బ్యూటీ గోల్డెన్ ఐఫోన్ దొరికింది.. ఆ గిఫ్టుకు రెఢీ అన్న ఊర్వశీ

పాజిటివ్ కానీ నెగిటివ్ కానీ.. మొత్తంగా ఏదోలా తరచూ వార్తల్లో నిలుస్తూ అందరిని ఆకర్షిస్తూ ఉంటుంది బాలీవుడ్ హాట్ బ్యూటీ ఊర్వశి రౌతాలా. సోషల్ మీడియాలో ఆమె పెట్టే పోస్టులు ఆమె అందరికి తెలిసేలా చేయటమే కాదు.. తనకొచ్చిన అవకాశాల్ని నూటికి నూరు శాతం వినియోగించుకుంటూ పాపులర్ అయ్యారు. సినిమాల సంగతిని పక్కన పెడితే.. తన వ్యక్తిగత జీవితానికి సంబంధించిన విషయాల్ని ఓపెన్ గా మాట్లాడే ఆమె.. కొన్ని సందర్భాల్లో వివాదాల్ని సోషల్ మీడియాలో చర్చకు పెట్టేస్తుంటారు.

ఇదిలా ఉంటే.. ఈ మధ్యన భారత్ -పాక్ మధ్య జరిగిన క్రికెట్ మ్యాచ్ చూసేందుకు అహ్మదాబాద్ స్టేడియంకు వెళ్లి సందడి చేసింది. టీమిండియాను ఉత్సాహపరిచింది. అయితే.. ఈ హఢావుడిలో అసలుసిసలైన తన బంగారు ఐఫోన్ ను పోగొట్టుకుంది. ఇదే విషయాన్ని సోషల్ మీడియాలో పోస్టు చేసింది. తన నిజమైన బంగారు ఐఫోన్ ను పోగొట్టుకున్నానని.. తిరిగి ఇవ్వాలని కోరటమే కాదు.. మంచి గిప్టు ఇస్తానంటూ ఆశ పెట్టింది.

మొత్తానికి ఆమె పోస్టుకు స్పందనగా ఒక గుర్తు తెలియని వ్యక్తి ఆమెను సంప్రదించాడట. తన దగ్గర బంగారు ఐఫోన్ ఉందని పేర్కొన్న అతను.. తాను పెట్టే కండీషన్ కు ఓకే చేస్తే పోగొట్టుకున్న ఫోన్ ను ఇస్తానని చెప్పాడట. ‘‘మీ ఫోన్ నా దగ్గరే ఉంది. అది మీకు తిరిగి ఇవ్వాలంటే నాదో కండీషన్. క్యాన్సర్ తో బాధ పడుతున్న నా సోదరుడిని కాపాడుకోవటంలో సాయం చేయాలి’ అని మొయిల్ చేశాడు. ఇదే విషయాన్ని తెలియజేస్తూ థంబ్స్ గుర్తును పోస్టు చేసింది ఊర్వశి. మరి.. ఆమె ఫోన్ ఆమెకు ఆ అజ్ఞాతవాసి తిరిగి ఇచ్చేశారా? లేదా? అన్నది మాత్రం తెలియాల్సి ఉంది.