వ‌రుణ్ తేజ్ ఇప్ప‌టికైనా మేలుకోక త‌ప్ప‌దా?
దీంతో మెగా అభిమానులు 'ఆప‌రేష‌న్ వాలెంటైన్‌' విష‌యంలో ఆందోళ‌న‌కు గుర‌వుతున్నార‌ట. అంతే కాకుండా డిసెంబ‌ర్‌లో భారీ సినిమాలు రాబోతున్నాయి.
ఇక ప్ర‌వీణ్ స‌త్తారు డైరెక్ష‌న్‌లో న‌టించిన స్పై యాక్ష‌న్ థ్రిల్ల‌ర్ 'గాండీవ‌ధారి అర్జున' అయినా గ‌ట్టెక్కిస్తుంది అనుకుంటే అదీ జ‌ర‌గ‌లేదు. భారీ అంచ‌నాలు పెట్టుకున్న ఈ సినిమా ఎప్పుడు వ‌చ్చిందో..ఎలా వెళ్లిందో కూడా తెలియ‌కుండానే వెళ్లిపోయింది. ఈ సినిమాల త‌రువాత వ‌రుణ్ న‌టించిన స్పై యాక్ష‌న్ ఎంట‌ర్ టైన‌ర్ 'ఆప‌రేష‌న్ వాలెంటైన్‌'. శ‌క్తి ప్ర‌తాప్ సింగ్ హ‌డా ద‌ర్శ‌క‌త్వం వ‌హించారు. తెలుగు, హిందీ భాష‌ల్లో ద్వి భాషా చిత్రంగా రూపొందిన ఈ సినిమాపై వ‌రుణ్ తేజ్ భారీ అంచ‌నాలు పెట్టుకున్నాడు.
ఇండియ‌న్ ఏయిర్ ఫోర్స్ నేప‌న‌థ్యంలో జ‌ర‌గిన కొన్ని య‌దార్థ సంఘ‌ట‌న‌ల ఆధారంగా ఈ సినిమాని రూపొందించారు. ఇండియ‌న్ ఏయిర్ ఫోర్స్‌కు సంబంధించిన వింగ్ క‌మాండ‌ర్ అభినంద‌న్ వ‌ర్ధ‌మాన్ 2019లో జ‌రిగిన భార‌త్‌- పాకిస్థాన్ సైనిక ప్ర‌తిష్టంభ‌న స‌మ‌యంలో మూడు రోజుల పాటు పాక్‌లో యుద్ధ ఖైదీగా ఉండ‌టంతో ప్ర‌పంచ వ్యాప్తంగా ఈ అంశం తీవ్ర సంచ‌ల‌నం సృష్టించింది. ఈ సంఘ‌ట‌న స్ఫూర్తితో రూపొందిన సినిమానే 'ఆప‌రేష‌న్ వాలెంటైన్‌'. భారీ స్థాయిలో రూపొందిన ఈ సినిమా డిసెంబ‌ర్ 8న రిలీజ్‌కు రెడీ అవుతోంది.
ఏయిర్ ఫోర్స్ నేప‌థ్యంలో చిత్రీక‌రించిన భారీ యాక్ష‌న్ స‌న్నివేశాలు ఈ సినిమాకు ప్ర‌ధాన హైలైట్‌గా నిల‌వ‌నున్నాయ‌ట. సోలో హీరోగా వ‌రుణ్ తేజ్ న‌టించిన ఈ సినిమా బ్లాక్ బ‌స్ట‌ర్ హిట్ గా నిల‌వ‌డం త‌ప్ప‌ని స‌రి ఈ నేప‌థ్యంలో ఈ సినిమా ప్ర‌మోష‌న్స్ ప‌రంగా ఈ ప్రాజెక్ట్ విష‌యంలో వ‌రుణ్ మేల్కోవాల్సిన అవ‌స‌రం ఎంతో ఉందనే కామెంట్‌లు వినిపిస్తున్నాయి. న‌వంబ‌ర్‌లో వ‌రుణ్ - లావ‌ణ్య‌ల వివాహం జ‌ర‌గ‌బోతోంది. పెళ్లి త‌రువాత నుంచి వ‌రుణ్ 'ఆప‌రేష‌న్ వాలెంటైన్‌' ప్ర‌మోష‌న్స్‌లో పాల్గొంటారట.
అయితే మెగా అభిమానుల‌ని 'ఆప‌రేష‌న్ వాలెంటైన్‌' విష‌యంలో ఓ భ‌యం వెంటాడుతోంది. కార‌ణం 'గాండీవ‌ధారి అర్జున'. ఈ సినిమా కూడా ఇంచుమించు ఇదే త‌ర‌హా పాయింట్ నేప‌థ్యంలో రూపొందింది. దీంతో మెగా అభిమానులు 'ఆప‌రేష‌న్ వాలెంటైన్‌' విష‌యంలో ఆందోళ‌న‌కు గుర‌వుతున్నార‌ట. అంతే కాకుండా డిసెంబ‌ర్‌లో భారీ సినిమాలు రాబోతున్నాయి. వాటిని త‌ట్టుకుని 'ఆప‌రేష‌న్ వాలెంటైన్‌' నిల‌బ‌డ‌టం క‌ష్ట‌మేన‌ని ట్రేడ్ వ‌ర్గాలు అంటున్నాయి. కొంత కాలంగా వ‌రుస ఫ్లాపుల్లో ఉన్న వ‌రుణ్ తేజ్ 'ఆప‌రేష‌న్ వాలెంటైన్‌' విష‌యంలో అయినా జాగ్ర‌త్త‌ప‌డి మేలుకుంటే మంచిద‌ని ప‌లువురు అభిమానులు వాపోతున్నారు.