ లో ఉపేంద్ర జాయిన్ అయినట్లు తెలుస్తోంది. కన్నడంలో సోలో హీరోగా ఉపేంద్ర మూడు పాన్ ఇండియా సినిమాలు చేస్తున్నారు. వాటిలో UI మోస్ట్ అవైటెడ్ మూవీగా ఉంది. డిఫరెంట్ కాన్సెప్ట్ తో ఈ చిత్రం తెరకెక్కుతోంది. బుద్ధిమంత 2 ఒకటి సెట్స్ పైన ఉంది. అలాగే త్రిశూలం అనే మరో మూవీ కూడా లైన్ లో ఉంది. UI మూవీ 100 కోట్ల బడ్జెట్ తో తెరకెక్కుతోంది.
ఈ సినిమాకి ఉపేంద్రనే దర్శకత్వం వహించడం విశేషం. అక్టోబర్ లో ఈ మూవీ రిలీజ్ కాబోతున్నట్లు తెలుస్తోంది. కూలీ సినిమాలో ఉపేంద్రతో పాటు అమితాబ్ బచ్చన్, రానా దగ్గుబాటి, శృతి హాసన్ కీలక పాత్రలలో కనిపించబోతున్నట్లు తెలుస్తోంది. వచ్చే ఏడాది ద్వితీయార్ధంలో ఈ సినిమా థియేటర్స్ లోకి రానుంది. లోకేష్ సినిమాటిక్ యూనివర్స్ లో భాగంగానే ఈ మూవీ తెరకెక్కుతూ ఉండటం విశేషం.